<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/203/feed"
        rel="self"
        type="application/rss+xml"
    />

    <lastBuildDate>Sun, 15 Nov 2026 18:04:59 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=19799</guid>

            <pubDate>Mon, 30 Aug 2021 19:31:53 +0000</pubDate>

            <title>Հայաստանը նոյեմբերից դեպի Ռուսաստան ծովային փոխադրումներ կկարողանա իրականացնել</title>

            <description><![CDATA[<p>Նախարարի խոսքով` փոխադրումները կարող են իրականացվել ինչպես մասնավոր ընկերությունների լաստանավերի, այնպես էլ կառավարության կողմից ձեռք բերվելիք լաստանավերի միջոցով:</p>
]]></description>

            
                <media:content
                    url="https://shesht.am/wp-content/uploads/2021/08/last.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Հայաստանը նոյեմբերից դեպի Ռուսաստան ծովային փոխադրումներ կկարողանա իրականացնել]]></media:description>

                </media:content>

            
            <content:encoded><![CDATA[
Էկոնոմիկայի նախարար Վահան Քերոբյանը հայտարարել է, որ Հայաստանի համար նախատեսված բեռները նոյեմբերից հնարավոր կլինի փոխադրել արդեն նաև Վրաստանի և Ռուսաստանի միջև ծովային կապի միջոցով:



Նախարարի խոսքով` փոխադրումները կարող են իրականացվել ինչպես մասնավոր ընկերությունների լաստանավերի, այնպես էլ կառավարության կողմից ձեռք բերվելիք լաստանավերի միջոցով: Ներկայումս, ինչպես նշել է, դիտարկվում են բոլոր հնարավոր տարբերակները: Որպես նպատակ Քերոբյանը շեշտել է շաբաթական մեկ կամ ամսական առնվազն երկու անգամ լաստանավերի երկկողմանի տեղափոխությունը:



Վահան Քերոբյանի խոսքով` ծովային ուղին կնվազեցնի կախվածությունը ռուս-վրացական սահմանի «Վերին Լարս» անցակետով անցնող ցամաքային ճանապարհից, որը ձմեռային ամիսներին հաճախակի է փակվում: Այդ դեպքում լաստանավային փոխադրումներն այլընտրանքային տարբերակ կհանդիսանան:
]]></content:encoded>

            <link>https://shesht.am/news/kkaroxana-irakanacnel</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=18906</guid>

            <pubDate>Tue, 25 May 2021 10:45:04 +0000</pubDate>

            <title>Թուրքիայի տնտեսությունն ու Էրդողանի վարկանիշը շարունակում են անկումը․ սպասվում է նոր հակառեկորդ</title>

            <description><![CDATA[<p>Թուրքիայի նախագահը սեփական վարկանիշի ու երկրի տնտեսական վիճակի անկմանը զուգահեռ Կենտրոնական բանկի հերթական պաշտոնյային է ազատել։ Լիրան շարունակում է անկումը, իսկ Էրդողանի վարկանիշն արդեն զիջում է ընդդիմադիր կուսակցությունների ներկայացուցիչների, այդ թվում՝ Ստամբուլի և Անկարայի քաղաքապետերի վարկանիշին։</p>
]]></description>

            
                <media:content
                    url="https://shesht.am/wp-content/uploads/2021/05/zamedlennyj-jekonomicheskij-krizis-v-turcii.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Թուրքիայի տնտեսությունն ու Էրդողանի վարկանիշը շարունակում են անկումը․ սպասվում է նոր հակառեկորդ]]></media:description>

                </media:content>

            
            <content:encoded><![CDATA[
Կարծիք կա, որ առաջիկայում թուրքական լիրան կարող է նոր հակառեկորդ սահմանել։ Ինչպես հաղորդվում է՝ հունիսին թուրքական ընկերությունները ստիպված կլինեն մարել 6,9 մլրդ դոլարի արտարժութային պարտատոմսերը, ինչը կմեծացնի ճշնումն ազգային արժույթի նկատմամբ։



Թուրքական լիրան 2021թ․ առաջին հինգ ամիսների ընթացքում արդեն 13% անկում է գրանցել։ Հիմնական պատճառն է՝ օտարերկրացի ներդրողների զանգվածային արտահոսք թուրքական ակտիվներից, ինչն իր հերթին պայմանավորված է Էրդողանի աճող ոչ ադեկվատությամբ և տնտեսության վատթարացմամբ։



Այս համատեքստում ուշագրավ է, որ Ռեջեփ Թայիփ Էրդողանը պաշտոնից ազատել է Կենտրոնական բանկի բարձրաստիճան պաշտոնյայի, ինչը համարվում է ֆինանսական ոլորտի ղեկավարության փոփոխության առումով վերջին անսպասելի որոշումներից մեկը։



Հաղորդվում է, որ աճող տնտեսական խնդիրներին զուգահեռ նվազում է գործող վարչախմբի վարկանիշը։ Թուրքիայի նախագահին այս հարցում գերազանցում են ընդդիմադիր կուսակցությունների մի շարք ներկայացուցիչներ։ Հարցումները ցույց են տալիս, որ Ստամբուլի քաղաքապետ Էքրեմ Իմամօղլուն և Անկարայի քաղաքապետ Մանսուր Յավաշն Էրդողանի համեմատ 10%-ով ավելի բարձր վարկանիշ ունեն։
]]></content:encoded>

            <link>https://shesht.am/news/nor-hakarekord</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=18040</guid>

            <pubDate>Tue, 09 Mar 2021 06:39:12 +0000</pubDate>

            <title>Հայաստանի քաղաքական գործիչները Թուրքիայի հետ տնտեսական կապերի հարցում կեղծում ու մոլորեցնում են</title>

            <description><![CDATA[<p>Հաշվարկները ցույց են տալիս, որ Հայաստանն արդեն 30 տարի ենթարկվում է թուրքական զավթողական քաղաքականությանը: Նոր ուղիները հնարավոր կլինի շահագործել միլիոնավոր դոլարների ներդրումների գնով` դրա դիմաց տարեկան մի քանի տասնյակ մլն դոլարների շահույթ ստանալով, սակայն քաղաքականապես ու ընդհանրապես` կտուժի:</p>
]]></description>

            
                <media:content
                    url="https://shesht.am/wp-content/uploads/2021/03/meghri.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Հայաստանի քաղաքական գործիչները Թուրքիայի հետ տնտեսական կապերի հարցում կեղծում ու մոլորեցնում են]]></media:description>

                </media:content>

            
            <content:encoded><![CDATA[
Տնտեսական բնույթի հրապարակումներով հայտնի աղբյուրը Հայաստանի իշխանությունների կողմից թմբկահարվող կեղծիքների շարքում նշում է ենթակառուցվածքների ապաշրջափակման դեպքում հնարավոր տնտեսական արդյունքը: Ուղիները բացելու համար Հայաստանը պետք է տասնյակ կամ, գուցե, հարյուրավոր մլն դոլարներ ներդնի, որպեսզի գոնե դրանք սկսեն աշխատել, սակայն առկախված կմնա տնտեսական շահն ու անվտանգությունը: Հայ գործարարները ներդրումներ չեն անի վտանգավոր նախագծերում. դա կանեն թուրք, ադրբեջանցի և ռուս գործարարները:



Ընդդիմությունը, աղբյուրի հաղորդմամբ, նույնպես կեղծում է` նշելով, թե Հայաստանը կենթարկվի թուրքական զավթողականությանը: Ներկայումս 6 ամսով արգելված է թուրքական ապրանքների ներմուծումը Հայաստան, նախատեսվում է, որ այդ ժամկետը կերկարացվի: Աղբյուրն այստեղ հիշեցնում է հետևյալ թվերը.



- Լևոն Տեր-Պետրոսյանի կառավարման տարիներին (1991-1998թթ.) Թուրքիայից Հայաստան ներմուծումը կազմել է 46 մլն դոլար, հակառակ ուղղությամբ` 16 մլն դոլար:



- Ռոբերտ Քոչարյան (1998-2008թթ.). ապրանքաշրջանառությունը Հայաստանի և Թուրքիայի միջև կազմել է 618 մլն դոլար, որից 600 մլն-ը` դեպի Հայաստան, 18 մլն-ը` Թուրքիա:



- Սերժ Սարգսյանի նախագահության տարիներին (2008-2018թթ.) Թուրքիայից Հայաստան է ներմուծվել 2,1 մլրդ դոլարի ապրանք, հակառակ ուղղությամբ` 15 մլն դոլարի:



- Նիկոլ Փաշինյան. 2019թ. Թուրքիայից Հայաստան ներմուծումը կազմել է 268 մլն դոլար, 2020թ.` 100 մլն դոլար:



Աղբյուրն ընդդիմադիրներին ու իշխանությանը հորդորում է խելամիտ տեղեկատվություն ներկայացնել և հիշեցնում է, որ մեծ թվով ապրանքներ ներմուծման փոխարեն կարող էին տեղում արտադրվել: Ընդ որում` վերոնշյալ թվերը միայն պաշտոնականն են. նշվում է, որ իրական պատկերն այլ է` հաշվի առնելով, որ մեծ քանակությամբ ապրանքներ Վրաստանի տարածքով այլ եղանակներով են ներմուծվում` փոխադրողների, անձնական մեքենաների, անձնական իրերի և այլն: Եզրահանգում է. Հայաստանն արդեն 30 տարի ենթարկվում է թուրքական զավթողական քաղաքականությանը:



Հաշվարկներ



Դեռևս 2014թ. International Alert-ը զեկույց էր հրապարակել Կարս-Գյումրի-Նախիջևան-Մեղրի-Բաքու երկաթգծի բացման վերաբերյալ (զեկույցի պատրաստմանն աջակցել են Եվրամիությունը, ԵՄ կազմակերպություններ, Նիդեռլանդների ԱԳՆ-ն, Իռլանդիայի ԱԳ և առևտրի նախարարությունը):



Զեկույցում հաշվարկվել է, որ նախագծի համար Հայաստանը պետք է ծախսի 104,6 մլն դոլար, Ադրբեջանը` 278,6 մլն դոլար, Թուրքիան` 52 մլն դոլար: Տարեկան 10 մլն տոննա ծավալով բեռնափոխադրումների դեպքում նախագծի հետգնումը Հայաստանի և Ադբեջանի համար 12 տարի կկազմեր, սակայն ընդգծվում է, որ նախնական շրջանում տարեկան ծավալը 1,5 մլն տոննա էր լինելու:



Հաշվի առնելով այդ տվյալները` հասկանալի է, որ 100 մլն դոլարի հետգնումը հնարավոր է 15 տարի անց, իսկ տարածաշրջանի առանձնահատկությունները ներառյալ` 20-30 տարի: Սակայն մեկ այլ հանգամանք ևս կա.



Այսպես, կառուցվել է Բաքու-Թբիլիսի-Կարս երկաթուղին: Ծրագրի արժեքը նախապես գնահատվել է 422 մլն դոլար, այն պետք է ունենար տարեկան 10 մլն տոննա թողունակություն, որը կհասներ 20 մլն տոննայի: Դեռևս շինարարության սկզբում նախագծի արժեքը գերազանցեց 600 մլն դոլարը, իսկ վերջում այն արդեն արժեցավ 1,5 մլրդ դոլար, որն ամբողջությամբ վճարեց Ադրբեջանը: Գործարկումից հետո, սակայն, թողունակությունը տարեկան ընդամենը 150 հազար տոննա է:



Նշվում է, որ երկաթուղու վերաբացումը ձեռնտու է նախ Ադրբեջանին, քանի որ ուղիղ կապ կունենա Նախիջևանի հետ, ապա և` Թուրքիային, որի դեպքում Վրաստանի տարածքով Հայաստան ներկրման փոխարեն արդեն ավելի քիչ ծախսատարությամբ ավելի շատ ապրանքներ կներմուծվեն անմիջապես: Հայկական ընկերություններն այս մրցակցությանը չեն կարող դիմանալ:



Տնտեսական աղբյուրը շեշտում է, որ Հայաստանն արդյունքում տարեկան մի քանի տասնյակ մլն դոլարների շահույթ կունենա, սակայն քաղաքականապես ու ընդհանրապես` կտուժի: Տնտեսությունը կախման մեջ կհայտնվի թուրքական ապրանքից, արտահանումը կախված կլինի թշնամու տրամադրությունից: Նախիջևանը կդառնա ավելի զարգացած տարածք, իսկ Ադրբեջանի ու Թուրքիայի «ախորժակն ավելի կբացվի»:
]]></content:encoded>

            <link>https://shesht.am/news/u-molorecnum-en</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=17855</guid>

            <pubDate>Sat, 20 Feb 2021 09:34:56 +0000</pubDate>

            <title>Հայաստանի համար ի՞նչ նշանակություն ունի Իրանի անդամակցումը ԵԱՏՄ-ին</title>

            <description><![CDATA[<p>Հայաստանի համար նոր հնարավորություններ կարող են ստեղծվել միայն քաղաքական և տնտեսական ճիշտ կառավարման պարագայում: Սակայն առկա են մի շարք անհասկանալի հարցեր` ԵԱՏՄ-ին Ադրբեջանի ու Թուրքիայի անդամակցության հավանականություն, Վրաստան-Աբխազիա երկաթուղու գործարկում, Հայաստան-Իրան երկաթուղային հաղորդակցություն և այլն:</p>
]]></description>

            
                <media:content
                    url="https://shesht.am/wp-content/uploads/2021/02/iran_armenia.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Հայաստանի համար ի՞նչ նշանակություն ունի Իրանի անդամակցումը ԵԱՏՄ-ին]]></media:description>

                </media:content>

            
            <content:encoded><![CDATA[
Այսպես, արդեն պաշտոնապես` Իրանը պատրաստվում է դառնալ Եվրասիական տնտեսական միության մշտական անդամ: ԻԻՀ խորհրդարանի խոսնակը Մոսկվայից Թեհրան վերադառնալուց հետո հայտարարել է, որ գործընթացն ընդամենը մի քանի շաբաթ կտևի:



Ազգային արտադրության ծավալներով աշխարհի տնտեսությունում 15-րդ տեղը զբաղեցնող, Արևմտյան Ասիայի և ՕՊԵԿ-ի երկրների շարքում խոշոր երկրի անդամությունը ԵԱՏՄ-ին խոշոր իրադարձություն է համարվում: Իրանը Թուրքիային շրջանցել է դեռ 2007թ.` իր տնտեսությամբ խոշորագույնը դառնալով նաև իսլամական աշխարհում: Իրանը Սաուդյան Արաբիայից հետո նավթի պաշարներով ամենահարուստն է, և նավթի համաշխարհային շուկայում 5,5%-ը նրան է բաժին ընկնում: Տնտեսական զարգացումն Իրանում դեռ մեծ թափով շարունակվում է:



ԵԱՏՄ-Իրան հարաբերություններն ու համագործակցությունը, չնայած նախորդ տարիներին զարգացել են, սակայն ներկայումս վճռական ակտիվություն են ստացել: Հոդվածագիրը դժվարանում է ասել` որքանով Թեհրանի մտադրությունները կապ ունեն Արցախի վերջին պատերազմի հետ, սակայն նշվում է, որ տարածաշրջանում պատերազմի հետևանքով ստեղծված իրավիճակը, ուղիների ապաշրջափակման վերաբերյալ տարածաշրջանի երկրների մտադրությունները մեծապես ազդել են Իրանի որոշման վրա:



Տարածաշրջանային գերտերությունը, այսպիսով, չի կարող հեռու մնալ այդօրինակ ծավալուն գործընթացներից:



ԵՊՀ իրանագիտության ամբիոնի վարիչ Վարդան Ոսկանյանի խոսքով` ԵԱՏՄ-ին անդամակցության հարցում առավել հետաքրքրված են իրանական վերնախավի պահպանողականները:



Նշվում է, որ այստեղ արդեն ի հայտ են գալիս իրադարձությունների զարգացման տարբեր վարկածներ` ինչպես փոխկապակցված, այնպես էլ` անջատ: Հատկապես անհասկանալի են համարվում եվրասիական ուղիները Հայաստանի համար, հատկապես` ներկայիս վիճակում:



Ընդգծվում է, որ եթե մինչ այդ տարածաշրջանում միայն Հայաստանն էր ԵԱՏՄ-ի անդամ-պետություն, ապա հիմա ամեն ինչ փոխվում է, և նոր խաղացողի ի հայտ գալով նախապատվությունները կարող են փոփոխվել: Չի բացառվում, որ ԵԱՏՄ-ին Ադրբեջանի անդամակցության հարցը կրկին օրակարգ բերվի և կյանքի կոչվի: Այդ դեպքում համարվում է, որ Բաքվին կհաջորդի նաև Անկարան` հաշվի առնելով տնտեսական ու աշխարհաքաղաքական հաշվարկները:



Ընդհանուր առմամբ` Հայաստանի համար հնարավորությունների ժամանակավոր կորուստը կարող է փոխարինվել, իհարկե` քաղաքական և տնտեսական ճիշտ կառավարման պարագայում, առավել շահեկան պայմաններով: Օրինակ է բերվում, մասնավորապես, Իրան-Հայաստան երկաթուղու վերագործարկումը:



Նախագիծը գնահատվում է 3,2 մլրդ դոլար: Երկաթուղու երկարությունը կլինի մոտ 300 կմ, ենթակառուցվածքների թվում կլինեն 64 կամուրջներ` 19,4 կմ ընդհանուր երկարությամբ, 60 թունելներ` 102,3 կմ երկարությամբ և 27 կայարաններ: Հայաստանի կառավարությունը դեռևս 2014թ. հաստատել է ճանապարհի կառուցման նախնական ծրագիրը, սակայն իրական ներդրողների բացակայության պատճառով գաղափարն անկատար է մնացել:



Ընդգծվում է, որ այդ երկաթուղով Հայաստանը ելք կունենար ոչ միայն Իրան, այլև` Պարսից ծոց, Կասպից ծով, որտեղից էլ ծովով կապ կունենար ԵԱՏՄ մյուս երկրների` Ռուսաստանի ու Ղազախստանի հետ: Այս ուղու առկայությունը հայ գործարարների համար առավել շահավետ ու անվտանգ կլիներ, քանի Ադրբեջանի տարածքով առաջարկվողն է:



Անկարան և Բաքուն պնդում են տարածաշրջանային բոլոր տեսակի ուղիների ապաշրջափակումը` պնդելով, որ դա ձեռնտու կլինի բոլորի համար: Սակայն մինչ այդ պետք է կարողանալ լուծել անվտանգության երաշխիքների հարցը: Իրանի դեպքում, անշուշտ, նման վտանգներ չկան:



Ամեն դեպքում` Իրանի անդամակցությունը Հայաստանի համար տնտեսության ակտիվացման հնարավորություն է, ինչն արդիական է հետպատերազմյան ու հետկովիդյան շրջանում: Իրանի հայկական համայնքը, ինչպես և իրանական բիզնեսը, զրկված է երրորդ երկրներում ներդրումներ անելու հնարավորությունից` արևմտյան պատժամիջոցների պատճառով, իսկ ԵԱՏՄ-ին անդամակցությունն ինտեգրացիոն գործընթացներին մասնակցելու հնարավորություն կապահովի:



Հայաստանի տարածքով դեպի Իրան ուղիների բացումը քննարկվում է նաև վրաց մասնագիտական շրջանակներում` օրակարգ բերելով աբխազական երկաթուղին վերագործարկելու անհրաժեշտությունը: Մինչ օրս Վրաստանի համար այս հարցը քաղաքական է, սակայն Հարավային Կովկասի նոր իրողությունների պարագայում Թբիլիսին կարող է դուրս մղվել գործընթացներից, եթե համարի, որ Աբխազիայի հետ երկաթուղային հաղորդակցությունն անընդունելի է:



Համարվում է, որ ԵԱՏՄ-ին Իրանի անդամակցությունը երկրորդ պլան կմղի Անկարայի և Բաքվի կողմից գովազդվող ապաշրջափակման հարցը: Թեհրանի համար, բացի տնտեսական նշանակությունը, կարևոր է այդ ճանապարհով երկրի անվտանգությունը բարձրացնելու հարցը:



Ընդգծվում է, որ այս գործընթացներում Հայաստանի համար ուրվագծվող հնարավորություններն իրապես կարող են կյանքի կոչվել տնտեսական հետևողական քաղաքականության դեպքում:
]]></content:encoded>

            <link>https://shesht.am/news/andamakcutyuny-eatmin</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=17728</guid>

            <pubDate>Thu, 11 Feb 2021 08:14:11 +0000</pubDate>

            <title>Ի՞նչ նշանակություն ունի Հայաստանի համար «ՀՀ-ԵՄ Համապարփակ և ընդլայնված գործընկերության համաձայնագիրը»</title>

            <description><![CDATA[<p>Համաձայնագիրն ուժի մեջ կմտնի 2021թ. մարտի 1-ից: Ներկայացնում ենք Հայաստանի համար կարևորություն ունեցող այն հնարավորությունները, որոնք կարող է ապահովել փաստաթուղթը` առևտրի, ծառայությունների, էներգետիկայի, աշխատատեղերի, միջուկային անվտանգության և մի շարք այլ ուղղություններով:</p>
]]></description>

            
                <media:content
                    url="https://shesht.am/wp-content/uploads/2021/02/D88VlZ5WwAExjXU.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ի՞նչ նշանակություն ունի Հայաստանի համար «ՀՀ-ԵՄ Համապարփակ և ընդլայնված գործընկերության համաձայնագիրը»]]></media:description>

                </media:content>

            
            <content:encoded><![CDATA[
ՀՀ ԱԳՆ հաղորդմամբ` 2021թ. փետրվարի 10-ին Եվրոպական միությունը Հայաստանի Հանրապետությանը ծանուցել է Եվրամիության և Եվրամիության անդամ երկրների կողմից ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ, CEPA) վավերացման գործընթացի ավարտի մասին։ Համաձայնագիրը լիարժեքորեն ուժի մեջ կմտնի 2021թ. մարտի 1-ից:



Նշվում է, որ 2017թ. նոյեմբերի 24-ին Բրյուսելում կայացած Արևելյան գործընկերության գագաթաժողովի շրջանակներում ստորագրված Համաձայնագիրը նոր՝ գործընկերային մակարդակի է բարձրացնում ՀՀ-ԵՄ երկկողմ հարաբերությունները, կանոնակարգում է ոլորտային համագործակցությունը, առևտրային հարաբերությունները, երկխոսությունը քաղաքական և տնտեսական բնագավառներում:



Ինչի՞ մասին է Համաձայնագիրը



Համաձայնագիրը ենթադրում է համագործակցություն տարբեր ոլորտներում` արդարադատություն, անվտանգություն, տնտեսություն, գյուղատնտեսություն, ենթակառուցվածքներ, շրջակա միջավայր և կլիմա, կրթություն և գիտություն, մշակույթ, առողջապահություն և այլն։



Համաձայնագիրն ուղղված է ԵՄ-Հայաստան համագործակցության մակարդակի բարձրացմանն ու շրջանակի ընդլայնմանը։ Առևտրի համաշխարհային կազմակերպության շրջանակի, ինչպես նաև Համագործակցության ու Գործընկերության համաձայնագրի համեմատությամբ` ՀԸԳՀ-ն էլ ավելի է բարելավում երկկողմ առևտրի պայմանները։



ԱԳՆ մեկնաբանությամբ` Համաձայնագրի արդյունավետ կիրարկումը ժամանակի ընթացքում իր ազդեցությունն է ունենալու ՀՀ քաղաքացիների բարեկեցության և կենսակերպի վրա, շոշափելի արդյունքներ կապահովի և կխթանի Հայաստանում ժողովրդավարության,  քաղաքական, տնտեսական և սոցիալական կայունության ամրապնդմանը:



ՀՀ արտաքին գերատեսչությունն ընդգծում է, որ Համաձայնագրում խոսվում է նաև Լեռնային Ղարաբաղի հակամարտության խաղաղ կարգավորման մասին: Վերահաստատվում է ԵԱՀԿ Մինսկի խմբի համանախագահների ջանքերին ու մոտեցումներին աջակցելու հանձնառությունը, շեշտվում է Լեռնային Ղարաբաղի հակամարտության հանգուցալուծման անհրաժեշտությունը ժողովուրդների իրավահավասարության և ինքնորոշման իրավունքի հիման վրա։



Ավելի պարզ. ի՞նչ հնարավորություններ է Համաձայնագիրը նախատեսում



Համաձայնագրի կարևորությունը գնահատելու համար ներկայացնենք այն հիմնական ուղղությունները, որոնց անդրադառնում է փաստաթուղթը:



Այսպես, այն նախատեսում է օրենսդրության կատարելագործում` բարելավելու գործարար միջավայրն ու ներդրումային հնարավորությունները: Խոսքն ինչպես հայկական ընկերությունների կողմից եվրոպական շուկայում վաճառվող ապրանքների և ծառայությունների ծավալների մեծացման մասին է, այնպես էլ` Հայաստանում ԵՄ ընկերությունների կողմից դուստր ձեռնարկությունների հիմնման հնարավորության: Ակնկալվող արդյունքը տնտեսական աճի խթանմանումն է և նոր աշխատատեղերի ստեղծումը:



Ներդրումային միջավայրի բարելավման կարևոր ուղղություններից է համարվում էներգիայի մաքուր, այլընտրանքային աղբյուրների ստեղծումը: Համաձայնագիրը ենթադրում է կանաչ կամ վերականգնվող էներգիայի ոլորտում նոր աշխատատեղերի ստեղծում: Բարձրանալու է էլեկտրաէներգիայի ոլորտի մրցակցությունը: Շուկայի ազատականացման արդյունքում հնարավոր է համարվում Հայաստանում էլեկտրաէներգիայի գնի նվազումը:



ՀԸԳՀ-ն նախատեսում է գործարար միջավայրի կանխատեսելիության և կայունության ապահովում: Փոքր և միջին ձեռնարկություններին Համաձայնագրի դրույթների իրականացման մասին տեղեկատվության և խորհրդատվության տրամադրումը կարող է նպաստել մասնավոր հատվածին վերաբերող օրենսդրական դաշտի թափանցիկության բարձրացմանը:



Համաձայնագիրը ծառայությունների մատուցման ոլորտում ԵՄ-ՀՀ առևտրի ազատականացման արդյունքում հայկական ընկերություններին իրավունք կվերապահի ծառայություններ մատուցել ԵՄ-ում: Դրանց շարքում են վարձակալության և լիզինգի ծառայությունները, խորհրդատվական, ինժեներական, լուսանկարչական, փաթեթավորման, փոստային, ֆինանսական, տրանսպորտային ծառայությունների մատուցումը և այլն:



ՀԸԳՀ-ն նախատեսում է, որ հայ գործարարները կկարողանան մասնակցել ԵՄ-ում իրականացվող պետական գնումներին և հակառակը: Պետական գնումների գործընթացների թափանցիկությունը բարձրացվելու է: Տրամադրվելու են լրացուցիչ թույլտվություններ, օրինակ` ջրամատակարարման և հանրային ծառայությունների մատուցման այլ ոլորտներում: Շեշտվում է գերիշխող դիրքի չարաշահման, ձեռնարկությունների միջև համաձայնությունների և մրցակցության այլ խոչընդոտների բացառումը: Հայկական և եվրոպական ընկերությունները կկարողանան դիմել անկախ մրցակցային մարմնին:



Համաձայնագիրը ենթադրում է առևտրի համար ոչ անհրաժեշտ խոչընդոտների նվազեցում: Օրինակ, պիտակավորման բարդ պահանջները կհանվեն: Արդյունքում ավելի շատ ընկերություններ կկարողանան իրենց արտադրանքը ներկայացնել հայկական և ԵՄ շուկաներում` մրցունակ գներով:



ՀԸԳՀ-ում շեշտվում է, որ ԵՄ-ն հաստատում է Հայաստանի միջուկային անվտանգության բարձրագույն մակարդակի ապահովման իր հանձնառությունը: Համաձայնագիրը նախատեսում է նաև ԵՄ-ի և ՀՀ-ի միջև համագործակցության հզորացում` հանցագործությունների կանխարգելման, կազմակերպված հանցավորության և ահաբեկչության դեմ պայքարի ուղղությամբ:



ՀԸԳՀ-ն Հայաստանին կօգնի տնտեսական աճ գրանցել և բարելավել շրջակա միջավայրը: Հայաստանի կողմից նախատեսվում է միջազգային չափանիշներին և համաձայնագրերի պահանջներին համապատասխանող՝ շրջակա միջավայրի պաշտպանությանն ուղղված միջոցառումների ընդունում և իրականացում: ԵՄ-ն և Հայաստանը կհամագործակցեն բնական ռեսուրսների կայուն օգտագործման մակարդակի բարձրացման եւ կենսաբազմազանության պահպանման ուղղությամբ:
]]></content:encoded>

            <link>https://shesht.am/research/gorcynkerutyan-hamadzaynagiry</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=17308</guid>

            <pubDate>Wed, 06 Jan 2021 10:17:38 +0000</pubDate>

            <title>Համաշխարհային բանկի կանխատեսմամբ` 2021թ. Հայաստանին 3,1% տնտեսական աճ է սպասվում</title>

            <description><![CDATA[<p>Բանկի զեկույցի համաձայն` Հայաստանի և Ադրբեջանի միջև ստորագրված հրադադարի հայտարարությունը կօգնի տարածաշրջանում աշխարհաքաղաքական լարվածության նվազմանը:</p>
]]></description>

            
                <media:content
                    url="https://shesht.am/wp-content/uploads/2021/01/1440x810_cmsv2_ad4cd491-117f-5435-8a42-32dd1cb25d5c-4641488.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Համաշխարհային բանկի կանխատեսմամբ` 2021թ. Հայաստանին 3,1% տնտեսական աճ է սպասվում]]></media:description>

                </media:content>

            
            <content:encoded><![CDATA[
Համաշխարհային բանկի կանխատեսմամբ` 2020թ. Հայաստանի տնտեսական անկման ցուցանիշն 8% է կազմելու, իսկ 2021-ին սպասվում է 3,1% աճ: ՀԲ-ի «Համաշխարհային տնտեսության հեռանկարներ» (Global Economic Prospects) զեկույցի համաձայն` 2022թ. Հայաստանում սպասվում է 4,5% տնտեսական աճ:



Համաշխարհային բանկի հունիսյան զեկույցում Հայաստանի տնտեսության համար կանխատեսվել էր 5,2% անկում` 2020թ., 1,8%` 2021թ.: ՀԲ-ի` հոկտեմբերին հրապարակված զեկույցում (Եվրոպայի և Կենտրոնական Ասիայի տարածաշրջանային տնտեսական զարգացման վերաբերյալ) նշվել էր, որ Հայաստանի տնտեսությունը 2020թ. կնվազի 6,3%-ով, իսկ այնուհետև` 2021թ., կաճի 4,6%-ով:



Այդ զեկույցում կանխատեսվել էր, որ Հարավային Կովկասի տարածաշրջանում 2021թ. տնտեսական աճը կկազմի 2,5%` պայմանավորված համավարակի և հակամարտությունների առաջացրած ցնցումների մեղմացմամբ ու զբոսաշրջության վերականգնմամբ:



Բանկի զեկույցի համաձայն` սպասվում է, որ կանխատեսվող ժամանակաշրջանում ակտիվությունն Ադրբեջանում ընդլայնվելու է, քանի որ նավթի գները կայունանալու են, և տնտեսությունը ներդրումների ու վերակառուցման ծախսերի արդյունքում շահելու է: Սպասվում է, որ Հայաստանի և Ադրբեջանի միջև ստորագրված հրադադարի հայտարարությունը կօգնի տարածաշրջանում աշխարհաքաղաքական լարվածության նվազմանը:
]]></content:encoded>

            <link>https://shesht.am/news/banki-kanxatesmamb</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=17232</guid>

            <pubDate>Sat, 26 Dec 2020 16:04:21 +0000</pubDate>

            <title>Կորոնավիրուսի պատճառով Չինաստանի տնտեսությունը 2028թ. կշրջանցի ԱՄՆ-ին</title>

            <description><![CDATA[<p>Նախկինում 2033թ.-ն էր կանխատեսվել, սակայն կորոնավիրուսը հաջողությամբ հաղթահարելու և արագորեն վերականգնվելու արդյունքում չինական տնտեսությունն ավելի շուտ կզարգանա: Հնդկաստանը, իր հերթին, 2030թ. կհայտնվի 3-րդ տեղում:</p>
]]></description>

            
                <media:content
                    url="https://shesht.am/wp-content/uploads/2020/12/chin.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Կորոնավիրուսի պատճառով Չինաստանի տնտեսությունը 2028թ. կշրջանցի ԱՄՆ-ին]]></media:description>

                </media:content>

            
            <content:encoded><![CDATA[
Ամերիկյան Centre for Economics and Business Research (CEBR) հետազոտական կենտրոնի տվյալներով՝ Չինաստանի տնտեսությունը 2028թ. կշրջանցի ԱՄՆ-ին: Դա պայմանավորված է նրանով, որ Չինաստանը լավագույն է հաղթահարել կորոնավիրուսը և արագորեն վերականգնվել է:



2019թ. փորձագետները կանխատեսել էին, որ Չինաստանն ԱՄՆ-ին կշրջանցի 2033թ.-ից ոչ շուտ: Ընդ որում՝ ասիական ևս մեկ պետություն՝ Հնդկաստանը, 2030թ. համաշխարհային տնտեսական վարկանիշում 3-րդ տեղը կզբաղեցնի. ներկայումս 6-րդ հորիզոնականում է:



Չինաստանը խոշոր տնտեսությունների շարքում երկրորդն է: Նրանից հետո Ճապոնիան է, ապա՝ Գերմանիան, Մեծ Բրիտանիան, Հնդկաստանը և Ֆրանսիան: CEBR-ի կանխատեսման համաձայն՝ 2030թ. նրանցից երեք մեկական հորիզոնականով հետ կգնան, և իրավիճակն այդպես կպահպանվի մինչև 2035թ.:



ՉԺՀ-ի նախագահ Սի Ցզինպինը նոյեմբերին հայտարարել է, որ երկրի տնտեսությունը 2035թ., հնարավոր է, կրկնապատկվի՝ ըստ կառավարության հնգամյա պլանի:



Իշխանությունների տվյալներով՝ չինական տնտեսությունը, որն առաջինն է տուժել կորոնավիրուսից, արագորեն վերականգնվել է: CEBR-ի զեկույցի համաձայն՝ դա պետք է արևմտյան իշխանություններին դրդի մեծ ուշադրություն դարձնել Ասիայում տեղի ունեցող գործընթացներին:
]]></content:encoded>

            <link>https://shesht.am/news/kshrjanci-amnin</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=17032</guid>

            <pubDate>Wed, 09 Dec 2020 18:59:13 +0000</pubDate>

            <title>Լոլիկի և խնձորի ներմուծման արգելքով Ռուսաստանը մեծ հարված է հասցնում Ադրբեջանի տնտեսությանը</title>

            <description><![CDATA[<p>Ադրբեջանից դեպի Ռուսաստան արտահանվող ապրանքների շարքում 50%-ից ավելին լոլիկն ու խնձորն են, որոնք մեծ եկամուտներ են ապահովում ադրբեջանցի առևտրականներին ու գործարարներին:</p>
]]></description>

            
                <media:content
                    url="https://shesht.am/wp-content/uploads/2020/12/5fd0a10c9cff5.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Լոլիկի և խնձորի ներմուծման արգելքով Ռուսաստանը մեծ հարված է հասցնում Ադրբեջանի տնտեսությանը]]></media:description>

                </media:content>

            
            <content:encoded><![CDATA[
Ադրբեջանական լոլիկն խնձորը Ռուսաստան ներկրելու արգելքի թեման մեծ տարածում է ստացել փորձագիտական շրջանակներում: Ավելի վաղ մենք անդրադարձել էինք այդ հարցին՝ համադրելով ռուսական ուղղաթիռի շուրջ առկա գործընթացի հետ: Այժմ ներկայացնենք «լոլիկի ու խնձորի արտահանման» վերաբերյալ շրջանառվող տեղեկությունների տնտեսական բաղադրիչը:



Ռուսաստանի Դաշնություն արտահանվող ապրանքների շարքում լոլիկն ու խնձորը մեծ չափաբաժին ունեն. արտահանման ընդհանուր ծավալի 50%-ից ավելին հենց լոլիկն ու խնձորն են: Ադրբեջանը և նրա ռուսական սփյուռքը, ստացվում է, այդ ապրանքների վաճառքից մեծ եկամուտներ են ստանում:



Համարվում է, որ այս արգելքով Ռուսաստանը մեծ վնաս է հասցնում ադրբեջանական տնտեսությանը, այդ թվում՝ շուկաների առևտրականներին (ադրբեջանական համայնքի «մեծ լսարան»), ովքեր արտագնա աշխատանքի են ՌԴ-ում:



Կան տեղեկություններ, որ այս արգելքն իր ծավալներով մեծ հարված կհասցնի ադրբեջանցի գործարարներին և, հատկապես, Վլադիմիր Պուտինի համակուրսեցի Իլգամ Ռահիմովի և Ֆուդ Սիթիի ու առևտրային այլ կազմակերպությունների սեփականատեր Նիսանովին շահերին:
]]></content:encoded>

            <link>https://shesht.am/news/vnas-e-hascnum</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=16881</guid>

            <pubDate>Thu, 26 Nov 2020 16:57:37 +0000</pubDate>

            <title>ԵԱԶԲ-ում նշում են, որ Հայաստանի և Ռուսաստանի տնտեսությունները կվերականգնվեն 2022թ.</title>

            <description><![CDATA[<p>Եվրասիական զարգացման բանկի վերլուծաբանների գնահատմամբ՝ 2021թ. Հայաստանում տնտեսական աճը կկազմի 4,9%, Ղազախստանում՝ 4,4, Ղրղզստանում՝ 3,7, Ռուսաստանում՝ 3,2, իսկ Տաջիկստանում՝ 6,9%: Նրանց համոզմամբ՝ 2022թ. առաջին կեսին արդեն Հայաստանի, Ղրղզստանի և Ռուսաստանի տնտեսությունները կվերադառնան մինչև ճգնաժամը գրանցված ցուցանիշներին:</p>
]]></description>

            
                <media:content
                    url="https://shesht.am/wp-content/uploads/2020/11/dda6c6823db6f4e355d687ada368f0af.jpg"
                                            type="image/jpeg"
                                        expression="full"
                >

                    <media:description type="plain"><![CDATA[ԵԱԶԲ-ում նշում են, որ Հայաստանի և Ռուսաստանի տնտեսությունները կվերականգնվեն 2022թ.]]></media:description>

                </media:content>

            
            <content:encoded><![CDATA[
Եվրասիական զարգացման բանկի (ԵԱԶԲ) վերլուծաբանների կանխատեսմամբ՝ Եվրասիական տնտեսական միության (ԵԱՏՄ) անդամ-պետությունների և Տաջիկստանի տնտեսական աճի տեմպը 2020թ. կկրճատվի, բայց արդեն 2021-ից կսկսի աճել: ԵԱԶԲ-ին անդամակցում են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը:



Կազմակերպության վերլուծաբանները ներկայացրել են 2021թ. մակրոտնտեսական համալիր կանխատեսումը: Նշվում է, որ Covid-19 համավարակի համաշխարհային տարածումն ազդել է բացառապես բոլոր պետությունների վրա՝ հանգեցնելով տնտեսական ակտիվության և անդրսահմանային առևտրի նվազմանը: Սա արտահայտվել է քաղաքացիների եկամուտների անկմամբ և ոչ լիարժեք զբաղվածության ու անգործության աճով: Արդյունքում՝ ԵԱԶԲ-ի կանխատեսմամբ, բանկի անդամ-պետությունների ագրեգացված ՀՆԱ-ն 2020թ. կկրճատվի 3,8%-ով՝ 2019թ. 1,7% աճից հետո: Մասնավորապես՝ սպասվում է, որ Հայաստանում տնտեսական աճի տեմպը կնվազի մինչև 6,4%-ով, Բելառուսում՝ 1,5, Ղազախստանում՝ 3, Ղրղզստանում՝ 7,5, Ռուսաստանում՝ 4, Տաջիկստանում՝ 5,1%-ով:



ԵԱԶԲ-ում համարում են, որ 2021թ. համավարակի տարածումը կդանդաղի, իսկ կարանտինային միջոցառումների մեղմացումը առիթ կդառնա տնտեսական ակտիվության ծրագրային վերականգնման համար: Նշվում է, որ սոցիալական մեկուսացման սահմանափակումների վերացումը կբերի սպառողական և ներդրումային ակտիվության մակարդակի բարձրացմանը: Վերլուծաբանները կանխատեսում են, որ արտահանմանը կնպաստեն աստիճանաբար աճող արտաքին պահանջարկը և հումքային ապրանքների գնաճը: Դրամավարկային մեղմ քաղաքականության պահպանումը բանկի անդամ-երկրների մեծ մասում առաջին հերթին թույլ կտա ապահովել ֆինանսական նպաստավոր պայմաններ՝ արտաքին պահանջարկի ընդլայնման, ինչպես նաև՝ ինֆլյացիայի աճի դանդաղեցման համար:



Բանկի մասնագետների գնահատմամբ՝ 2021թ. Հայաստանում տնտեսական աճը կկազմի 4,9%, Ղազախստանում՝ 4,4, Ղրղզստանում՝ 3,7, Ռուսաստանում՝ 3,2, իսկ Տաջիկստանում՝ 6,9%: Նրանց համոզմամբ՝ 2022թ. առաջին կեսին արդեն Հայաստանի, Ղրղզստանի և Ռուսաստանի տնտեսությունները կվերադառնան մինչև համաշխարհային ճգնաժամը գրանցված արտադրական ցուցանիշներին:



ԵԱԶԲ-ի գլխավոր տնտեսագետ Եվգենի Վինոկուրովի խոսքով՝ վերջին հարյուր տարվա համաշխարհային տնտեսական ճգնաժամերի տասնյակ փորձերը ցույց են տալիս, որ մարդիկ գտնում են բարդագույն խնդիրները լուծելու միջոցը, և անկմանը հաջորդում է վերականգնման փուլը: Նրա գնահատմամբ՝ Բանկի գործողությունների տարածքի մեծ մասի տնտեսությունները աճի և կայուն վերականգնման փուլ կմտնեն արդեն 2021թ.:



Ռիսկերի շարքում ԵԱԶԲ-ի վերլուծաբանները նշում են կորոնավիրուսի տարածման անկանխատեսելիությունը և աշխարհաքաղաքական հակամարտությունների ծագման ու սրման հավանականությունը:
]]></content:encoded>

            <link>https://shesht.am/news/eazb-um-nshum-en</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=12040</guid>

            <pubDate>Tue, 09 Jun 2020 18:27:23 +0000</pubDate>

            <title>Ինչպիսի՞ն կլինի աշխարհը համավարակից հետո. Տարբեր ոլորտների 4 մասնագետների կարծիքը</title>

            <description><![CDATA[<p>Տնտեսագետը, բիզնես-փորձագետը, հոգեբանը և բժիշկը կանխատեսում են, թե ինչ է մեզ սպասվում ապագայում՝ գործարար միջավայրում, աշխատանքում, տանը, ընտանիքում, առօրյայում և ընդհանրապես:</p>
]]></description>

            
                <media:content
                    url="https://shesht.am/wp-content/uploads/2020/06/ec.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ինչպիսի՞ն կլինի աշխարհը համավարակից հետո. Տարբեր ոլորտների 4 մասնագետների կարծիքը]]></media:description>

                </media:content>

            
            <content:encoded><![CDATA[
Տիրող իրավիճակը լի է տագնապներով, հույսերով ու վախերով: Շատերս ակնկալում ենք, որ առաջիկայում հնարավոր կլինի սովորականի նման դուրս գալ տանից, սրճարաններում հանդիպել ընկերների հետ, ճամփորդել: Անհանգստանում ենք մեր հարազատների անվտանգության, հետագա սպառնալիքների մասին: Ինչպիսի՞ն է լինելու մեր աշխատանքը, կպահպանվի՞ այն ընդհանրապես: Այս հարցերին անդրադարձել են տարբեր ոլորտների 4 մասնագետներ:



Յան Մարչինսկի. ֆինանսական փորձագետ, ներդրող



Մարչինսկիի խոսքով՝ համավարակից հետո տնտեսական խորագույն ճգնաժամ է սպասվում. ավելին, քան 2008-ի, 2014-ի, Երկրորդ աշխարհամարտից հետո ստեղծված ճգնաժամերն ու 1930-ականների Մեծ ճնշումները:



Փորձագետն ընդծել է, որ շատերն արդեն կորցրել են իրենց բիզնեսը, վարձու աշխատանքը, աշխատավարձը, իսկ 3-4 ամիս հետո այդպիսիք ավելի են շատանալու: Բացի այդ՝ տևական կարանտինից հետո կուտակած միջոցները կնվազեն: Մասնագետի խոսքով՝ կուտակած միջոցներ ընդհանրապես ունեցել է բնակչության 30%-ը, իսկ մյուս 70%-ի համար առավել դժվար է լինելու: Փոփոխություններ է կրելու պահանջարկը, ինչի հետևանքով ոչ առաջին անհրաժեշտության ապրանքների ոլորտը մեծ կորուստներ է կրելու:



Յան Մարչինսկին նշել է, որ շուկայում այդպիսի փոփոխություններն արդեն ակնհայտ են. պահանջարկն աճել է հեռահաղորդակցության սարքավորումների, ալկոհոլի, մթերային և թվային ապրանքների ոլորտներում: Կտրուկ նվազել են զբոսաշրջային, հագուստի, գեղեցկության, հյուրանոցային, տրանսպորտային և այլ ոլորտների եկամուտները: Մասնագետի խոսքով` տուժում է հիմնականում փոքր ու միջին բիզնեսը:



Տնտեսագետը կանխատեսում է, որ կարանտինի լիարժեք չեղարկումից հետո աճելու են հիմնականում ներմուծվող ապրանքների գները: Դա իր հերթին հարվածելու է բնակչության միջին և ցածր եկամուտներ ունեցող խավերին՝ էլ ավելի նվազեցնելով ոչ առաջնային պահանջարկը:



Զարգանալու է ներքին զբոսաշրջությունը: Մասնագետը սա տնտեսության համար դրական է համարել, քանի որ գումարի մի մասը մնալու է երկրում և ուղղվելու է ենթակառուցվածքների հանգստի գոտիների զարգացմանը:



Մարչինսկիի խոսքով՝ համաշխարհային նախկին ցուցանիշները վերականգնվելու են 3-4 տարի հետո: Նա հնարավոր է համարել, որ որոշ երկրներում այդ գործընթացն ավելի դանդաղ ընթանա՝ տևելով ավելի երկար:



Տնտեսության զարգացման համար անհրաժեշտ է համարել նպաստավոր միջավայրի ստեղծումը, ներքին և արտաքին ներդրումները, սակայն տնտեսագետը դրանք համարել է ոչ էական՝ շեշտը դնելով մարդկային ռեսուրսի և սեփական որոշումների վրա: Անհրաժեշտ է լինելու, որ գործարար միջավայրն ամեն ինչ սկսի նորից՝ հաշվի առնելով նոր ժամանակները:



Տնտեսագետն ընդգծել է, որ աշխարհին սպասվում է թվայնացման դարաշրջան. հեռավար աշխատանք, առցանց խանութների ու առաքման ծաղկում, համացանցային ծանոթությունների ու բժշկության ծառայությունների աճ: Մեծանալու է հոգեբանների ու հոգեբույժների, հեռավար կրթական ծառայությունների պահանջարկը:



Մարչինսկին նշել է, որ առցանց տարբերակը բեռնաթափելու է գրասենյակները և, ըստ այդմ, անշարժ գույքի շուկան: Մարդիկ այլևս չեն մտածելու աշխատավայրի, մետրոյի մոտ տուն գնելու մասին, շատերը հեռավար աշխատանքի պարագայում քաղաքներից կհեռանան դեպի մարզեր:



Ալեքսանդր Շիկինով. վաճառքի տնօրեն



Ալեքսանդր Շիկինովի խոսքով՝ տիրող համավարակը նվազեցնելու է ընկերությունների ղեկավարների մոտ նախկինում առկա անհանգստությունը. կյանքը ցույց է տվել, որ մարդիկ տանից ավելի շատ ու ավելի լավ են աշխատում:



Վաճառքի հարցերով փորձառու մասնագետի համոզմամբ՝ նախկինում բազմաթիվ ղեկավարներ չէին հավատում, որ աշխատողները կարող են տան պայմաններում լավ աշխատել: Համավարակն ընտրության հնարավորությունից զրկեց նրանց, և պարզվեց, որ հեռավար աշխատանքը պակաս արդյունավետ չէ:



Միևնույն ժամանակ՝ կազմակերպություններն այդպիսով կարողանում են խնայել տարածքի պահպանման վրա՝ միջոցներն ուղղելով ավելի լավ մասնագետների վարձելուն, ովքեր նույնիսկ տարբեր քաղաքներում են բնակվում: Սա իր հերթին մրցակցություն է առաջացրել աշխատաշուկայում, քանի որ աշխարհագրությունն արդեն խոչընդոտ չէ:



Մասնագետի խոսքով, սակայն, ոչ բոլորն են ի վիճակի բարձր արդյունավետությամբ աշխատել հեռավար տարբերակով: Ոմանց համար սոցիումն է կարևոր. նրանք սիրում են շփվել գործընկերների հետ: Ուստի հնարավոր է՝ գրասենյակներն ամբողջությամբ չփակվեն, այլ փոխարինվեն միջին ինչ-որ տարբերակներով, օրինակ՝ աշխատանքային շաբաթը կդառնա 3/2/2՝ 3 օր՝ գրասենյակում, 2 օր՝ տանը, 2 հանգստյան օր:



Դիանա Գենվարսկայա. հոգեբան



Հոգեբան Դիանա Գենվարսկայայի համոզմամբ՝ շատերը կհրաժարվեն վնասակար սովորություններից: Վերջին ամիսներին շատերը տանն են, իրենք իրենց ու իրենց հարազատների հետ: Դա ընտանեկան հարաբերությունների հստակեցման լավ հնարավորություն էր:



Նրա խոսքով՝ ինքնամեկուսացման ժամանակ փոփոխվել են առաջնահերթությունները՝ առաջին պլան մղելով կյանքն ու առողջությունը, ընտանիքը, սերն ու հասկացվածությունը, սոցիումում բարձր դիրքի արժանացան բժիշկներն ու ուսուցիչները, իսկ դերասաններն ու բլոգերները մղվեցին հետին պլան:



Շատերը վերանայեցին իրենց վերաբերմունքը դեպի շրջապատը, աշխատանքը, մյուսները բացահայտեցին իրենց ստեղծագործական ունակությունները՝ պատրաստելով տարբեր ուտեստներ, նկարելով, նվագելով:



Հոգեբանը նշել է, որ կարանտինը նաև որոշակի սթրես է առաջացրել. ոմանց մոտ կարող են սրվել անհանգստությունները, տագնապը, ձևավորվեն նոր վախեր: Այդ դեպքում նա խորհուրդ է տալիս դիմել մասնագետի:



Դիանա Գենվարսկայայի խոսքով՝ համավարակից հետո նոր սովորություններ են մնալու, այդ թվում՝ հիգիենայի, ձեռքերը լվանալու, դիմակ կրելու և այլն: Սակայն սոցիալական հեռավորության հետագա պահպանումը մասնագետն անհնար է համարել: Որպես խնդիր է դիտարկվել նաև կարանտինի ընթացքում բաց թողնվածը հետագայում լրացնելու համար որոշ առումներով չափն անցնելու հավանականությունը, սակայն շատերը հրաժարվելու են վնասակար սովորություններից: Օրինակ՝ Իտալիայում կորոնավիրուսի բռնկումից հետո նվազել է գինու պահանջարկը:



Նիկոլայ Կրյուչկով. բժիշկ-իմունոլոգ



Բժիշկ Կրյուչկովը համոզված է, որ աշխարհն անցնելու է առողջապահության և բուժօգնության կազմակերպման նորարարական մեթոդների:



Բժիշկ-իմունոլոգը դժվարացել է Covid-19 համաճարակի ավարտվելու վերաբերյալ կանխատեսումներ անելուց: Նրա խոսքով՝ դա պայմանավորված է կարանտինային պայմանների տարբերությամբ. որոշ երկրներում այն խիստ է, մյուսներում՝ ոչ այնքան: Իրավիճակը վերահսկելի համարել կարելի է, ըստ նրա, միայն այն դեպքում, երբ վարակվածության օրական ցուցանիշները կայուն կերպով նվազեն:



Նիկոլայ Կրյուչկովը նշել է, որ այս տարվա համար մասնագետների առաջ ծառացած խնդիրը կորոնավիրուսի համաճարակի առաջին ալիքը կոտրելն է, ապա մի շարք միջոցառումներ պահպանվելու են: Մասնավորապես, ուղևորափոխադրումների ժամանակ սանիտարական հսկողությունը, տրանսպորտում՝ սոցիալական հեռավորությունը, առավելագույն քանակությամբ մարդկանց հեռավար աշխատանքի կազմակերպումը:



Բժշկի խոսքով՝ կպահպանվեն նաև դիմակները, ախտահանիչները, ավիահաղորդակցության սահմանափակումները, վարակվածների հետ շփում ունեցածներին հետևելը, իրավիճակի մշտադիտարկումը, քանի որ վիրուսը չի անհետանալու. զգոնությունը փոքր-ինչ թուլացնելու դեպքում իրադրությունը կրկին կվատթարանա:



Մասնագետը հավանական է համարել, որ աշնանը կարող է սկսվել երկրորդ ալիքը, ուստի անհրաժեշտ կլինի դիմանալ մինչև 2021թ. վերջերը՝ սպասելով պատվաստանյութերի ստեղծմանն ու կլինիկական փորձարկումներին: Նրա խոսքով՝ համընդհանուր պատվաստում տեղի չի ունենա՝ վարակը դարձնելով սեզոնային: Այդ ժամանակ, բժշկի խոսքով, SARS-CoV-2-ը կդառնա ավելի անվտանգ, քան՝ գրիպը, ադենովիրուսը և ՄԻԱՎ-ը:



Կրյուչկովը շեշտել է, որ նոր կորոնավիրուսի նկատմամբ հաջողության հասնելու դեպքում պատմության մեջ առաջին դեպքը կլինի, երբ մարդկությունը «կհաղթի համաճարակին», որի պատվաստանյութը դեռ չի եղել, և աշխարհը նման իրավիճակների փորձառություն կունենա արդեն:



Բժիշկը նշել է նաև, որ համավարակը միևնույն ժամանակ ի հայտ է բերել առողջապահական խնդիրները, մասնավորապես՝ խրոնիկական ոչ բավարար ֆինանսավորումը և համակարգային փոփոխությունների անհրաժեշտությունը: Նրա խոսքով՝ ներկայումս վարակի դեմ պայքարի համար միջոցներ են հատկացվում, կառուցվում են հիվանդանոցներ, բայց այդ ամեն բավարար չէ:



Այդ պատճառով մարդկությանը նոր տեխնոլոգիաներ են անհրաժեշտ, որոնք կմեղմացնեն հոսպիտալների ծանրաբեռնվածությունը, կապահովեն անհրաժեշտ թվով մասնագետներ՝ չվտանգելով մարդկանց առողջությունը: Բժիշկը նշել է, որ արդեն իսկ մշակվում են առաջադեմ մեթոդներ՝ բարձրացնելու առողջապահության արդյունավետությունը. մարդը կարող է նշել ախտանշանները, համակարգը նրան հարցեր կտա ու կորոշի՝ բժշկի կարիք կա, թե՝ ոչ: Ծրագիրը հետագայում կարող է հաշվի առնել առկա փորձը, պացիենտի առանձնահատկությունները՝ բարձրացնելով խորհրդատվության հստակությունը:
]]></content:encoded>

            <link>https://shesht.am/science/masnagetneri-karciqy</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>