Zao հավելվածով կարելի է սեփական դեմքը դնել վիդեոյում. DeepFake-ը մեծ տարածում է ստացել Չինաստանում — Շեշտ.am (shesht.am)
6 րոպե
Խմբագրություն

Zao հավելվածով կարելի է սեփական դեմքը դնել վիդեոյում. DeepFake-ը մեծ տարածում է ստացել Չինաստանում

«Վտանգավոր» ծրագրի օգնությամբ դերասանների փոխարեն դուք եք խաղում, կարող եք ձեր մասնակցությամբ նաև խաղեր խաղալ, և դա ընդամենը մի քանի վայրկյանի ընթացքում: Թվիթերում արդեն հայտնվել են այդպիսի հոլովակներ:

Zao-ով կարելի խաղալ Դի Կապրիոյի դերում / ©iPhones.ru

Օգոստոսի վերջին Չինաստանում ստեղծվել է Zao հավելվածը, որը թույլ է տալիս մեկ նկարի (ցանկության դեպքում՝ նկարների շարքի) օգնությամբ տեսահոլովակում տեղադրել սեփական դեմքը: DeepFake ծառայության համեմատ, որտեղ նեյրոցանցին պետք էր տասնյակ նկարներ վարժեցնել մի քանի ժամվա ընթացքում, Zao-ում ամբողջ գործընթացը հաշված վայրկյաններ է տևում:

Ծրագիրը մեծ արագությամբ առաջատար դիրքեր գրավեց Չինաստանի App Store-ում, բայց կարճ ժամանակ անց սոցցանցերում անհանգստություն առաջացրեց:

Zao-ն դեռևս միայն Չինաստանում է հասանելի: Բայց թվիթերում տեխնոլոգիայի մի քանի նմուշներ արդեն հայտնվել են: Մշակողներից մեկը ցուցադրել է, թե ինչ դյուրին է Լեոնարդո Դի Կապրիոյի դեմքը փոխարինելը: Նրա խոսքով՝ տեսահոլովակի մշակումը տևել է ընդամենը 8 վայրկյան:

Հեղինակի խոսքով՝ արդյունքը երբեմն 100%-անոց չի լինում, բայց ընդհանուր առմամբ իր արագության պայմաններում հավելվածն արդարացնում է իրեն: Ցանկության դեպքում կարելի փոխարինել բոլոր կերպարներին: Հեղինակն այդպես է արել «Գահերի խաղի» դեպքում: Տեխնոլոգիան հնարավոր է կիրառել նաև վիդեոխաղերի վրա:

Zao-ում սեփական դեմքը հնարավոր չէ բոլոր հոլովակներում տեղադրել. պետք է ընտել արդեն գոյություն ունեցող հոլովակների գրադարանից: Օգտատերերը նշում են, որ գրադարանն ընդարձակ է և իր մեջ ներառում է ֆիլմեր, սերիալներ, հեռուստաշոուներ, հոլովակներ, խաղերից դրվագներ: Ամենայն հավանականությամբ՝ մշակողները լավ են պարապել հենց այդ տեսանյութերի վրա, այդ պատճառով տեխնոլոգիան լավ արդյունք է արձանագրում:

Մշակողներից Ալլան Խիան նշել է, որ հավելվածն ունի իր մասնակցությամբ մեմերը գեներացնող բաժին:

Չնայած որոշ սահմանափակումներին՝ հեղինակը թրեդում երևակայել է, թե ինչ զարգացում կունենա տեխնոլոգիան: Նրա խոսքով՝ կարելի է այս ծրագրով դերեր խաղալ, սթրիմերները խաղերն իրենց մասնակցությամբ կարող են անցնել, ուստի եթե pornhub-ը դեռ այսպիսի գործիքով չի աշխատում, ուրեմն անպայման պետք է դիտարկի:

Միևնույն ժամանակ Ալլանը նշել է նաև հարցի բարոյական կողմը՝ տեսնելով վտանգներ զարգացման առումով:

Zao-ի մշակողները մի քանի օրում արդեն հայտվել են սկանդալում: Blomberg-ի տվյալներով՝ հավելվածի ավելի հին տարբերակներում օգտագործման համաձայնությունում զգուշացվել է մշակողների կողմից տվյալների անսահմանափակ իրավունքների մասին: Օգտատերերը համաձայնագիրը չեղարկելու հնարավորություն չունեն: Այդ պատճառով Չինաստանում հավելվածի վարկանիշն անկում ապրեց, իսկ WeChat-ում սկսվեցին հեռացվել Zao-ի միջոցով գեներացված հոլովակները:

Ամենաընթերցվածը

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.