Ստեփանակերտում հայտնաբերվել է Բակո Սահակյանի անվտանգության ծառայության նախկին աշխատակցի դին — Շեշտ.am (shesht.am)
1 րոպե
Խմբագրություն

Ստեփանակերտում հայտնաբերվել է Բակո Սահակյանի անվտանգության ծառայության նախկին աշխատակցի դին

Բաղրամյան փողոցում կայանված «Հունդայի» մակնիշի ավտոմեքենայի վարորդի նստատեղում հայտնաբերվել է 1985թ. ծնված Արթուր Աշոտի Ապրեսյանի դիակը: Նրա գլխի հատվածում եղել է հրազենային վնասվածք, աջ ձեռքում առկա է եղել ատրճանակ:

Ստեփանակերտ, Վերածննդի հրապարակ, բողոքի ցույց / © Civilnet

Արցախի քննչական կոմիտեի հաղորդմամբ` նախորդ գիշեր Ստեփանակերտում` Բաղրամյան փողոցում կայանված «Հունդայի» մակնիշի ավտոմեքենայի վարորդի նստատեղում, հայտնաբերվել է 1985թ. ծնված Արթուր Աշոտի Ապրեսյանի դիակը: Նրա գլխի հատվածում եղել է հրազենային վնասվածք, աջ ձեռքում առկա է եղել ատրճանակ:

Տեղեկություններ կան, որ Արթուր Ապրեսյանը Արցախի նախկին նախագահ Բակո Սահակյանի անվտանգության ծառայության նախկին աշխատակիցն է եղել: Ըստ նախնական տեղեկությունների՝ Ապրեսյանն ինքնասպան է եղել:

Հաղորդվում է, որ հարուցվել և վարույթ է ընդունվել քրեական գործ՝ նախատեսված Արցախի Հանրապետության Քրեական օրենսգրքի 109-րդ հոդվածի 1-ին մասով: Կատարվում են անհետաձգելի քննչական և դատավարական գործողություններ, նախաքննությունը շարունակվում է:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.