Ադրբեջանական հարձակումն Արցախի ուղղությամբ. օր 2. ԹԱՐՄԱՑՎՈՂ — Շեշտ.am (shesht.am)
13 րոպե
Խմբագրություն

Ադրբեջանական հարձակումն Արցախի ուղղությամբ. օր 2. ԹԱՐՄԱՑՎՈՂ

Հակառակորդը սկսել է լայնամասշտաբ հարձակողական նոր գործողություն Արաքսի հովտի հատվածում և Մատաղիս-Թալիշ հատվածներում։ Արցախի ՊԲ-ը հաջողությամբ դիմակայում է բոլոր հարձակումներին ու գրոհներին և հակառակորդին հասցնում են անձնակազմի և տեխնիկայի զգալի կորուստներ։

Ադրբեջանի հարձակումն Արցախի ուղղությամբ / © Շուշան Ստեփանյանի ֆբ էջից

22:15 Արցախի նախագահի մամուլի խոսնակ Վահրամ Պողոսյանը հայտնել է, որ Արցախի Մարտունու շրջանում հայկական ուժերն ադրբեջանական ինքնաթիռ են խոցել:

21:05 Արծրուն Հովհաննիսյանը հայտարարել է, որ հակառակորդը սկսել է լայնամասշտաբ հարձակողական նոր գործողություն Արաքսի հովտի հատվածում և Մատաղիս-Թալիշ հատվածներում։ Արցախի ՊԲ-ը հաջողությամբ դիմակայում է բոլոր հարձակումներին ու գրոհներին և հակառակորդին հասցնում են անձնակազմի և տեխնիկայի զգալի կորուստներ։ Նրա խոսքով՝ այս պահի դրությամբ ոչնչացված է հակառակորդի 22 միավոր տանկ և 10 միավոր այլ զրահատեխնիկա։ Ոչնչացված է ավելի քան 370 զինվորական։ Ունեն մեծ քանակությամբ վիրավորներ։ Ստացված տեղեկատվության համաձայն՝ վիրավորների միջից ծանր վիրավոր զինվորների քանակը կազմում է 35%։

20:00 Արցախի ՊԲ հրամանատարի տեղակալ Արթուր Սարգսյանի հաղորդմամբ՝ մարտական գործողությունները շարունակվում են հյուսիսային, հարավային և հարավ-արևելյան ուղղություններով։ Մարտական գործողությունների վարման ինտենսիվությունն ու բարձր դինամիկան պահպանվում է։

19:30 Ժամը 17։00-ի դրությամբ հակառակորդի կորուստները հաշվվել են շուրջ 36 ԱԹՍ, 47 զրահատեխնիկա և 400-ից ավել զոհ։ Նախնական տվյալներով՝ ՊԲ ստորաբաժանումներն ունեն 48 զոհ և 200-ից ավել վիրավոր զինծառայողներ։ Արցախի ՊԲ հրամանատարի տեղակալ Արթուր Սարգսյանն ընդգծել է, որ դիրքային փոփոխություններ են եղել. որոշ դիրքեր վերականգնվել են։

17:39 Հարավային ուղղությամբ հակառակորդի տանկային ստորաբաժանումների լայնածավալ հարաձակումները ետ են շպրտվել ելման դիրքեր: Հակառակորդը կորցրել է 10-11 միավոր զրահատեխնիկա՝ հիմնականում տանկեր: Այս ուղղությամբ իրավիճակն այս պահին համեմատաբար հանգիստ է: Այլ ուղղություններով մարտերը շարունակվում են. Արծրուն Հովհաննիսյան:

17:29 Շուշան Ստեփանյանի հաղորդմամբ՝ հարավային ուղղությամբ հակառակորդի զրահատանկային լայնածավալ գրոհը կասեցված է:

Հարավային ուղղությամբ հակառակորդի զրահատանկային լայնածավալ գրոհը կասեցված էКрупномасштабная бронетанковая атака противника на южном направлении остановлена. A large-scale armored attack of the adversary in the southern direction is stopped.

Gepostet von Shushan Stepanyan am Montag, 28. September 2020
Հարավային ուղղություն, լայնածավալ գրոհը կասեցվել է / © ԶԻՆՈՒԺ MEDIA

16:40 Մարտակագծի հարավ-արևելյան ուղղությամբ հակառակորդը նախաձեռնել է տանկային գրոհ, սակայն, հանդիպելով ՊԲ տանկային ու հակատանկային ստորաբաժանումների համառ դիմադրությանը, ծավալված տանկային մարտում կորցրել է տաս միավոր զրահատեխնիկա: Մարտական գործողությունները շարունակվում են: Օպերատիվ-մարտավարական իրադրությունը գտնվում է ՊԲ ստորաբաժանումների վերահսկողության ներքո:

Հակառակորդի տանկերի խոցումը / © Արցախի ՊԲ

16:01 Արցախի Պաշտպանության նախարարության մամուլի ծառայության հաղորդմամբ՝ սեպտեմբերի 28-ին հակառակորդի դեմ ծավալված մարտերի ընթացքում ևս 28 զինծառայող է նահատակվել: Հայկական կողմի զոհերի թիվը, ցավոք, հասել է 59-ի:

14:34 Արծրուն Հովհաննիսյանի հաղորդմամբ՝ Մարտակերտ քաղաքը և շրջակա բնակավայրերը շարունակում են մնալ հարվածի տակ: Քաղաքի երկնքում կամիկաձե անօդաչու է պտտվում:

Կամիկաձե ԱԹՍ-ն Մարտակերտի վրա / © Արծրուն Հովհաննիսյան

Հովհաննիսյանի խոսքով՝ հրետանու կիրառության խտությունը, կրակի խտությունը աննախադեպ է, երբևէ նման խտության կրակ այս տարածաշրջանում չի եղել: «Մեր հրետանավորները ինչպես միշտ փայլում են իրենց գրագիտությամբ»:

14:11 Արցախի Հանրապետության նախագահի մամուլի խոսնակի հաղորդմամբ՝ առաջնագծում թշնամին ոչ մի հաջողություն չունի: Թուրքական և ահաբեկչական տարբեր խմբավորումներից կազմված ադրբեջանական զորքն ամենուրեք հանդիպում է Պաշտպանության բանակի կոշտ ու կործանիչ հարվածներին:

13:51 ՀՀ ՊՆ մամուլի քարտուղար Շուշան Ստեփանյանի հաղորդմամբ՝ տարբեր ինտենիսվությամբ մարտեր են ընթանում։ ՊԲ ստորաբաժանումները առանձին հատվածներում հաջողությամբ իրականացնում են պատժիչ գործողություններ։ Մեր զինծառայողների մարտական ոգին բարձր է։

13:40 Ադրբեջանական զինտեխնիկայի հերթական խոցման նոր տեսանյութ է հրապարակվել:

Ադրբեջանական զինտեխնիկայի հերթական խոցումները:Տարբեր ինտենիսվությամբ մարտեր են ընթանում։ Արցախի ՊԲ ստորաբաժանումները առանձին հատվածներում հաջողությամբ իրականացնում են պատժիչ գործողություններ։ Մեր զինծառայողների մարտական ոգին բարձր է։More destructions of Azerbaijani military equipment. Fights of various intensity are raging on. Defense Army units carry out successful counter actions in separate sections. The fighting spirit of our servicemen is high.Очередные поражения азербайджанской военной техники. Ведутся бои с разной интенсивностью. Подразделения Армии обороны на отдельных участках успешно осуществляют карательные действия. Боевой дух наших военнослужащих высок.

Gepostet von Shushan Stepanyan am Montag, 28. September 2020
Հերթական խոցում / © ՊԲ

13:00 ՀՀ Ազգային ժողովը հայտարարություն է հրապարակում Ադրբեջանի կողմից Արցախի Հանրապետության նկատմամբ սանձազերծած ագրեսիայի դատապարտման վերաբերյալ:

ՀՀ ԱԺ յոթերորդ գումարման հինգերորդ նստաշրջանի արտահերթ նիստ

ՀՀ #ԱԺ յոթերորդ գումարման հինգերորդ նստաշրջանի արտահերթ նիստ

Gepostet von National Assembly of Armenia / Ազգային ժողով am Montag, 28. September 2020
ՀՀ ԱԺ հայտարարությունը / © ՀՀ ԱԺ

12:40 Ռուսաստանի Դաշնությունից 20 հազար հայեր պատրաստակամություն են հայտնել մեկնելու առաջնագիծ: Այդ մասին հայտնել է Ռուսաստանի հայերի միության նախագահ Արա Աբրահամյանը:

12:10 Արծրուն Հովհաննիսյանի խոսքով՝ անհրաժեշտության դեպքում հայկական կողմը կարող է կիրառել նաև ԻՍԿԱՆԴԵՐ համակարգեր:

12:05 Ունենք 31 զոհ, մոտ 200 վիրավոր: 80 վիրավոր զինծառայող տեղափոխվել է Երևանի հոսպիտալներ և քաղաքացիական հիվանդանոցներ: Մեծ մասի վիճակը թեթև է, առաջին բուժ օգնությունից հետո վերադարձել ենք շարք:

12:00 ՀՀ ՊՆ ներկայացուցիչ Արծրուն Հովհաննիսյանի հաղորդմամբ՝ հակառակորդը հարվածում է Մարտակերտ քաղաքին:

Մարտակերտի ճանապարհը

Gepostet von Արծրուն Հովհաննիսյան am Montag, 28. September 2020

11:00 Հակառակորդը, մարդկային և զինտեխնիկայի մեծ կորուստներից սարսափած, այսօր ժամը 07:30-ի սահմաններում հարավարևելյան ուղղությամբ կիրառել է ծանր «ՏՕՍ» հրանետ։ Շուշան Ստեփանյանի հաղորդմամբ՝ նշված զինատեսակի կիրառումից հայկական կողմը կորուստ չունի:

Հակառակորդը, մարդկային և զինտեխնիկայի մեծ կորուստներից սարսափած, այսօր ժամը 07:30-ի սահմաններում հարավարևելյան ուղղությամբ կիրառել է ծանր «ՏՕՍ» հրանետ։ Նշված զինատեսակի կիրառումից հայկական կողմը կորուստ չունի:Противник, ужаснувшись значительными потерями в живой силе и военной технике, сегодня в районе 7:30 применил на юго-восточном направлении тяжелую огнеметную систему «ТОС».У армянской стороны от применения «ТОС» потерь нет.Today at around 07:30, horrified by their huge manpower and equipment losses, the adversary used the TOS heavy artillery system at the south-eastern direction. The Armenian side doesn’t have any losses from the shelling.

Gepostet von Shushan Stepanyan am Montag, 28. September 2020
ՏՕՍ-ի կրակը / © ՊԲ

10:00 ՊԲ ստորաբաժանումների կողմից նախկինում կորցրած մի շարք դիրքերի վերականգնման արդյունքում հակառակորդի մի քանի տասնյակ դիակներ գտնվում են հայկական կողմում։

09:00 ՀՀ ՊՆ մամուլի քարտուղար Շուշան Ստեփանյանի հաղորդմամբ՝ գիշերվա ընթացքում մարտերը շարունակվել են տարբեր ինտենսիվությամբ։ Վաղ առավոտյան հակառակորդը վերսկսել է հարձակողական գործողությունները՝ կիրառելով հրետանային միջոցներ, զրահատեխնիկա, այդ թվում՝ «ՏՕՍ» ծանր հրանետային համակարգ։

Հայկական ստորաբաժանումները սառնասրտորեն դիմագրավում են ադրբեջանական ստորաբաժանումների ոտնձգությունները և ձեռնարկում համապատասխան գործողություններ՝ պատճառելով հակառակորդին անձնակազմի և տեխնիկայի զգալի կորուստներ։

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.