Հայաստանը կարողացել է պահպանել վերահսկողությունը Լեռնային Ղարաբաղի մեծ մասի նկատմամբ. սենատոր Բոնդարև
Սենատորը նշել է, որ Ռուսաստանը և անձամբ նախագահ Պուտինը կարողացել են անել այն, ինչի չեն հասել Միավորված ազգերի կազմակերպության Անվտանգության խորհուրդը, ԵԱՀԿ-ն և Մինսկի խումբը:
Ռուսաստանի Դաշնային Խորհրդի Պաշտպանության և անվտանգության հարցերի կոմիտեի նախագահ, Օդատիեզերական ուժերի նախկին գլխավոր հրամանատար Վիկտոր Բոնդարևը նշել է, որ Ռուսաստանի նախագահի անձնական միջնորդության շնորհիվ հակամարտող կողմերը 2020թ. նոյեմբերի 10-ին եռակողմ համաձայնություն ստորագրեցին:
Նրա խոսքով՝ այդ համաձայնությունը թույլ է տվել դադարեցնել «եղբայրասպան» պատերազմը Լեռնային Ղարաբաղում՝ հնարավորություն տալով խուսափել հետագա արյունահեղությունից:
Բոնդարևն ընգծել է, որ Ադրբեջանը համաձայնել է կրակի լիարժեք դադարեցմանը և ադրբեջանական ու հայկական զինված ուժերի շփման գծում ռուս խաղաղապահների տեղակայմանը: Հայաստանն իր հերթին, նրա խոսքով, տարածքային զգալի զիջումների է գնացել «անվտանգության գոտու» հատվածում՝ պահպանելու Լեռնային Ղարաբաղի բնակիչների կյանքը և տարածքի մի մասի նկատմամբ վերահսկողությունը:
Սենատորը նշել է, որ Ռուսաստանը և անձամբ նախագահ Պուտինը կարողացել են անել այն, ինչի չեն հասել Միավորված ազգերի կազմակերպության Անվտանգության խորհուրդը, ԵԱՀԿ-ն և Մինսկի խումբը:
Մեկնաբանությունները