Բեննու աստերոիդի ուղեգծի նոր հաշվարկները մեծացրել են Երկրի հետ նրա բախման հավանականությունը — Շեշտ.am (shesht.am)
4 րոպե
Խմբագրություն

Բեննու աստերոիդի ուղեգծի նոր հաշվարկները մեծացրել են Երկրի հետ նրա բախման հավանականությունը

Երկրագնդի վրա 500 մետրանոց աստերոիդի անկման հավանականությունը մեծ կլինի 2182թ.: Դրա հարվածից առաջացող պայթյունը հավասար կլինի ջրածնային «Ցար-ռումբի» հզորության հարյուրապատիկին:

Բեննու / © NASA

Մերձերկրյա Բեննու (101955) աստերոիդը Երկրի համար ամենավտանգավորներից է, քանի որ այն անցնելու է բավականին մոտ տարածությամբ: Մոտ 500 մետրանոց երկնային մարմնի հարվածից առաջացող պայթյունը հավասար կլիներ ջրածնային «Ցար-ռումբի» հզորության հարյուրապատիկին: Համաշխարհային մահացության պատճառ այն չի դառնա, սակայն անհաջող անկման դեպքում կարող է ոչնչացնել մի ամբողջ մեգապոլիս կամ ոչ մեծ պետություն:

Աստերոիդի հետագիծը հաշվարկված է հարյուր տարվա համար, և Երկրին մոտեցմանը զուգահեռ իրականացվում է բախման հավանականության գնահատում: Ավելին, դեպի Բեննու է ուղարկվել OSIRIS-REx տիեզերական սարքավորումը, որը 2023թ. աշնանը կվերադառնա Երկիր` իր հետ բերելով աստերոիդի մակերեսից վերցված նմուշներ:

Ընդհանուր առմամբ` բախման հավանականությունը մեծ չէ. առաջիկա 300 տարվա ընթացքում նրա հարվածի վտանգը Երկրին հաշվվում է 1-ը 2700-ի (0,037%): Այդուհանդերձ, Բեննուն համարվում է ամենավտանգավորներից մեկը: 2060թ. այն կանցնի Լուսնից մի փոքր ավելի հեռու տարածությամբ, իսկ 2135թ. նույնիսկ նրանից մոտ կլինի: Աստերոիդի հետագա ուղեգիծը հստակեցված չէ. դա կախված է նրանից, թե որտեղով կանցնի այն 2135թ.:

Բեննու ուղեգիծը հստակ հաշվարկելու նպատակով NASA-ի Ռեակտիվ շարժման լաբորատորիայից (JPL) Դավիդե Ֆարնոքյան և նրա գործընկերներն օգտվել են OSIRIS-REx-ի կողմից իրականացված նոր հստակ չափումներից: Գնահատման համար հաշվվել են արեգակնային քամու կողմից Բեննուի վրա ազդող ճնշումը, երկնային այլ մարմինների ձգողականությունը (ներառյալ ավելի քան 300 այլ աստերոիդներ), ինչպես նաև Յարկովսկու էֆեկտը (արագացում, որն առաջանում է անհավասար այրումից ու մակերեսի հովացումից):

Դավիդեի խոսքով` հաշվարկները թույլ են տվել Բեննուի ուղեգիծը հստակեցնել 20 անգամ: Նոր տվյալները ցույց են տվել, որ ամենայն հավանականությամբ մինչև 2135թ. Բեննուն Երկրի համար վտանգ չի ներկայացնում: Սակայն բախման վտանգը 2100-ականներին մեծանում է` հասնելով 1-ը 1750-ի: Ամենավտանգավորը 2182թ. սեպտեմբերի 24-ն է կանխատեսվում` հավանականությունը` 1-ը 2700-ի (0,037%):

Թե որքան մեծ է բախման վտանգը հետագայի համար, պարզ կդառնա նշված առանցքային մոտեցումից հետո: Երկրի մոտակայքում հայտնի են գրավիտացիոն 26 անցքեր, որոնք առաջանում են մոլորակի գրավիտացիոն դաշտի ոչ միատեսակության պատճառով: Հայտնվելով դրանցում` Բեննուն կարող է փոխել ուղեգիծը և դուրս գալ բախման ուղի: Նոր հաշվարկները բացառել են Բեննուի անցումը դրանցից 24-ով, սակայն մյուս երկուսի համար դեռ պարզ չէ:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.