Գիտնականները ստեղծել են «մինի արև»՝ իրականի գաղտնիքները հասկանալու համար
Սարքի օգնությամբ հնարավոր կլինի գտնել պլազմայի գալարների շարժումների և արևի ներսում ընթացող մյուս գործընթացների բացատրությունները:
Արևը Երկրի վրա կյանքի գոյության աղբյուրն է, սակայն այդ ջերմամիջուկային ռեակտորում ընթացող բազմաթիվ գործընթացներ մնում են անհասկանալի: Այդ պրոցեսների մոդելավորման համար Վիսկոնսինի համալսարանի գիտնականները Մադիսոնում գործարկել են յուրահատուկ համակարգ` Big Reg Ball (Մեծ կարմիր գնդակ, BRB):
BRB-ն իրենից ենթադրում է միջուկի կենտրոնում գերհզոր մագնիս, ապա` 3 մետրանոց մթնոլորտ` հելիումային պլազմայով լցված: Այսպիսի սարքավորումն ընդունակ չէ փոխարինել տիեզերական մարմինների դիտարկմանը, բայց թույլ է տալիս ուսումնասիրել այլ ոլորտներ: Մասնավորապես, դրա օգնությամբ ֆիզիկոսներին հաջողվել է առաջին անգամ մոդելավորել արևային քամու գալարապտույտ շարժը:
Բանն այն է, որ Արևի պտույտն իր հետևից տանում է նաև հզոր մագնիսական դաշտը՝ ուժային գծերը պտտելով: «Պարկերի գալարն» արձանագրվում է աստղից բավականաչափ հեռու` ընդգրկելով ողջ Արևային համակարգը: BRB-ի օգնությամբ գիտնականները ցույց են տվել, որ պլազմայի լիցքավորված արագաշարժ մասնիկները կարող են գալարով տեղաշարժվել ընդհուպ մինչև մագնիսական դաշտի ազդեցության նվազման գոտին:
Նմանատիպ պայմաններն Արևի վրա ունակ են ստեղծելու պլազմայի թանձրուկներ, որոնք խթանում են արևային քամու տեղաշարժը: Այդ շարժման արագության մեծացման մեխանիզմները դեռևս բավարար չափով ուսումնասիրված չեն: Այդ առաքելությունը պետք է իրականացնի հենց նորաստեղծ սարքավորումը:
Մեկնաբանությունները