Հայաստանում Covid-19-ով վարակվածության 188 նոր դեպք է հաստատվել
Նախորդ օրը կորոնավիրուսից մահացել է 4 մարդ, առողջացել են 566-ը: Հանրապետությունում փաստացի բուժում ստացող պացիենտների թիվը նվազել է՝ հասելով 3656-ի:
Առողջացածների թիվը երկրում հասել է 39823-ի: Նախորդ օրը կատարված թեստերից 1978-ն են եղել բացասական: Մինչ օրս կատարվել է ընդհանուր առմամբ 215810 թեստավորում:
Հայաստանում կորոնավիրուսից մահացածների թիվը հասել է 895-ի: Վերջին օրվա ընթացքում մահացած պացիենտները եղել են 69 (տղամարդ), 70 (տղամարդ), 83 (տղամարդ) և 84 (կին) տարեկան: Հաղորդվում է, որ բոլորն ունեցել են ուղեկցող քրոնիկական հիվանդություններ։
Կորոնավիրուսային վիրուսով վարակված քաղաքացիների շրջանում այլ հիվանդության պատճառով մահացությունների թիվը դարձել է 275՝ նախորդ օրն ավելանալով 3-ով:
Վարակվածության հաստատված դեպքերի ընդհանուր թիվը հասել է 44629-ի՝ նախորդ օրն ավելանալով 188-ով: Փաստացի բուժում ստացողների թիվը նվազել է՝ մոտենալով մայիսի 20-24-ին գրանցված ցուցանիշներին:
Մեկնաբանությունները