Որտե՞ղ է չղջիկը. բարդ գլուխկոտրուկներ, որոնք ազդում են ոչ միայն ուղեղի վրա

Բրիտանացի մարքեթոլոգները տարբեր ապրանքներ են փորձել գովազդել չելենջի օգնությամբ և ստեղծել են նկարներ, որոնք ազդում են ինչպես ուղեղի, այնպես էլ աչքերի վրա: Հանձնարարությունների պայմանները պարզ են. կրկնվող մասնիկների մեջ պետք է գտնել տարբերվողը: Շատ նման է մանկական խաղի, միայն թե՝ ավելի բարդ է:

Բրիտանիայի դիզայներները և առևտրային խոշոր ընկերությունների գովազդատուները մասնակցել են ֆլեշմոբի, որը գնորդներին ստիպում է երկար և ակնդետ նայել ապրանքների պատկերներին: Չելենջի շրջանակներում մարքեթոլոգները ստեղծել են նկարներ, որոնք հիշեցնում են մանկական գլուխկոտրուկներ, բայց ավելի բարդ:

Գտեք ստվերաներկը

Ֆլեշմոբին առաջինը միացել են անգլիական Շեֆիլդ քաղաքում գտնվող Meadowhall առևտրային կենտրոնի ներկայացուցիչները: Նկարիչները ուտելիքների էմոձիներից նկարներ են հավաքել, որտեղ պետք է գտնել ստվերաներկը: Խանութի տնօրեն Դարեն Պիրսի խոսքով՝ գնորդները սահմանած ռեկորդը 46 վայրկյան է:

Այն ներքևի աջ անկյունում է:

Գտեք չղջիկին

Հաջորդը, որ փորձել է բարկացնել հաճախորդներին, Burton Roofing շինարարական ընկերության աշխատակիցներն են: Դույլերի, վրձինների, ձեռնոցների ու աստիճանների նկարում պետք է գտնել քնած չղջիկի: Վաճառողները հավատացնում են, որ գնորդները կարողացել են գտնել 15 վայրկյանում:

Սա իսկապես ուշադրությունն ստուգելու բարդ փորձ է:

Նշվում է, որ եթե կարողացել եք ինքնուրույն գտնել չղջիկին, ապա ողջունելի է: Չղջիկը փոքր է, բայց պետք չէ հեղինակներին մեղադրել խաբկանքի համար: Նկարի օգնությամբ շինանյութ վաճառողները փորձել են ուշադրություն հրավիրել չղջիկների խնդրի վրա, որոնք կարող են աննկատ մտնել տուն և սատկել այնտեղ՝ չհասցնելով հարմար ելք կամ ուտելիք գտնել:

Նշվում է, որ թռիչքների հարցում համեմատաբար անփորձ երիտասարդ չղջիկներն ավելի շուտ մահանում են, քան տնից կարողանում են դուրս գալ: Նրանք կարող են բախվել սյանը, կահույքին կամ փաթաթվել վարագույրի մեջ: Եթե տանը չղջիկ է հայտնաբերվել, հավանաբար նա օգնության կարիք ունի:

Գտեք հաղթանշանը

Հաջորդ գլուխկոտրուկը, որը մարդկանց ստիպում է անգիտակցաբար նայել էկրանին, պատկանում է բրիտանական Stonegate Pub Company փաբային ընկերությանը: Նկարում պետք է գտնել հաղթական տարբերանշանը: Դրա համար գնորդներից պահանջվել է միջինում 38 վայրկյան:

Այն նկարի կենտրոնական հատվածներում է:

Գտեք բաց փականը

Վերջին նկարի հեղինակները փականների վաճառքով զբաղվող Smartcard ընկերության աշխատակիցներն են: Դիզայներները գլուխկոտրուկը կազմել են կախված, կողպված փականների նկարներից, որոնցից պետք է գտնել բացվածը: Ամենաուշադիր գնորդը գտել է 9 վայկյանում:

Բացված փականը գտնվում է նկարի ձախ հատվածում:

Իսկ ամենաբարդ գլուխկոտրուկը հենց բնության կողմից պատրաստվածն է: Լուսանկարիչը բուին է նկարել, սակայն ոչ ոք այնտեղ թռչնին չի գտնում. փորձեք ինքներդ:

Թվիթերյան օգտատերերից մեկը հանելուկ է հրապարակել.

ընդամենը պետք է բառերի ճիշտ հերթականությունը դասավորել, ինչում մեծահասակները դժվարանում են: