<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/news/tiezerakan-gorcuneutyan/feed"
        rel="self"
        type="application/rss+xml"
    />

    <lastBuildDate>Tue, 10 Nov 2026 18:11:25 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link>https://shesht.am/news/tiezerakan-gorcuneutyan</link>

    
        
        <item>

            <guid isPermaLink="false">https://shesht.am/?p=7228</guid>

            <pubDate>Wed, 15 Jan 2020 08:53:37 +0000</pubDate>

            <title>Հայաստանն առաջին անգամ կունենա «Տիեզերական գործունեության մասին» օրենք. (upd.)</title>

            <description><![CDATA[<p>Օրենքը կարգավորելու է տիեզերական գործունեության ոլորտը, սահմանվում են հիմնական սկզբունքները: Ակնկալվում է, որ Հայաստանը կդառնա տիեզերքի բնագավառում գործունեություն ծավալելու համար ամենագրավիչ երկրներից մեկը:</p>
]]></description>

            
                <media:content
                    url="https://shesht.am/wp-content/uploads/2020/01/4.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Հայաստանն առաջին անգամ կունենա «Տիեզերական գործունեության մասին» օրենք. (upd.)]]></media:description>

                </media:content>

            
            <content:encoded><![CDATA[
ՀՀ կառավարությունն Ազգային ժողով է ներկայացրել «Տիեզերական գործունեության մասին» օրենքի նախագիծ: Քննարկումը նախատեսված է ԱԺ Տնտեսական հարցերի մշտական հանձնաժողովի նիստի օրակարգում: Մինչ օրս Հայաստանում այս ոլորտը կարգավորվել է բացառապես միջազգային պայմանագրերով:



Օրենքի հիմնական նպատակներն են տիեզերական գործունեության ոլորտում Հայաստանի Հանրապետության տնտեսության, գիտության, տեխնոլոգիայի զարգացումը, անվտանգության ամրապնդումը, Հայաստանի միջազգային համագործակցության ընդլայնումը: Օրենքը պետք է կարգավորի տիեզերական գործունեության կազմակերպման և իրականացման հետ կապված հարաբերությունները Հայաստանում:



Տիեզերական գործունեության ոլորտում լիազոր մարմինը Բարձր տեխնոլոգիական արդյունաբերության նախարարությունն է: Այն իրականացնում է պետական քաղաքականությունը, միջազգային համագործակցությունը և այլն: Օրենքի նախագծով տիեզերական գործունեության իրականացման սկզբունքներ են ամրագրվում՝



— տիեզերական գիտության ձեռքբերումների և տեխնիկայի օգտագործման միջոցով միջազգային անվտանգության և խաղաղության պահպանման աջակցում.— տիեզերական գործունեության անվտանգության և շրջակա միջավայրի պահպանման ապահովում.— տիեզերական գործունեության բնագավառում Հայաստանի Հանրապետության համար հավասար և փոխշահավետ համագործակցության ապահովում.— տիեզերական գործունեության ոլորտում Հայաստանի Հանրապետության միջազգային պատասխանատվության ապահովում.— գիտական, սոցիալ-տնտեսական նպատակներով կիրառվող տիեզերական տեխնիկայի ռացիոնալ համադրության և հավասարակշռված զարգացման ապահովում:



Տիեզերական գործունեության համար անհրաժեշտ է լիցենզավորում, որի կարգը սահմանում է Կառավարությունը: Վերջինս, օրենքի նախագծի համաձայն, հաստատում է տիեզերական գործունեության բնագավառի զարգացման և ֆինանսավորման ծրագրեր, տիեզերական տեխնիկայի և օբյեկտների գրանցման, շահագործման, մշակման, ստեղծման, փորձարկման կարգերը:



Նախագծով կարգավորման ոլորտի ենթակառուցվածքներ են համարվում՝



— Տիեզերանավակայաններ, — Մեկնարկային համալիրներ և արձակման կայաններ, — Կառավարման և չափումների համալիրներ, — Տիեզերական օբյեկտների թռիչքների կառավարման կենտրոններ և կետեր, — Տեղեկատվության ընդունման, պահպանման և մշակման կետեր, — Տիեզերական տեխնիկայի պահպանման բազաներ, — Տիեզերական օբյեկտների մասնատվող թափոնների անկման վայրեր, — Տիեզերական օբյեկտների վայրէջքի համար նախատեսված տարածքներ (պոլիգոններ) և թռիչքային-վայրէջքային գծեր, — Տիեզերական տեխնիկայի մշակման համար փորձարարական բազայի օբյեկտներ, — Տիեզերագնացների նախապատրաստման համար կենտրոններ և սարքավորումներ, — Տիեզերական գործունեության իրականացման համար օգտագործվող այլ կառուցվածքներ և տեխնիկա:



Կառավարությունն ակնկալում է, որ Հայաստանը կդառնա տիեզերքի բնագավառում գործունեություն ծավալելու համար ամենագրավիչ երկրներից մեկը: Նախագծով նախատեսվում է սահմանել հարկային արտոնություններ՝ մինչև 2030թ. տիեզերքի բնագավառում գործունեություն ծավալելու համար, որպեսզի այդ ոլորտում գործող ընկերությունները շահագրգռված լինեն Հայաստանում այդ գործունեությունը ծավալելու:



UPD. ՀՀ Ազգային ժողովի Տնտեսական հարցերի մշտական հանձնաժողովը դրական եզրակացություն է տվել օրենքի նախագծին: Բարձր տեխնոլոգիական արդյունաբերության նախարար Հակոբ Արշակյանն իր հերթին կոչ է արել բոլորին՝ աջակցել տիեզերական գործունեության ոլորտում Հայաստանի համար հաջողությունների նախադրյալների ստեղծման գործընթացին:
]]></content:encoded>

            <link>https://shesht.am/news/tiezerakan-gorcuneutyan</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>