<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/science/patvastumneri-harcum/feed"
        rel="self"
        type="application/rss+xml"
    />

    <lastBuildDate>Mon, 09 Nov 2026 18:02:41 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link>https://shesht.am/science/patvastumneri-harcum</link>

    
        
        <item>

            <guid isPermaLink="false">https://shesht.am/?p=19541</guid>

            <pubDate>Mon, 02 Aug 2021 12:17:58 +0000</pubDate>

            <title>Գիտնականները պարզել են, թե ինչո՞ւ են մարդիկ տատանվում պատվաստումների հարցում</title>

            <description><![CDATA[<p>Լեհաստանի հետազոտողները պարզել են, թե հատկապես որ հանգամանքն է պատճառը, որ մարդիկ չեն ցանկանում պատվաստվել կորոնավիրուսի դեմ:</p>
]]></description>

            
                <media:content
                    url="https://shesht.am/wp-content/uploads/2021/08/d42bfae9f5e9bc6b1935fb7206bc62b7.jpeg"
                                            type="image/jpeg"
                                        expression="full"
                >

                    <media:description type="plain"><![CDATA[Գիտնականները պարզել են, թե ինչո՞ւ են մարդիկ տատանվում պատվաստումների հարցում]]></media:description>

                </media:content>

            
            <content:encoded><![CDATA[
Covid-19 համավարակի պայմաններում հատկապես արդիական է դարձել այն հարցը, թե ինչո՞ւ շատերը չեն ցանկանում կամ խուսափում են պատվաստվե: Յագելոնի համալսարանի, Լեհաստանի սոցիալական և հումանիտար գիտությունների մասնագետներն ուսումնասիրել են պատվաստման նկատմամբ մարդկանց վերաբերմունքի մասին գրականությունը: Հաջորդիվ հետազոտողներն առցանց հարցում են անցկացրել Լեհաստանի 492 բնակիչների հետ, ովքեր տատանվում են պատվաստման հարցում կամ դեմ են դրան:



Գիտնականները, ինչպես հաղորդվում է, եզրակացրել են, որ բոլոր մասնակիցները բացասաբար են վերաբերվում պատվաստմանը` ընդհանուր առմամբ, և ոչ միայն կորոնավիրուսի պարագայում: Ուշագրավ է, որ հարցվածներից շատերը հայտարարել են, թե իրենց դիրքորոշումը հիմնված է հարազատների կամ սեփական փորձի վրա:



Սակայն երբ հետազոտողները փորձել են ճշտել մանրամասները, հարցման մասնակիցները բավականին անորոշ պատասխաններ են հնչեցրել: Ոմանք նշել են, թե չեն հիշում տեղեկատվության աղբյուրը, մյուսները պատվաստումը կապել են երեխաների մոտ աուտիզմի առաջացման հետ, բայց դժվարացել են այդ համոզման հստակ հիմնավորումներ ներկայացնել:



Մասնագետները դա բացատրել են բացասական տեղեկատվությունը հեշտությամբ հիշելու հակվածությամբ, նույնիսկ եթե այն կարդացել են պարզապես սոցցանցերում կամ կասկածելի կայքերում: Հայտնի է նաև, որ մարդիկ ընդհանրապես նախընտրում են իրենց մտածմունքների հաստատումներ փնտրել և խուսափել այլընտրանքային մոտեցումներից: Ստանալով նման տեղեկատվություն` մարդը մոռանում է, թե ինչպես է իմացել այդ մասին, և հաճախ շփոթում է հարազատների հետ պատահածի կամ սեփական փորձի հետ:



Այսպես, պատվաստումների վերաբերյալ նախկինում առկա դիրքորոշումն ուժգնանում է այդ մտքերը հաստատող ցանկացած տեղեկատվությամբ, անկախ աղբյուրի հուսալիությունից: Միևնույն ժամանակ, պատվաստման դեմ հանդես եկողները հավատում են դրանց արդյունավետությանը և նույնիսկ միանշանակ չեն ընդունում պատվաստման բացասական հետևանքների վերաբերյալ տեղեկությունները:
]]></content:encoded>

            <link>https://shesht.am/science/patvastumneri-harcum</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>