Բաքու-Նախիջևան ուղևորափոխադրումներն Իրանի տարածքով են վերսկսվում
Շեշտվում է, որ Բաքուն, փաստորեն, համաձայնել է Իրանի առաջարկին`շարունակել նրա տարածքով ուղևորափոխադրումները դեպի Նախիջևան: Ավելի վաղ պաշտոնական Թեհրանն Ադրբեջանին առաջարկել էր իր տարածքով Կովսականից (Զանգիլան) դեպի Նախիջևան ճանապարհներ կառուցել, այդ թվում ՝ երկաթուղային: Առաջարկն արվել էր «Մեղրիի ճանապարհի» փոխարեն:
Տեղեկություն է տարածվել, որ հուլիսի 17-ից Բաքու-Նախիջևան-Բաքու ավտոբուսային ուղևորափոխադրումները վերսկսվելու են: Դրանք դադարեցվել էին 2020թ. գարնանը` կորոնավիրուսային համավարակի պատճառով:
Ուղևորափոխադրումն իրականացվելու են նախկինում գործող երթուղով` Իրանի տարածքով: Հաղորդվում է, որ իրանական կողմի հետ պայմանավորվածության համաձայն` նրա տարածքով տեղաշարժի համար ուղևորները պետք է հանձնեն ՊՇՌ թեստ:
Շեշտվում է, որ Բաքուն, փաստորեն, համաձայնել է Իրանի առաջարկին`շարունակել նրա տարածքով ուղևորափոխադրումները դեպի Նախիջևան: Ավելի վաղ պաշտոնական Թեհրանն Ադրբեջանին առաջարկել էր իր տարածքով Կովսականից (Զանգիլան) դեպի Նախիջևան ճանապարհներ կառուցել, այդ թվում ՝ երկաթուղային: Առաջարկն արվել էր «Մեղրիի ճանապարհի» փոխարեն:
Իրանը, ինչպես հաղորդվում է, նաև պատրաստակամություն էր հայտնել Հայաստանին աջակցելու Հյուսիս-հարավ մայրուղու մի հատվածի կառուցման հարցում, որը Սև ծովը պետք է կապի Պարսից ծոցին:
Մեկնաբանությունները