Թուրքիան մտադիր է Ախալքալաքում ռազմաբազա ունենալ
Հաղորդվում է, որ Ախալքալաքում մինչև 2007թ. գործած ռուսական ռազմաբազայի տարածքում թուրքական ընկերություններն արդեն վերանորոգման աշխատանքներ են սկսել:
Տեղեկություն է տարածվել, որ Թուրքիան նախատեսում է ռազմաբազա տեղակայել Վրաստանում, մասնավորապես` Ախալքալաքում: Այստեղ, ինչպես հայտնի է, մինչև 2007թ. տեղակայված է եղել ռուսական 62-րդ ռազմաբազան: Ենթադրվում է, որ թուրքական բազան նույն վայրում է գործելու:
Հաղորդվում է, որ թուրքական ընկերությունները ներկայումս այդ տարածքում վերանորոգման աշխատանքներ են մեկնարկել:
Հիշեցնենք, որ ավելի վաղ ամերիկյան կողմից կարծիքներ էին հնչել` Ախալքալաքում ՆԱՏՕ-ի ռազմաբազա հիմնելու վերաբերյալ: Նպատակ էր նշվում Սիրիային մոտ գտնվելու անհրաժեշտությունը:
Հավելենք նաև, որ Թուրքիան Վրաստանում արդեն վերահսկողություն ունի տեղի բոլոր ավիաբազաների և ռազմավարական կարևոր օբյեկտների նկատմամբ. նման հնարավորություն Անկարան ձեռք է բերել սեփական մասնագետների և ընկերությունների միջոցով դրանց վերանորոգումն ու շինարարությունն իրականացնելուց արդյունքում:
Մեկնաբանությունները