<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/news/arajnahertutyunnery/feed"
        rel="self"
        type="application/rss+xml"
    />

    <lastBuildDate>Sun, 15 Nov 2026 18:04:59 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link>https://shesht.am/news/arajnahertutyunnery</link>

    
        
        <item>

            <guid isPermaLink="false">https://shesht.am/?p=19921</guid>

            <pubDate>Wed, 15 Sep 2021 16:50:56 +0000</pubDate>

            <title>Արդյո՞ք համընկնում են Հայաստանի և ՀԱՊԿ-ի առաջնահերթությունները</title>

            <description><![CDATA[<p>ԱՊՀ երկրների ինստիուտի հայկական մասնաճյուղի տնօրենի խոսքով՝ Միջին Ասիայում և Կովկասում ՀԱՊԿ-ի սահմաններին ստեղծված իրավիճակը ցույց է տալիս, որ հայկական կողմն ու ռազմական դաշինքը տարբեր առաջնահերթություններ ունեն:</p>
]]></description>

            
                <media:content
                    url="https://shesht.am/wp-content/uploads/2021/09/regnum_picture_1629785653270239_normal.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Արդյո՞ք համընկնում են Հայաստանի և ՀԱՊԿ-ի առաջնահերթությունները]]></media:description>

                </media:content>

            
            <content:encoded><![CDATA[
Հայաստանն շուտով ստանձնելու է Հավաքական անվտանգության պայմանագրի կազմակերպության նախագահությունը: Երևանն ավելի վաղ ՀԱՊԿ գործընկերներին արդեն ծանուցել է առաջիկա տարվա ընթացքում կազմակերպության ռազմական ուղղվածության զարգացման՝ իր կողմից մշակված առաջնահերթությունների մասին:



ԱՊՀ երկրների ինստիուտի հայկական մասնաճյուղի տնօրեն Ալեքսանդր Մարկարովի խոսքով՝ ՀԱՊԿ-ի քաղաքական, ռազմական և ռազմավարական օրակարգը միայն մեկ երկրի առաջնահերթությունների հիման վրա չի ձևավորվում, այլ՝ հաշվի են առնվում կազմակերպության ընդհանուր շահերը: Մարկարովի համոզմամբ՝ Միջին Ասիայում և Կովկասում ՀԱՊԿ-ի սահմաններին ստեղծված իրավիճակը ցույց է տալիս, որ հայկական կողմն ու ռազմական դաշինքն իրենց առաջնահերթություններն ունեն, որոնք միշտ չէ, որ համընկնում են:



Հայաստանի դեպքում, ինչպես նշում է, խնդիրը նախ կապված է անվտանգության հանգամանքի և Արցախյան պատերազմից հետո ստեղծված նոր իրավիճակի հետ: Հնարավորության դեպքում Երևանը ներկայացնելու է իր դիրքորոշումն այդ հարցերի վերաբերյալ՝ առաջ մղելով իր օրակարգը:



Մարկարովի խոսքով՝ ՀԱՊԿ-ի բոլոր անդամ-պետություններին հուզող հարցը Միջին Ասիայում ստեղծված իրավիճակն է՝ կապված Աֆղանստանում թալիբների իշխանության հաստատման հետ: Սա, ինչպես նշում է, կազմակերպության միջինասիական երկրների համար այնքանով է առաջնային, որ կարող է վերաճել ինչպես ռազմաքաղաքական, այնպես էլ մարդասիրական, միգրացիոն և այլ խնդիրների:



ՀԱՊԿ երկրների համար, Մարկարովի կարծիքով, կարևոր են նաև ռուս-բելառուսական հարաբերությունները, երկու երկրների միջև մշակված 28 փաստաթղթերը, փոխադարձ ինտեգրացիան:



Այսպիսով, Մարկարովի դիտարկմամբ, Հայաստանը, մի կողմից, ունի սեփական ռազմավարական առաջնահերթությունները, մյուս կողմից կազմակերպությունն ընդհանուր առմամբ ունի էր առաջնահերթությունները:



Ինչ վերաբերում է Ադրբեջանի հետ հարաբերություններին, ապա ՀԱՊԿ անդամ-երկրներից յուրաքանչյուրը, Մարկարովի խոսքով, Բաքվի հետ յուրովի է փոխհարաբերվում: Ղազախստանը, օրինակ, միշտ չէ, որ նույն դիրքորոշումն է արտահայտում, ինչ՝ Հայաստանը: Նույն կերպ՝ նաև Բելառուսը (հատկապես Ադրբեջանին զենքի մատակարարման հարցում):



Այս պարագայում, ինչպես նշում է, Երևանը ստիպված է առաջարկել հնարավոր լուծումներ, որոնք կարող են կոմպրոմիսային բնույթ կրել, բայց չեն կարող Հայաստանի ու ՀԱՊԿ-ի համար անվտանգության առումով կոմպրոմիսային ու այլընտրանքային լինել:



Մյուս կողմից, ԱՊՀ երկրների ինստիտուտի հայկական մասնաճյուղի տնօրենի շեշտմամբ, Հայաստանը համագործակցության այլ ձևաչափեր ունի Ռուսաստանի հետ, որոնք կարող է գործի դնել, պահանջել և կիրառել՝ հատկապես անվտանգության հետ կապված այն խնդիրների լուծման նպատակով, որոնք ներկայումս Հայաստանի համար խիստ արդիական են:
]]></content:encoded>

            <link>https://shesht.am/news/arajnahertutyunnery</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>