<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/news/mahvan-vtangi-azdanshan/feed"
        rel="self"
        type="application/rss+xml"
    />

    <lastBuildDate>Mon, 09 Nov 2026 18:02:41 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link>https://shesht.am/news/mahvan-vtangi-azdanshan</link>

    
        
        <item>

            <guid isPermaLink="false">https://shesht.am/?p=7187</guid>

            <pubDate>Tue, 14 Jan 2020 11:38:22 +0000</pubDate>

            <title>Լիմֆոցիտների ցածր մակարդակը վաղաժամ մահվան վտանգի ազդանշան է</title>

            <description><![CDATA[<p>Գիտնականները հաստատել են, որ արյան մեջ լիմֆոցիտների ցածր մակարդակը խոսում է վտանգավոր հիվանդության մասին: Այդ բջիջների քանակը վերահսկելով՝ հնարավոր է բուժումը սկսել ժամանակին և մեծացնել  ապաքինվելու հավանականությունը:</p>
]]></description>

            
                <media:content
                    url="https://shesht.am/wp-content/uploads/2020/01/5cae93deaf5582.78343171.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Լիմֆոցիտների ցածր մակարդակը վաղաժամ մահվան վտանգի ազդանշան է]]></media:description>

                </media:content>

            
            <content:encoded><![CDATA[
Ցանկացած պաթոլոգիայից, բակտերիաներից ու վիրուսներից պաշտպանող իմունային համակարգի գլխավոր բջիջների՝ լիմֆոցիտների քանակի նվազումն արյան մեջ խոսում է գործնականում խրոնիկ հիվանդության զարգացման, ինչպես նաև անժամանակ մահվան մասին: Այս մասին հաղորդած գիտնականները վստահ են, որ ստացված տվյալները բժիշկներին կօգնեն մարդու մոտ վաղ շրջանում ախտորոշել վտանգավոր սիմպտոմները և սկսել բուժումը:



Անմիջական պաշտպանությունից բացի՝ լիմֆոցիտները որոշիչ դեր են խաղում նաև այլ իմունային ռեակցիների խթանման հարցում և օրգանիզմին օգնում են, մասնավորապես, վարակի հեռացումից հետո վերականգնվել: Գոյություն ունի լիմֆոցիտների 3 տեսակ. NK լիմֆոցիտներ (Natural Killers), որոնք պատասխանատու են վարակված և քաղցկեղային բջիջների ոչնչացման համար, T լիմֆոցիտներ՝ սպանում են անոմալ բջիջները, ինչպես նաև, աշխատելով B լիմֆոցիտների հետ, նպաստում են ազդանշանային սպիտակուցների փոխանցման գործին: Այս տեսակներից յուրաքանչյուրի նվազումը կարող է թուլացնել իմունային համակարգը և բակտերիաներին ու վիրուսներին սողոսկելու հնարավորություն ընձեռնել:



Արյան և լիմֆատիկ հեղուկի մեջ պարունակվող սպիտակ բջիջների անբավարարությունը կոչվում է լիմֆոպենիա կամ լիմֆոցիտոպենիա: Այս իրավիճակում մարդը հայտնվում է, երբ հիվանդ է կամ օրգանիզմում վարակ կա: Այդ պատճառով բժիշկները սիմպտոմների առկայությունն են ստուգում և  ախտորոշման համար նշանակում են հետազոտություններ՝ հիմնական խնդիրը բացահայտելու նպատակով: Սակայն արյան մեջ լիմֆոցիտների մակարդակի ուսումնասիրության կարևորությունը հաճախ անտեսվում է:



Նոր հետազոտության նպատակը լիմֆոպենիայի ախտորոշման և բուժման դերի ուսումնասիրությունն է անժամանակ մահվան վտանգի նվազման հարցում: Աշխատանքում ստուգվել է հիմնական փաստարկը. արյան մեջ լիմֆոցիտների ցածր մակարդակն ազդանշան է մահվան մեծ վտանգի մասին: Գիտնականներն ուսումնասիրել են 20 և բարձր տարիքի 108 հազար 135 դանիացիների տվյալները: Նրանց վերաբերյալ տեղեկատվությունը ստացվել է 2003-2015թթ. Կոպենհագենի բնակչության հետազոտության շրջանակներում: Հետազոտության ընթացքում մահացել է 10 հազար 372 մարդ:



Մասնագետները հաստատել են, որ լիմֆոցիտների անբավարարությունը կապ է ունեցել խրոնիկ և շնչառական, սրտի հիվանդությունների, քաղցկեղի պատճառով մահվան վտանգի՝ 2,8 անգամ մեծացման հետ: Ընդհանուր առմամբ՝ այդ բջիջների մակարդակի նվազման դեպքում ցանկացած պատճառով մահացությունն աճել է 1,6 անգամ:



Կոպենհագենի համալսարանական հիվանդանոցի աշխատակից Ստիգ Բոյեսենը նշել է, որ, ըստ իրենց հետազոտությունների արդյունքների, փորձարկման մասնակիցների մոտ, որոնք լիմֆոպենիա ունեին, ցանկացած պատճառով մահվան 60%-ով բարձր վտանգ կար, քան նրանց, ում մոտ լիմֆոցիտների մակարդակը նորմայի մեջ էր՝ անկախ այլ հանգամանքներից՝ տարիք, սեռ, քաշ, վատ սովորություններ և այլն:



Աշխատության հեղինակները մեկնաբանել են, որ լիմֆոցիտների մակարդակի անկումը նշանակում է, որ օրգանիզմը չի կարող վերականգնվել և պայքարել, եթե տերը տառապում է վտանգավոր հիվանդությամբ, որը և բարձրացնում է մահվան վտանգը: Հետազոտության արդյունքները կարող են օգնել՝ նախապես իմանալու, որ մարդու մոտ առկա է վաղաժամ մահվան վտանգ (հատկապես երբ խոսքը տարեց հիվանդի մասին է) և վաղօրոք սկսել բուժումը:



Ավելի վաղ գիտնականները գտել էին քաղցկեղի դեմ պայքարում «ուժասպառ» եղած բջիջների ակտիվության վերականգնման միջոցը, իսկ նրանց գործընկերները մշակել էին T լիմֆոցիտներում հակաուռուցքային ակտիվությունը խթանող պոտենցիալ միացությունների արագ հայտնաբերման մեթոդ:
]]></content:encoded>

            <link>https://shesht.am/news/mahvan-vtangi-azdanshan</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>