<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/news/varakman-arajin-depqy/feed"
        rel="self"
        type="application/rss+xml"
    />

    <lastBuildDate>Sun, 15 Nov 2026 18:04:59 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link>https://shesht.am/news/varakman-arajin-depqy</link>

    
        
        <item>

            <guid isPermaLink="false">https://shesht.am/?p=7310</guid>

            <pubDate>Thu, 16 Jan 2020 19:32:31 +0000</pubDate>

            <title>Ճապոնիայում գրանցվել է Չինաստանում բռնկված նոր կորոնավիրուսով վարակման առաջին դեպքը</title>

            <description><![CDATA[<p>Ճապոնական իշխանությունների տվյալներով՝ nCoV կորոնավիրուսը հայտնաբերվել է Տոկիոյից հարավ ընկած Կանագավա պրեֆեկտուրայի 30-ամյա բնակչի մոտ, ով հունվարի սկզբին է վերադարձել Չինաստանի Յուհան քաղաքից:</p>
]]></description>

            
                <media:content
                    url="https://shesht.am/wp-content/uploads/2020/01/4353.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ճապոնիայում գրանցվել է Չինաստանում բռնկված նոր կորոնավիրուսով վարակման առաջին դեպքը]]></media:description>

                </media:content>

            
            <content:encoded><![CDATA[
Ճապոնիայի Առողջապահության նախարարությունը հաստատել է նոր տեսակի թոքաբորբով հիվանդացման առաջին դեպքի մասին տեղեկությունը: Կորոնավիրուս կոչվող վարակն առաջին անգամ արձանագրվել էր Չինաստանում, ավելի քան 40 մարդ հոսպիտալացվել էր:



Ճոպանական գերատեսչությունը հայտնել է, որ Չինաստանի քաղաքացին, ով բնակվում է Կանագավա պրեֆեկտուրայում, այցելել է չինական Յուհան քաղաք և հունվարի 6-ին վերադարձել Ճապոնիա:



30-ամյա տղամարդուն հոսպիտալացրել են հունվարի 10-ին, դուրս են գրել չորեքշաբթի օրը: Նշվում է, որ նա չի այցելել Յուհան քաղաքի ծովամթերքի Խուանան շուկա, որտեղ հայտնաբերվել էր վարակի օջախը: Սակայն ենթադրվում է, որ նա շփում է ունեցել թոքաբորբով վարակվածի հետ: Առայժմ պարզվում է, թե Ճապոնիա վերադառնալուց հետո ում հետ է շփում ունեցել:



Ծովամթերքի մեծածախ վաճառքի շուկա, Յուհան / © CNS / VIA KYODO



Ճապոնիայի առողջապահական գերատեսչությունը հայտնել է, որ երկրի տարածքում վարակի տարածման վտանգը մեծ չէ:



Միաժամանակ, ԶԼՄ-ների հաղորդմամբ, վարակի տարածումը կարող է տեղի ունենալ չինական ամանորին (հունվարի 25), երբ ՉԺՀ-ի միլիոնավոր քաղաքացիներ կշրջագայեն ամբողջ աշխարհում, կայցելեն հարազատներին ու ընկերներին: Անհանգստություն է առաջացրել այն, որ Խուանան շուկան փակվել է և հակահամաճարակային միջոցառումներ են ձեռնարկել դեռևս հունվարի 1-ին, բայց գրանցվել են վարակման նոր դեպքեր: Ենթադրվում է, որ վարակը չի ոչնչացվել:



Պաշտոնատար անձինք կոչ են արել խուճապ չտարածել և պահպանել հանգստություն՝ հաշվի առնելով այն, որ վարակը մարդուց մարդուն «սովորական պայմաններում» քիչ է փոխանցվում: Կորոնավիրուսները սովորաբար մրսածության ախտանիշներ են ցուցաբերում, տարածվում են փռշտալու, հազի կամ անմիջական հպման միջոցով: Միաժամանակ, իշխանությունները Յուհան այցելածներին կամ ախտանիշներ ունեցողներին կոչ են արել չթաքցնել այդ հանգամանքը, կրել դիմակ և անմիջապես դիմել բժշկի:



Կորոնավիրուսի բռնկման մասին Չինաստանի իշխանությունները հայտարարել էին դեկտեմբերի 31-ին: Հունվարի 5-ի դրությամբ արձանագրվել էր վարակի 44 դեպք: Բժիշկները նշել էին, որ հիվանդները դիմել են բարձր ջերմությամբ, ոմանց մոտ շնչառությունն է դժվարացած եղել կամ թոքերը բորբոքված: Հիվանդներից 61 ամյա մի տղամարդ վարակվելուց հետո մահացել է սրտի անբավարարությունից:



Մի քանի հարյուր մարդ, ովքեր շփում են ունեցել հիվանդների հետ, այդ թվում և՝ բժիշկներ, հսկողության տակ են գտնվում: Հունվարի 8-ից հետո Չինաստանում վարակի նոր դեպքեր չեն գրանցվել, սակայն այս շաբաթվա սկզբում Թայլանդում տարեց չինուհու մոտ հայտնաբերվել է վիրուս: Նա նույնպես Յուհանից էր մեկնել:
]]></content:encoded>

            <link>https://shesht.am/news/varakman-arajin-depqy</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>