<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/175/feed"
        rel="self"
        type="application/rss+xml"
    />

    <lastBuildDate>Thu, 19 Nov 2026 16:05:43 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=6804</guid>

            <pubDate>Fri, 03 Jan 2020 12:44:28 +0000</pubDate>

            <title>2019թ. Օսլոյում ոչ մի հետիոտն կամ հեծանվորդ վրաերթի չի ենթարկվել</title>

            <description><![CDATA[<p>Անցած մեկ տարվա ընթացքում Նորվեգիայի մայրաքաղաքում միայն 1 մահվան ելքով ՃՏՊ է գրանցվել, իսկ ամբողջ երկրում ոչ մի երեխա չի զոհվել:</p>
]]></description>

            
                <media:content
                    url="https://shesht.am/wp-content/uploads/2020/01/05.jpg"
                                            type="image/jpeg"
                                        expression="full"
                >

                    <media:description type="plain"><![CDATA[2019թ. Օսլոյում ոչ մի հետիոտն կամ հեծանվորդ վրաերթի չի ենթարկվել]]></media:description>

                </media:content>

            
            <content:encoded><![CDATA[
2019թ. ընթացքում Նորվեգիայի ճանապարհներին ոչ մի երեխա չի զոհվել: Ազգային ճանապարհային վարչության տվյալներով՝ մայրաքաղաք Օսլոյում անցած տարվա ընթացքում տեղի է ունեցել ընդամենը մեկ ճանապարհատրանսպորտային պատահար՝ մահվան ելքով: Վարորդը մահացել է, երբ ավտոմեքենան բախվել է պատնեշին: Չի գրանցվել հետիոտնին կամ հեծանվորդին վրաերթի ենթարկելու ոչ մի ՃՏՊ:



Մահացության ցուցանիշը վերջին տասնամյակներում նվազել է ոչ միայն մայրաքաղաքում, այլև ամբողջ Նորվեգիայում: 1970թ. սկանդինավյան երկրի ճանապարհներին զոհվել է 560 մարդ, որոնցից 101-ը՝ երեխաներ: 1985թ. 482 մարդ է զոհվել, իսկ 2019թ.՝ 110 մարդ: Օսլոյում 1975թ. ՃՏՊ-ներից զոհվել է 41 մարդ:



Ենթադրվում է, որ իրավիճակի բարելավմանը նպաստել են այնպիսի հանգամանքներ, ինչպիսիք են քաղաքում թույլատրելի արագության զգալի նվազեցումը, Օսլոյի կենտրոնական թաղամասերում ավտոճանապարհների կրճատումը, ճանապարհների բարեկարգումն ու ավտոմեքենաների արդիականացումը: Բացի այդ, Նորվեգիայում առավել մեծ տարածում են ստանում հեծանիվները:
]]></content:encoded>

            <link>https://shesht.am/news/vraerti-chi-entarkvel</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=1771</guid>

            <pubDate>Tue, 16 Jul 2019 07:20:09 +0000</pubDate>

            <title>Քննարկվել են երթևեկության կարգավորման հնարավոր տարբերակները</title>

            <description><![CDATA[<p>Ներկայացվել են մի շարք առաջարկություններ՝ 3D անցումներ, բալային համակարգ, ուսուցում դպրոցում, վկայականների քննության փոփոխություն, գովազդ, խիստ տեխզննում։</p>
]]></description>

            
                <media:content
                    url="https://shesht.am/wp-content/uploads/2019/07/l-pZShdqH93Z11.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Քննարկվել են երթևեկության կարգավորման հնարավոր տարբերակները]]></media:description>

                </media:content>

            
            <content:encoded><![CDATA[
ԱԺ պատգամավոր Սիսակ Գաբրիելյանի նախաձեռնությամբ վարչապետ Նիկոլ Փաշինյանի մոտ գրեթե բոլոր գերատեսչությունների ներկայացուցիչների, Երևանի քաղաքապետի, ոստիկանապետի, Վարորդի ընկեր հասարակական կազմակերպության և այլ ՀԿ-ների ներկայացուցիչների մասնակցությամբ քննարկում է տեղի ունեցել։



Քննարկում վարչապետի մոտ



Քննարկվել են երթևեկության կարգավորման  և համակարգային փոփոխությունների խնդիրները։ Ներկայացված առաջարկությունների հիմնական շեշտադրումները հետևյալն են եղել․



— ՃԵԿ կանխարգելում և վերահսկում. փոքր տարիքից երեխաներին ՃԵԿ պարտադիր ուսուցում մանկապարտեզում, դպրոցում։



— Փողոցների կահավորման ժամանակակից և առավել արդյունավետ տարբերակների կիրառում։



— Վարորդական վկայականների քննության հանձնման ընթացակարգի ամբողջական փոփոխություն։



— Սոցիալական գովազդներ։



— Ոստիկանության աշխատելաոճի փոփոխություն, աշխատակիցների ավելացում, նաև խրախուսանքների կիրառում՝ որպես աշխատանքի մոտիվացիա։



— Տեխզննման անցկացման ընթացակարգի փոփոխություններ։ Մասնավորապես, ՀՀ ներմուծվող վնասված մեքենաների տեխզզնման  ավելի խիստ կարգով  անցկացում։



— Վարորդ-հետիոտն գործողությունների վտանգավորության աստիճանի վերաբերյալ  տարանջատումներ՝ օրենսդրական կարգավորմամբ։



— Հատուկ համարանիշերով մեքենաների արտոնյալ կարգավիճակի կարգավորում՝ օրենքի առաջ բոլորը  հավասար են սկզբունքով։



— ՀՀ ողջ տարածքում ՃԵ նշանների, գծանշումների կարգավորում, ամբողջական և համակարգված կահավորում։



ԱԺ պատգամավոր Սիսակ Գաբրիելյանն իր հերթին առաջարկել է ներդնել հատուկ բջջային հավելվածի միջոցով քաղաքացիների արձանագրած ՃԵԿ խախտումների հիման վրա արձանագրություններ կազմելու համակարգ։




https://www.youtube.com/watch?v=cla-UnE-AuE&amp;fbclid=IwAR0PrUE-mRqmbiartP0Elcf9gWrMGiWmxgXlEnoW7mQ1KatPvbjuNoUk_0w




Կառավարությունը նախաձեռնել է  բալային համակարգի ներդրում, որը թույլ է տալու նվազեցնել տուգանքների չափերը, բայց կարգազանց վարորդներին վկայականից զրկելու մեխանիզմ է իրենց ենթադրում։



Ծրագրեր են մշակվել նաև Երևանի քաղաքապետարանի կողմից։ Քաղաքապետի մամուլի քարտուղար Հակոբ Կարապետյանն ավելի վաղ նշել էր, որ կա քաղաքային ոստիկանություն ստեղծելու նպատակահարմարություն, ինչն օրենսդրական փոփոխություն է ենթադրում:



Այս հարցին նույնպես անդրադարձ է եղել․ վարչապետի հետ հանդիպման ժամանակ քննարկվել է նաև Ճանապարհային ոստիկանության և Պարեկապահակային ծառայության միաձուլման արդյունքում լրիվ նոր, տեխնիկապես հագեցած Պարեկային ոստիկանության (Patrol Police) ստեղծում, որը պետք է լուծի ոստիկանների պրոֆեսիոնալիզմի և մոտիվացվածության առկա խնդիրները:



Երևանի քաղաքապետի դիրքորոշման համաձայն՝ խնդրին ամբողջական լուծում տալու համար պետք է ունենալ նորմալ հանրային տրանսպորտ և այդ դեպքում միայն երթևեկությունը հնարավոր կլինի բեռնաթափել։



 Հետիոտնային 3D անցում՝ Երևանում



Հակոբ Կարապետյանն իր ֆեյսբուքյան էջում տեղադրել է քաղաքապետարանի կողմից ՃԵ-ին առնչվող նորամուծությունն ազդարարող լուսանկար։ Ըստ նրա՝ Սբ․ Գր․ Լուսավորիչ փողոցի վրա փորձնական գծվում է հետիոտնային 3D անցում։ Այն նպատակ ունի նվազեցնելու արագությունը՝ վարորդի համար տեսողական պատրանք ստեղծելով, թե առջևում արգելք կա։ 3D գծանշումը ստիպում է նվազեցնել արագությունը։




https://www.facebook.com/permalink.php?story_fbid=10216238698625883&amp;id=1405208089




Փոխոստիկանապետ Հովհաննես Քոչարյանն անդրադարձել է ճանապարհային երթևեկության ոլորտում անհրաժեշտ բարեփոխումներին։ Նրա խոսքով՝ փոփոխություններն անհրաժեշտ արդյունք կարող են ապահովել միայն իրավաբանական և սոցիալական կարգավորումների համադրմամբ։ Փոխոստիկանապետը անվտանգության ապահովման հարցում ոստիկանության հսկողությունը համարել է անհրաժեշտ, բայց ոչ բավարար՝ կարևորելով հասարակական գիտակցությունն այս հարցում։




https://www.facebook.com/hovhannes.qocharyan.16/posts/1659873810811787




Հիշեցնենք, որ ճանապարհային երթևեկության կարգավորման շուրջ քննարկումները ծավալվեցին վերջին շրջանում Երևանում և Հանրապետության ողջ տարածքում գրանցված մեծ թվով ողբերգական ավտովթարներից հետո։
]]></content:encoded>

            <link>https://shesht.am/news/yertevekutyun-kargavorum</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=1492</guid>

            <pubDate>Thu, 11 Jul 2019 09:39:23 +0000</pubDate>

            <title>Վթարների նվազեցման ի՞նչ լուծումներ ունի Կառավարությունը</title>

            <description><![CDATA[<p>Տուգանելու քաղաքականությունը ոչ մի էֆեկտի չի բերում. Վարչապետը հանձնարարել է ուժեղացնել վերահսկողությունը:</p>
]]></description>

            
                <media:content
                    url="https://shesht.am/wp-content/uploads/2019/07/19492039.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Վթարների նվազեցման ի՞նչ լուծումներ ունի Կառավարությունը]]></media:description>

                </media:content>

            
            <content:encoded><![CDATA[
Կառավարությունն այսօրվա նիստում քննարկել է վերջին օրերին տեղի ունեցած ՃՏ ողբերգական պատահարները։



Վարչապետ Նիկոլ Փաշինյանը նշել է,  որ Ոստիկանությունում կարգազանց վարորդներին երթեւեկությունից հեռացնելու վերաբերյալ օրենքի նախագիծ է մշակվել։ Այն արդեն Ազգային ժողովում է։ 



Կառավարության ղեկավարը հրահանգել է հնարավորինս շուտ քննարկել նախագիծը, իսկ Ոստիկանությունից պահանջել է անհանդուրժողականութուն դրսեւորել եւ կոշտ միջոցներ ձեռնարկել անբարեխիղճ վարորդների նկատմամբ։



Ոստիկանապետ Վալերիյ Օսիպյանն արձանագրել է, որ վթարների եւ դրանց հետեւանքով տուժածների թիվը շարունակում է աճել։



Կառավարության նիստ ©primeminister.am



Օսիպյանը նշել է, որ 2018 թվականի ապրիլի 10-ի դրությամբ գրանցվել է 1861 ՃՏՊ, 150 զոհ 2736 վիրավոր, իսկ 2019 թվականի նույն ժամանակահատվածում գրանցվել է 2203 ՃՏՊ, 169 զոհ, 3212 վիրավոր։



Ոստիկանապետը, չբացառելով իրենց գործողություններում թերացումները, ընդգծել է, որ մեքենաների աննախադեպ ներմուծում է իրականացվում.



2017-ին ներկրվել է 38 հազար տրանսպորտային միջոց, 2018-ին՝ 73 հազար 562, իսկ 2019 թվականի վեց ամիսներին արդեն՝ 54 հազար 216։



«Տուգանելու քաղաքականությունը ոչ մի էֆեկտի չի բերում» ,- տարածված մամուլի հաղորդագրության համաձայն՝ նշել է Վարչապետը՝ հանձնարարելով շարունակել ուժեղացված ծառայությունը, հայտնաբերել ոչ սթափ վարորդներին եւ գերբեռնված մեքենաները։



Միաժամանակ, փոխվարչապետ Մհեր Գրիգորյանը կարծիք է հայտնել, որ պետք է ներդաշնակեցնել տեխզննման եւ ԱՊՊԱ գործընթացները: Այդ դեպքում տեխնիկական խնդիր ունեցող մեքենան չի ապահովագրվի։



Վարչապետը հավանել է առաջարկը, իսկ Տարածքային կառավարման եւ ենթակառուցվածքների նախարար Սուրեն Պապիկյանը տեղեկացրել է, որ Կառավարության ծրագրում այդ մասին նշված է, պարզապես պետք է ուսումնասիրել ռիսկերը, մասնավորապես՝ կոռուպցիոն։
]]></content:encoded>

            <link>https://shesht.am/news/karavarutyan-naxagits</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=1414</guid>

            <pubDate>Wed, 10 Jul 2019 06:56:51 +0000</pubDate>

            <title>Հայաստանում ստորագրահավաք է սկսվել հանդիպակաց վարելը քրեականացնելու պահանջով. ինչո՞ւ չի ընդունվի</title>

            <description><![CDATA[<p>Օրենքն ի՞նչ օգուտ կտա, եթե բոլոր ճանապարհները չեն տեսանկարահանվում ու խիստ վերահսկվում, բարվոք չեն, վկաներ չկան և այլն:</p>
]]></description>

            
                <media:content
                    url="https://shesht.am/wp-content/uploads/2019/07/l-SgPRtfLttx.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Հայաստանում ստորագրահավաք է սկսվել հանդիպակաց վարելը քրեականացնելու պահանջով. ինչո՞ւ չի ընդունվի]]></media:description>

                </media:content>

            
            <content:encoded><![CDATA[
Վերջերս տեղի ունեցած ճանապարհատրանսպորտային ողբերգական պատահարներից հետո հասարակությունը պահանջում է խստացնել տրանսպորտային միջոցների շահագործման և ճանապարհային երթևեկության կանոնները:



Ինչի՞ց սկսվեց



Հասարակական տրամադրություններն առավել բորբոքվեցին Արարատի մարզում` Զոդի կամրջի վրա հանդիպակաց գոտի դուրս գալու հետևանքով 6 մարդու կյանք խլած և տասնյակից ավելի վիրավորների պատճառ դարձած ավտովթարից հետո:




https://youtu.be/zZQHJw5QDS4




Նախնական վարկածի համաձայն, ՃՏՊ-ի մեղավորը երթևեկել է հանդիպակաց գոտում: Վարորդն արդեն ձերբակալված է, բայց շարունակում ենք ականատես լինել, որ, այսպես ասած, շատերը դեռ չեն խրատվել:



Այսպիսի դաժան դեպքերը նվազեցնելուն նպաստող միջոցներից մեկը հասարակությունը դիտում է հանդիպակաց գոտում վարելը քրեականացնելը: ՀՀ Ազգային Ժողովին ուղղված այդպիսի պահանջով ստորագրահավաք է սկսվել Change.org կայքում:



Քրեականացումը պահանջողները նշում են, որ դիտավորյալ կերպով հանդիպակաց երթևեկելի գոտի մտնող վարորդը վտանգում է թե իր, թե դիմացից եկող մեքենայում գտնվողների կյանքը: Պահանջում են Քրեական օրենսգրքում փոփոխություններ կատարել` հանդիպակաց գոտում վարելը նույնականացնելով ապրելու սահմանադրական իրավունքի խախտման հետ:



Այդպիսի քայլը պետք է դիտվի որպես մարդասպանության փորձ ,– նշում են ստորագրահավաքի կազմակերպիչները: Կայքում պահանջը ներառում է հստակ օրենսդրական լուծումներ` նույնացում մարդասպանության փորձի հետ, տուգանքի չափի բարձրացում և այլն: Մեր դիտարկման պահին ստորագրահավաքին միացել է 1360 մարդ:



 ©Change.org



Ներկայումս ՀՀ օրենսդրությամբ ճանապարհի բաժանարար գիծը հատելու, ինչպես նաև հանդիպակաց երթևեկության գոտի դուրս գալու համար, եթե դա կապված չէ վազանցը թույլատրված տեղերում վազանց կատարելու հետ` նախատեսված է 30 հազար դրամ, իսկ հանդիպակաց երթևեկության գոտի դուրս գալու համար` 50 հազար դրամ տուգանք:



Այլ երկրներում



Մենք դիտարկեցինք Եվրոպական երկրներում, Ռուսաստանում, Վրաստանում, ԱՄՆ-ում սահմանված պատիժները նման դեպքերում: Ուսումնասիրված երկրներից ոչ մեկում հոծ գիծը հատելու, հանդիպակաց երթևեկելու համար ուղղակի քրեական պատիժ սահմանված չէ:



Նման պատասխանատվություն նախատեսվում է միայն հետևանքների` վնաս հասցնելու դեպքում: Օրինակ ԱՄՆ-ում քրեական պատասխանատվություն նախատեսված է միայն երկրորդ անգամ հանդիպակաց գոտի դուրս գալու խախտման համար` համարելով ագրեսիվ դրսևորում:



Գերմանիայում ևս քրեական պատասխանատվությունն առաջանում է հետևանքներ ունենալու դեպքում, իսկ հանդիպակաց գոտում ուղղակի երթևեկելու համար սահմանված է տուգանք` հոծ գիծը տրորելիս` 75 եվրո, ճափեզրով վարելիս` 130, իսկ հիմնական ճանապարհի վրա` 200 եվրո տուգանք:



Հարևան Վրաստանում հոծ գիծը հատելու համար սահմանված է 16 եվրո տուգանք, իսկ հանդիպակաց գոտում երթևեկելու համար` 200 եվրո:



Իսկ Ռուսաստանում ճանապարհի բաժանարար գիծը հատելու համար սահմանված է 2500 ռուբլի տուգանք: Քրեական պատասխանատվություն ՃԵ կանոնները խախտելիս կիրառվում է երկրորդ անգամ ոչ սթափ վիճակում վարելու դեպքում, մինչդեռ ուղղակի հանդիպակաց գոտում երթևեկելու համար քրեական պատիժ սահմանված չէ:



Ինչո՞ւ է ապարդյուն



Մեկնարկած ստորագրահավաքը, թեև ունի արդեն բավականաչափ մասնակիցներ, բայց մեր կարծիքով չի հաստատվի օրենսդիր մարմնի կողմից: Պատճառները, թերևս, դատական համակարգում առկա խնդիրները կարող են լինել` գերբեռնվածություն, քաշքշուքներ և այլն, ապացուցման մեխանիզմների թերի բաշխվածությունը, քանի որ ոչ բոլոր ճանապարհներն են տեսանկարահանվում:



Եվ ինչպես արագաչափերի դեպքում, այստեղ էլ նկարահանող սարքի մոտ ամեն ինչ կարգին կլինի, իսկ, օրինակ, Զոդի կամրջի վրա վերահսկողություն այդպես էլ չի լինի: Ճանապարհների ոչ բարվող վիճակը նույնպես շատ տեղերում բազմաթիվ քրեական գործերի պատճառ կդառնա. հոծ գիծը հատում են նաև հարկադրված:



Մեզանում խնդիր է նաև վկաների ինստիտուտը. ոչ բոլորն են ցանկանում վկայություն տալ` նախ` որպեսզի քաշքշուքների մեջ չընկնեն, ինչպես նաև կարծրատիպերի պատճառով:



Այստեղ, ամենայն հավանականությամբ, պետք է գործի բարեվարքության կանոնը, երբ վարորդն ինքը մտածի այլ կերպ, ուղևորները բացասական վերաբերմունք արտահայտեն ՃԵ կանոնները խախտող վարորդի նկատմամբ:



Պետք է ունենալ ավելի խիստ վերահսկողություն, բարվոք ճանապարհներ, հասարակական գիտակցություն: Գուցե հենց այս ուղղությամբ պայքարն ու պահանջն առավել արդյունավետ լինեն ու ավելի մեծ դեր խաղան մեր հայրենակիցների անվտանգության հարցում. ի վերջո հարցը միայն հանդիպակաց երթևեկելը չէ. արագություն, ոչ սթափ վիճակ, ամրագոտի և այլն: Յուրաքանչյուր խախտում քաղաքացու անվտանգությանն անմիջական սպառնալիք է:



Զարգացած օրենսդրություն ունեցող բազմաթիվ երկրներում հետևանք չառաջացնող խախտումների համար քրեական պատասխանատվություն սահմանված չէ: Այդ դեպքում ինչո՞ւ պիտի Հայաստանում լինի, երբ ավելի կարևոր հարցեր կան լուծելու: 



 
]]></content:encoded>

            <link>https://shesht.am/news/storagrahavaq-handipakac</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=1109</guid>

            <pubDate>Thu, 04 Jul 2019 16:03:34 +0000</pubDate>

            <title>Վրաերթից քանի՞ մարդ է մահանում Երևանում, և ի՞նչ է մտածում քաղաքապետարանը</title>

            <description><![CDATA[<p>Վրաերթի դեպքերը նվազեցնելու ուղղությամբ ի՞նչ միջոցառումներ է իրականացրել քաղաքապետարանը, որո՞նք են ընթացիկ ծրագրերը և ի՞նչ է նախատեսում անել</p>
]]></description>

            
                <media:content
                    url="https://shesht.am/wp-content/uploads/2019/07/1sh200219_3-1.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Վրաերթից քանի՞ մարդ է մահանում Երևանում, և ի՞նչ է մտածում քաղաքապետարանը]]></media:description>

                </media:content>

            
            <content:encoded><![CDATA[


Այս անգամ Շեշտ.am-ը դիտարկել է Երևանի այն հատվածները, որտեղ վրաերթի դեպքեր հաճախ են տեղի ունենում՝ մարմնական ծանր վնասվածքների և մահվան ելքով: Փորձենք հասկանալ, թե այստեղ որն է վարորդների, որը՝հետիոտնի, և որը քաղաքապետարանի մեղքի բաժինը:





Մայրաքաղաքում 2018 և 2019 թվականների ընթացքում արձանագրվել են  անցորդներին վրաերթի ենթարկելու 250-ից ավել ՃՏՊ-ներ, որոնցից մոտ 50-ի դեպքում հետիոտները տեղում կամ հիվանդանոցում մահացել են, իսկ մյուսների դեպքում մարմնական վնասվածք ստացած քաղաքացիները տեղափոխվել են հիվանդանոց:



Վիճակագրական տվյալները փաստում են, որ հաճախակի վրաերթի դեպքեր են գրանցվում բարձր արագությամբ երթեւեկելու պատճառով։ Վրաերթի ենթարկվողների մեծ մասը մինչեւ 15 տարեկաններն են եւ 80-ն անց տարեցները, պատահարների մեծ մասը կանգառներում է տեղի ունենում, բազմաթիվ են չթույլատրվող հատվածներում փողոցն անցնելու պատճառով վրաերթի դեպքերը։ Դիտարկել ենք Երևանի այն հատվածները, որտեղ համեմատաբար շատ վրաերթեր են տեղի ունենում։



2018 և 2019 թվականների ընթացքում հետիոտներին վրաերթի ենթարկելու ամենաշատ դեպքերը (10 եւ ավելի)



Իսկ ստորև այն փողոցներն են, որտեղ վերջին մեկուկես տարվա ընթացքում արձանագրվել է վրաերթից 2 և ավելի մահվան դեպք․ 



Բերված են փողոցները, որտեղ 2018 եւ 2019 թթ. ընթացքում 2 եւ ավելի հետիոտնի մահ է արձանագրվել վրաերթի հետեւանքով



Երեւանի քաղաքապետի մամուլի քարտուղար Հակոբ Կարապետյանն իր ֆեյսբուքյան էջում անդրադարձել է մայրաքաղաքում ՃՏՊ-ներից մահացության եւ վիրավորումների մեծ թվին։ 



 «Շարունակում եմ անխախտ համոզմունք ունենալ, որ Հայաստանի, մասնավորապես, Երեւանի ճանապարհներին մարդկանց կյանքի ու առողջության ապահովման հարցը մեր ամենակարեւոր ու հրատապ լուծման կարոտ խնդիրներից է: Եթե կա որեւէ միջոց, որը հնարավորություն կտա գոնե մեկ տոկոսով նվազեցնել ՃՏՊ-ների հետեւանքով զոհերի ահռելի թիվը, ապա պետք է քննարկել դա՝ առանցքում դնելով հենց այդ նպատակը:



Հայաստանում ճանապարհային պատահարների հետեւանքով տարեկան շուրջ 250 մարդ է մահանում: Մենք Եվրոպայում այս ցուցանիշով «առաջատարների» թվում ենք: Սա ահավոր ցուցանիշ է:  Պետք է լրջորեն մտածել սրա մասին» ,- նշել է Կարապետյանը։



Վրաերթի դեպքերը նվազեցնելու ուղղությամբ ի՞նչ միջոցառումներ է իրականացրել Քաղաքապետարանը, որո՞նք են ընթացիկ ծրագրերը և ի՞նչ է նախատեսում անել



Երեւանի քաղաքապետ Հայկ Մարությանը հունիսի 26-ին ավագանու նիստում հայտարարել է, որ Երեւանը բավականին վտանգավոր է հետիոտնի եւ վարորդի համար եւ առաջարկել, որպեսզի քաղաքապետարանի նախաձեռնությանը միանան ոստիկանությունն ու այլ գերատեսչություններ:



Նարնջագույնով նշված են վրաերթի ամենաշատ դեպքերը՝ 2018 եւ 2019 թվականների ընթացքում, իսկ սեւ գույնով՝ նույն ժամանակահատվածում վրաերթի հետեւանով մահացության ամենաշատ դեպքերը



Նարնջագույնով նշված են վրաերթի ամենաշատ դեպքերը՝ 2018 եւ 2019 թվականների ընթացքում, իսկ սեւ գույնով՝ նույն ժամանակահատվածում վրաերթի հետեւանով մահացության ամենաշատ դեպքերը



Նարնջագույնով նշված են վրաերթի ամենաշատ դեպքերը՝ 2018 եւ 2019 թվականների ընթացքում, իսկ սեւ գույնով՝ նույն ժամանակահատվածում վրաերթի հետեւանով մահացության ամենաշատ դեպքերը



Նարնջագույնով նշված են վրաերթի ամենաշատ դեպքերը՝ 2018 եւ 2019 թվականների ընթացքում, իսկ սեւ գույնով՝ նույն ժամանակահատվածում վրաերթի հետեւանով մահացության ամենաշատ դեպքերը



Քաղաքապետն ընդգծել է, որ երթեւեկության  անվտանգության մակարդակը բարձրացնելու համար ՀԱՄԱԼԻՐ ԼՈՒԾՈՒՄՆԵՐ են անհրաժեշտ, այդ թվում՝ 



• հետիոտնային անցումները լուսավորումը,



• կարգավորվող անցումների կահավորումը



• վերգետնյա եւ ստորգետնյա անցումների ավելացումը, 



• երթեւեկության կանոնների պահպանման նկատմամբ հսկողության խստացումը (այս հարցում քաղաքին կարող է օգնել մունիցիպալ ոստիկանության ստեղծումը),



• այլ քաղաքների օրինակով մեքենաների շարժման առավելագույն թույլատրված արագության նվազեցումը՝&nbsp; 60 կմ/ժամը դարձնելով 50 կմ/ժամ՝ առաջարկելով քննարկել այս տարբերակը։



Քաղաքապետարանի կողմից ներկայումս իրականացման փուլում են մի շարք նախագծեր՝ այդ թվում և` մի քանի վերգետնյա անցումների կառուցման, որոնք հնարավորինս կկրճատեն տվյալ հատվածներում վրաերթի դեպքերը:



Բնակիչների պահանջը տեղին է



Ապրիլին Ռուբինյանց փողոցի վրա մահվան ելքով հերթական վրաերթից հետո դեպքի վայրի հարևանությամբ բնակվողները փորձել են փակել ճանապարհը, քանի որ նշված հատվածում հաճախակի են տեղի ունենում ավտովթարներ, վրաերթեր, այդ թվում՝ ողբերգական, ու բազմաթիվ անգամներ դիմել են ճանապարհային ոստիկանություն ու Երևանի քաղաքապետարան, որպեսզի նշված հատվածում տեղադրվի արհեստական անհարթություն, ինչը զսպաշապիկ կլինի որոշ վայ-վարորդների համար, ովքեր «չեն տանջի գազի սեղմակը»։ 



Նշենք, որ արհեստական անհարթությունն այս հատվածում արդեն տեղադրված է: Վրաերթի պատահարները նվազեցնելու համար Երևանի ղեկավարությունն իրականացրել է նաև անհրաժեշտ այլ միջոցառումներ՝



Ի՞նչ է արվել



Մայիսի 18-ից Մյասնիկյան պողոտայում (Կենդանաբանական այգու հատվածում) գործում է արհեստական անհարթության հետ համատեղմամբ հետիոտնային անցում, միաժամանակ՝ նշված հատվածում տրանսպորտային միջոցների երթևեկության առավելագույն թույլատրելի արագությունը երկու ուղղություններով սահմանվել է 40կմ/ժ,



• Բաբաջանյան փողոցն ամբողջությամբ LED լուսավորությամբ է ապահովվել,



• Շիրակի փողոցի արտաքին լուսավորության ցանցը նույնպես արդիականացվել է,



• Քաղաքապետը հանձնարարել է ձեռքով կառավարվող 14 լուսացույց տեղադրել մայրաքաղաքի փողոցներում,



• Հայտարարվել է մրցույթ` վերգետնյա անցումների կառուցման համար:



• Բոլոր գետնանցումները մաքրվել և լուսավորվել են, վերանորոգվել են Շենգավիթ վարչական շրջանի Գ. Նժդեհի հրապարակի գետնանցման աստիճանները:




]]></content:encoded>

            <link>https://shesht.am/research/vraerter-yerevanum</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>