Դերասան Աամիր Խանը յուրօրինակ բարեգործություն է կատարել, որպեսզի այն բաժին հասնի միայն իսկապես կարիքավորներին
Հնդիկ դերասանի տրամադրած ընդամենը մեկ կիլոգրամ ալյուրը շատերը քիչ են համարել ու հրաժարվել են վերցնել: Իսկ դրա կարիքն իսկապես ունեցողները վերցրել են ու ալյուրի մեջ 15 հազար ռուփի (մոտ 94 հազար դրամ) են գտել:
Օրերս հնդկական կինոաստղ Աամիր Խանը (Մուհամեդ Աամիր Հուսեյն Խան) յուրահատուկ տարբերակով բարեգործություն է կատարել: Նրա անունից աղքատներից յուրաքանչյուրին մեկական կիլոգրամ ալյուր է բաժանվել:
Եվ քանի որ բարեգործությունն ընդամենը մեկ կիլոգրամ ալյուր էր, բազմաթիվ մարդիկ պարզապես հրաժարվել են այն ստանալ: Աջակցությունից օգտվել են միայն նրանք, ովքեր իսկապես դրա կարիքն ունեցել են:
Վերջիններս ալյուրի տոպրակներում հայտնաբերել են գումար` 15 հազար ռուփի (մոտ 94 հազար դրամ): Ստացվել է, որ այն բաժին է հասել իսկապես կարիքավորներին:
Բազմաթիվ օգտատերեր ողջունել են նրա քայլը՝ հաստատելով, որ հաճախ աջակցությունից օգտվում են նաև դրա կարիքը չունեցողները:
Մեկնաբանությունները