Հյուսիսային Կորեայում հարևան երկրի պաշտոնյային սպանել ու այրել են՝ «հանուն կորոնավիրուսի դեմ պայքարի» — Շեշտ.am (shesht.am)
1 րոպե
Խմբագրություն

Հյուսիսային Կորեայում հարևան երկրի պաշտոնյային սպանել ու այրել են՝ «հանուն կորոնավիրուսի դեմ պայքարի»

Հարավկորեացի պաշտոնյան հայտնվել էր Հյուսիսային Կորեայի սահմանի մոտ, որտեղ նրան հակագազով զինվորականներ են հարցաքննել, ապա` կրակել ու այրել:

Սպանել և այրել՝ «հանուն կորոնավիրուսի դեմ պայքարի» / © KCNA

Հարավային Կորեայի իշխանությունները հայտարարել է, որ Ձկնորսության վարչության պաշտոնյան անհետացել էր սեպտեմբերի 21-ին՝ Հյուսիսային Կորեայի սահմանից 10 կմ հեռավորության վրա:

Հաջորդ օրը նրան հայտնաբերել են ԿԺԴՀ-ի ջրերում: Հակագազ կրող զինվորականները որոշակի հեռավորությունից հարցաքննել են նրան: Շուտով նրանք հրաման են ստացել՝ հայտնաբերված տղամարդուն սպանելու: Նրա վրա կրակել են, ապա յուղ լցրել վրա ու այրել:

Հարավային Կորեայի նախագահ Մուն Ժչե Ինը սպանությունը որակել է անբացատրելի միջադեպ, որի հետ հնարավոր չէ հաշտվել:

Սեուլում համոզված են, որ հարավկորեացուն սպանել են կորոնավիրուսի դեմ պայքարի պատկերացումներից ելնելով, քանի որ ԿԺԴՀ-ի սահմանին անվտանգության միջոցառումները խստացված են:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.