Ահազանգ. «Ծիրանային պատմությունից» հետո հայերը դեռ ճաղերի ետևում են, իսկ ադրբեջանցիներն ազատ են արձակվել — Շեշտ.am (shesht.am)
3 րոպե
Խմբագրություն

Ահազանգ. «Ծիրանային պատմությունից» հետո հայերը դեռ ճաղերի ետևում են, իսկ ադրբեջանցիներն ազատ են արձակվել

ՀՀ 7 քաղաքացիներ շարունակում են ազատազրկված մնալ, այն դեպքում, երբ նույն գործով մեղադրյալ ադրբեջանցիներն ազատ են արձակվել: Ռուսաստանի հայերի միության համանախագահը Հայաստանի իշխանություններին ու գործարարներին կոչ է անում միջոցներ ձեռնարկել:

7 հայերի դատավարությունը / © Մուշեղ Սյունի

Ինչպես հիշում եք՝ Տավուշի սահմանին տեղի ունեցած Ադրբեջանի սանձազերծած ռազմական գործողությունները շարունակվեցին այլ երկրներում՝ հասարակական մակարդակում ընդհարումների տեսքով: Մոսկվայում դրանք ավելի մեծ ծավալ ունեցան: Մասնավորապես՝ տեղի շուկաներից մեկի ադրբեջանցի ղեկավարներն արգելել էին հայկական ապրանքի վաճառքը: Արդյունքում՝ հայկական ծիրանը վաճառվեց շուկայից դուրս՝ տեղի հայ համայնքի ջանքերով:

Խնդիրը, սակայն, այդպիսով չավարտվեց. «ծիրանային հակամարտությունն» ուղեկցվեց ընդհարումներով, ծեծկռտուքով: Ձերբակալվեցին անկարգությունների մասնակից մի խումբ ադրբեջանցիներ ու հայեր: Հարուցվել են քրեական գործեր, ընթանում են դատական գործընթացներ:

Ուշագրավն այս ամենում այն է, որ ձերբակալված ադրբեջանցիներն արդեն ազատ են արձակվել, մինչդեռ Հայաստանի 7 քաղաքացիները, ովքեր պաշտպանել են իրենց հայրենակիցների արժանապատվությունը և նախահարձակ չեն եղել, շարունակում են ազատազրկված մնալ՝ ճաղերի ետևում մասնակցելով դատական նիստին:

Ռուսաստանի հայերի միության համանախագահ Մուշեղ Սյունին ստեղծված իրադրության համար մեղադրել է ՀՀ իշխանություններին՝ նշելով, որ «ադրբեջանցիների թիկունքին իրենց պետությունը կանգնած է», մինչդեռ հայերն ինքնուրույն են պայքարում իրենց իրավունքների համար:

❗️UPD: Делитесь постом, очень нужен информационный шум! Ну что же давно меня не было и, наверное, многие соскучились…

Gepostet von Мушег Сюни am Dienstag, 22. September 2020

Հաղորդվում է, որ տղաներին ազատ արձակելու համար անհրաժեշտ է 3,5 մլն ռուբլի, որպեսզի նրանց չտուգանեն և 8 տարվա ազատազրկման չդատապարտեն:

Մուշեղ Սյունին մատնանշել է նաև այն հայազգին գործիչներին, ովքեր դեռևս հուլիսյան «ծիրանային» դեպքերից հետո պատրաստակամություն էին հայտնել փոխհատուցելու ադրբեջանցիների կրած վնասները:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.