<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/%d5%be%d5%b8%d5%b5%d5%a1%d5%bb%d5%a5%d6%80-1/feed"
        rel="self"
        type="application/rss+xml"
    />

    <lastBuildDate>Fri, 20 Nov 2026 04:03:10 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=21386</guid>

            <pubDate>Fri, 20 Nov 2026 04:03:09 +0000</pubDate>

            <title>«Վոյաջեր-1»-ը Երկրից մեկ լուսային օր հեռավորության է հասել</title>

            <description><![CDATA[<p>ՆԱՍԱ-ն հաստատել է, որ «Վոյաջեր-1»-ը դարձել է մարդու ստեղծած առաջին օբյեկտը, որը Երկրից մեկ լուսային օր՝ մոտ 25,9 միլիարդ կիլոմետր հեռավորության է հասել։ Այդ կետից ռադիոազդանշանին Երկիր հասնելու համար անհրաժեշտ է 24 ժամ։</p>
]]></description>

            
                <media:content
                    url="https://shesht.am/wp-content/uploads/2026/11/voyager-cover.jpg"
                                            type="image/jpeg"
                                        expression="full"
                >

                    <media:description type="plain"><![CDATA[«Վոյաջեր-1»-ը Երկրից մեկ լուսային օր հեռավորության է հասել]]></media:description>

                </media:content>

            
            <content:encoded><![CDATA[
Տիեզերական գործակալությունը նոյեմբերի 19-ին հայտնել է, որ զոնդը սահմանագիծը հատել է նոյեմբերի 18-ին՝ ավելի քան 49 տարվա թռիչքից հետո։ Կալիֆոռնիայի Ռեակտիվ շարժման լաբորատորիայի՝ JPL-ի մասնագետները համապատասխան ազդանշանը ստացել են հաջորդ օրը։



Լուսային օրը հեռավորության չափման միավոր է՝ այն ճանապարհը, որը լույսը վակուումում անցնում է մեկ օրում։ Այժմ Երկրից հրահանգ ուղարկելու և զոնդի պատասխանը ստանալու համար միայն ազդանշանների ճանապարհը պահանջում է մոտ 48 ժամ։



Սակայն ռադիոկապի առկայությունը չի նշանակում, որ սարքն ամբողջությամբ վերականգնել է տվյալների փոխանցումը։ Նոյեմբերի 14-ից «Վոյաջեր-1»-ից գիտական և տեխնիկական տվյալներ չեն ստացվում։ Երկրային ալեհավաքները գրանցում են կրող ռադիոազդանշան, իսկ նոր հեռավորությունը մասնագետները հաստատել են այդ ազդանշանի և հետագծի հաշվարկների օգնությամբ։



Առաքելության թիմը պարզաբանել է, որ կրող ազդանշանը վկայում է՝ զոնդը կարողանում է ալեհավաքն ուղղված պահել դեպի Երկիր, և հաղորդման սարքավորումն աշխատում է։ Տվյալների բացակայությունը կասկած է հարուցում դրանք հավաքող ու փոխանցման ձևաչափի բերող համակարգչի աշխատանքի վերաբերյալ։ Պատճառի ախտորոշումը կարող է շաբաթներ կամ ավելի երկար տևել։



1977 թվականին արձակված «Վոյաջեր-1»-ը 2012-ին առաջինն է հատել հելիոսֆերայի սահմանը՝ անցնելով միջաստղային տարածություն։ Հելիոսֆերան Արեգակից եկող մասնիկներով ու մագնիսական դաշտերով ձևավորված պղպջակն է։ Նույն ծրագրի «Վոյաջեր-2»-ը սահմանը հատել է 2018-ին։



Երկու զոնդերի էներգիայի աղբյուրը պլուտոնիումի ռադիոակտիվ տրոհման ջերմությունը էլեկտրականության վերածող գեներատորն է։ Յուրաքանչյուր զոնդի հասանելի հզորությունը տարեկան նվազում է մոտ չորս վատտով։ Այս տարի ինժեներները «Վոյաջեր-1»-ի երեք սարք անջատել են՝ դրանց փոխարեն գործարկելով պակաս էներգիա ծախսող այլընտրանքներ և խնայելով գործող գիտական գործիքների համար անհրաժեշտ էներգիան։
]]></content:encoded>

            <link>https://shesht.am/science/voyager-one-light-day</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>