<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/science/jupiter-molorakin/feed"
        rel="self"
        type="application/rss+xml"
    />

    <lastBuildDate>Thu, 12 Nov 2026 09:09:26 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link>https://shesht.am/science/jupiter-molorakin</link>

    
        
        <item>

            <guid isPermaLink="false">https://shesht.am/?p=19963</guid>

            <pubDate>Sat, 18 Sep 2021 17:59:27 +0000</pubDate>

            <title>Տիեզերական պատահար. անհայտ մարմինը հարվածել է Յուպիտեր մոլորակին</title>

            <description><![CDATA[<p>Բախմանն ականատես են եղել բազմաթիվ պրոֆեսիոնալ աստղագետներ ու սիրողական ուսումնասիրողներ աշխարհի տարբեր երկրներից: Որոշ գիտնականների նույնիսկ հաջողվել է լուսա և տեսանկարահանել տեղի ունեցածը, որի հետևանքով հսկա մոլորակի մակերեսին հզոր բռնկում է նկատվել:</p>
]]></description>

            
                <media:content
                    url="https://shesht.am/wp-content/uploads/2021/09/E_Z6d6eXEAUFJqp.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Տիեզերական պատահար. անհայտ մարմինը հարվածել է Յուպիտեր մոլորակին]]></media:description>

                </media:content>

            
            <content:encoded><![CDATA[
Ինչպես հաղորդվում է, Արեգակնային համակարգում անսովոր արտակարգ պատահար է տեղի ունեցել՝ կապված ամենամեծ մոլորակի հետ. անհայտ մարմինը հարվածել է Յուպիտերին:




https://youtu.be/MgoLgmojwMA
Բախում Յուպիտերին / © SLA astronomie54



Այդ բախմանն ականատես են եղել բազմաթիվ պրոֆեսիոնալ աստղագետներ ու սիրողական ուսումնասիրողներ աշխարհի տարբեր երկրներից: Որոշ գիտնականների նույնիսկ հաջողվել է լուսա և տեսանկարահանել տեղի ունեցածը, որի հետևանքով հսկա մոլորակի մակերեսին հզոր բռնկում է նկատվել:




https://twitter.com/comets77/status/1437863426093719552?ref_src=twsrc%5Etfw%7Ctwcamp%5Etweetembed%7Ctwterm%5E1437934935504039941%7Ctwgr%5E%7Ctwcon%5Es2_&amp;ref_url=https%3A%2F%2Fpublish.twitter.com%2F%3Fquery%3Dhttps3A2F2Ftwitter.com2Fcomets772Fstatus2F1437934935504039941widget%3DTweet




Ինչպես նշվում է, դեպքը տեղի է ունեցել սեպտեմբերի 13-ին: Այդ օրը շատերն են դիտարկելիս եղել Յուպիտերը, քանի որ մոլորակի մակերեսով անցնելիս է եղել նրա արբանյակ Իոյի ստվերը: Դիտարկումն անսպասելիորեն ընդհատել է վառ բռնկումը, որն արձանագրել են մի քանի աստղալուսանկարիչներ:



Արտառոց երևույթը նկարահանել է նաև գերմանացի աստղագետ Հարալդ Պալեսկեն: Նրա խոսքով՝ Իոյի ստվերը դիտարկելիս և տեսանկարահանելիս տեղի է ունեցել արտասովոր ինչ-որ բան: Նա նկատել է լույսի վառ փայլատակում, ինչը, աստղագետի կարծիքով, կարող էր առաջանալ միայն հզոր հարվածից:



Հարված Յուպիտերին / © H. Paleske &amp; J.P. Arnould



Ավելի ուշ իրադարձությունը հաստատել են եվրոպացի այլ աստղագետներ, որոնք նույնպես նկարահանել են պատահարը:



Համարվում է, որ դեռևս վաղ է խոսել այն մասին, թե հատկապես ինչ է հարվածել Յուպիտերին: Նախնական վարկածի համաձայն՝ այն կարող է լինել մինչև 100 մետրանոց աստերոիդ:



Աստերոիդների բախումը մեր համակարգի ամենամեծ մոլորակի հետ բավականին հաճախ տեղի ունեցող երևույթ է: Հետազոտողները հույս ունեն լուսանկարների ու տեսանյութերի օգնությամբ նույնականացնել անհայտ մարմինը:



Ներկայումս, ինչպես նշվում է, դիտարկողներն իրենց աստղադիտակներն ուղղել են դեպի Յուպիտերը՝ ակնկալելով հայտնաբերել մուգ նշանը կամ «ժամանակավոր վերքը», որը կարող էր առաջանալ հարվածի հետևանքով:
]]></content:encoded>

            <link>https://shesht.am/science/jupiter-molorakin</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>