<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/2081/feed"
        rel="self"
        type="application/rss+xml"
    />

    <lastBuildDate>Sun, 15 Nov 2026 18:04:59 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=19893</guid>

            <pubDate>Sun, 12 Sep 2021 10:12:21 +0000</pubDate>

            <title>Ինչպե՞ս է հայկական ՀՕՊ-ը սեփական ինքնաթիռներին հարվածել` ըստ փորձագետի</title>

            <description><![CDATA[<p>Պատերազմի օրերին ադրբեջանցիները հայտնաբերել են հայկական օդուժի հարցման-պատասխանի ստացման առանձնահատկություններն ու ծածկագրերը և դրանք տեղադրել իրենց գրոհայինների վրա: Հսկայական կորուստներ կրելուց հետո հայկական կողմն անջատել է «ճանաչման» համակարգը` թիրախավորելով բոլոր ինքնաթիռներն ու ուղղաթիռները, այդ թվում` հայկական:</p>
]]></description>

            
                <media:content
                    url="https://shesht.am/wp-content/uploads/2021/09/149843.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ինչպե՞ս է հայկական ՀՕՊ-ը սեփական ինքնաթիռներին հարվածել` ըստ փորձագետի]]></media:description>

                </media:content>

            
            <content:encoded><![CDATA[
Օրերս «Ռազմավարությունների և տեխնոլոգիաների վերլուծության ռուսական կենտրոնը» հետազոտություն էր հրապարակել, որտեղ նշվել էր 2020թ. աշնանը, պատերազմի օրերին, հայկական ՀՕՊ համակարգերի կողմից յուրային Սու-25 գրոհայինների և Մի-8 ռազմական ուղղաթիռի խոցման մասին:



Հետազոտության հրապարակումից հետո քննարկումներ են ծավալվել, թե ինչպես է հայկական կողմը խոցել սեփական ուժային միջոցները` թվով հինգ միավոր, որոնք հայկական զինուժի համար էական նշանակություն ունեին:



Ռազմական վերլուծաբան Վան Համբարձումյանն է խոսել հայկական ինքնաթիռների և ուղղաթիռի խոցման տեխնիկական մանրամասներին: Նրա  խոսքով` հիմնական խնդիրը ««յուրային-օտար» պետական ճանաչման համակարգի» մեջ է եղել. դրանցով տարբերակվում են յուրային կամ օտար թռչող մարմինները:



Դրանք, ինչպես նշում է, հարցում են ուղարկում ինքնաթիռին, նրանից ստանում են պատասխան, որով և հաստատվում է յուրային կամ օտար լինելու հանգամանքը: Պատերազմի օրերին ադրբեջանցիները հայտնաբերել են հայկական օդուժի հարցման-պատասխանի ստացման առանձնահատկություններն ու ծածկագրերը և դրանք տեղադրել իրենց գրոհայինների վրա:



Արդյունքում, Համբարձումյանի պնդմամբ, ադրբեջանական Սու-25-երն անարգել մուտք են գործել Արցախի և Հայաստանի տարածք, իսկ հայկական ՀՕՊ համակարգերը դրանց որպես յուրային են ճանաչել: Փորձագետի տեղեկություններով` հսկայական կորուստներ կրելուց հետո հայկական կողմը հարկադրված անջատել է «ճանաչման» համակարգը` սկսելով թիրախավորել բոլոր ինքնաթիռներն ու ուղղաթիռները:



Առանց տարբերակման թիրախավորման հետևանքով հեշտությամբ ոչնչացվել են հայկական օդուժի` թույլ պաշտպանություն ունեցող և չարդիականացված միջոցները, մինչդեռ թիրախավորված ադրբեջանական ինքնաթիռները կարողացել են բելառուսական համակարգերի օգնությամբ խուսափել հայկական հրթիռներից:
]]></content:encoded>

            <link>https://shesht.am/news/yst-pordzageti</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=18400</guid>

            <pubDate>Thu, 08 Apr 2021 17:47:10 +0000</pubDate>

            <title>«Թուրքիան Վաշինգտոնում այլևս ընկերներ չունի». Հայոց ցեղասպանության ճանաչումը փորձագետները սպասելի են համարում</title>

            <description><![CDATA[<p>Ամերիկացի փորձագետները կանխատեսում են, որ Ջո Բայդենն իսկապես կճանաչի Հայոց ցեղասպանությունը, քանի որ նախկինում ճանաչմանը խոչընդոտած պատճառներ այժմ չկան, իսկ ամերիկաթուրքական հարաբերություններն ամենացածր մակարդակի վրա են:</p>
]]></description>

            
                <media:content
                    url="https://shesht.am/wp-content/uploads/2021/04/biden-m.jpg"
                                            type="image/jpeg"
                                        expression="full"
                >

                    <media:description type="plain"><![CDATA[«Թուրքիան Վաշինգտոնում այլևս ընկերներ չունի». Հայոց ցեղասպանության ճանաչումը փորձագետները սպասելի են համարում]]></media:description>

                </media:content>

            
            <content:encoded><![CDATA[
Ամերիկացի փորձագետների կարծիքով` Ջո Բայդենն, ամենայն հավանականությամբ, կճանաչի Հայոց ցեղասպանությունը: Դա բացատրում են նրանով, որ նա ոչ միայն իսկապես հավատում է 1915թ. տեղի ունացեծ կոտորածին «ցեղասպանություն» տերմինի համապատասխանությանը, այլև ամերիկաթուրքական հարաբերությունները ներկայումս ամենացածր մակարդակի վրա են: Աղբյուրը հիշատակում է նաև 2019թ. սեպտեմբերի 29-ին Ներկայացուցիչների պալատի և ն.թ. դեկտեմբերի 12-ին Սենատի կողմից Ցեղասպանության ճանաչման բանաձևերը:



Ռազմավարական և միջազգային հետազոտությունների կենտրոնի (CSIS) ավագ գիտաշխատող Ջեյֆ Մաքերդիի խոսքով` նախկինում, երբ Հայոց ցեղասպանության վերաբերյալ բանաձևը ներկայացվել է քննարկման, սկիզբ են առել տարբեր խմբերի շարժումներ. Realpolitik-ի պատճառներով Թուրքիային պաշտպանող` արտաքին քաղաքականության վերլուծաբաններ, մերձիսրայելական խմբեր, որոնք ի դեմս Թուրքիայի տեսել են սպառազինության գործարքների դաշնակցի:



Փորձագետը նշել է, որ այդ շարժումներն այլևս չկան, կամ կան, բայց ոչ էական մակարդակի վրա են, քանի որ թուրքամետ խմբերն ամերիկյան գործիչների շրջանում այլևս չունեն նախկին հենարանները, որոնք որոշում կայացնողներ էին Կոնգրեսում կամ գործադիր իշխանությունում:



Եվրոպական և արտաքին քաղաքականության հունական (Հելլենիստական) հիմնադրամի աշխատակից Նիկոլաս Դանֆորթն իր հերթին շեշտել է, որ Թուրքիան Վաշինգտոնում այլևս ընկերներ չունի, և այժմ բարդ է աշխարհաքաղաքական պնդումներ անել, թե Թուրքիան կարևոր գործընկեր է, ինչի պատճառով անհրաժեշտ կլիներ արգելափակել բանաձևը:
]]></content:encoded>

            <link>https://shesht.am/news/janachumy-spaseli-en</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=18268</guid>

            <pubDate>Sat, 27 Mar 2021 07:37:41 +0000</pubDate>

            <title>Ռուսաստանի, Հայաստանի և Բելառուսի փորձագետները կքննարկեն ապակայունացման դեմ պայքարի հարցերը</title>

            <description><![CDATA[<p>Երեք երկրների փորձագետները հաշվի են առնելու 2020թ. դեպքերը, որոնք դեռևս մեծ վտանգներ են պարունակում: Նշվում է, որ արևմտյան արժեքների պարտադրումը, ֆինանսատնտեսական պայմանները, ներքին պառակտիչ գործունեությանն աջակցությունը, ռուսատյացության թեժացումը ԱՊՀ երկրների և, ի վերջո, Ռուսաստանի դեմ կործանարար գործողությունների ամբողջ ծավալը չեն:</p>
]]></description>

            
                <media:content
                    url="https://shesht.am/wp-content/uploads/2021/03/755263129203639.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ռուսաստանի, Հայաստանի և Բելառուսի փորձագետները կքննարկեն ապակայունացման դեմ պայքարի հարցերը]]></media:description>

                </media:content>

            
            <content:encoded><![CDATA[
Ռուսաստանի, Հայաստանի և Բելառուսի փորձագետները մտադիր են քննարկել հետխորհրդային տարածքում կայունության խաթարման դեմ պայքարի արդիական հարցերը:



Ինչպես նշվում է, 2020թ. Բելառուսը նախագահական ընտրություններից անմիջապես հետո տեղեկատվական տիրույթում հիբրիդային հարձակման զոհ դարձավ: Հայաստանը Թուրքիայի աջակցությունը վայելող, ԱՊՀ անդամ Ադրբեջանի կողմից ենթարկվեց ռազմական հարձակման:



Ընդգծվում է, որ այդ դեպքերում նշված երկրները կարողացան դիմակայել, չնայած անմիջական ու ոչ փոքր կորուստներին: Հետխորհրդային տարածքում ՀԱՊԿ-ի շրջանակներում Ռուսաստանի դաշնակիցների վրա խոշոր գրոհների պարագայում, ինչպես նշվում է, Մոսկվան հարկադրված էր օպերատիվ կերպով միջամտել թե´ Բելառուսում, և թե´ Հայաստանում ստեղծված ճգնաժամային իրավիճակի լուծմանը:



Երեք երկրների փորձագետները, աղբյուրի հաղորդմամբ, հաշվի են առնելու 2020թ. իրադարձությունները, որոնք դեռևս մեծ վտանգներ են պարունակում: Ռուսական կողմի համար արևմտյան արժեքների պարտադրումը, ֆինանսատնտեսական պայմանները, ներքին պառակտիչ գործունեությանն աջակցությունը, ռուսատյացության թեժացումը և այլն ԱՊՀ երկրների և, ի վերջո, Ռուսաստանի դեմ կործանարար գործողությունների ամբողջ ծավալը չեն:



Շեշտվում է, որ առանձնահատուկ մտահոգություն են առաջացնում հետխորհրդային հանրապետությունների ղեկավարների, մասնավորապես` Փաշինյանի և Լուկաշենկոյի գործողությունները: Աղբյուրն այդ գործողությունները որակում է ապակառուցողական:



Ինչպես նշվում է, ձգտելով քաղաքականապես տարանջատվել Ռուսաստանից, բայց պահպանել ֆինանսատնտեսական արտոնությունները` Երևանը և Մինսկը փաստացի ապակայունացնում են իրավիճակն իրենց երկրներում` մարտահրավերներ ու վտանգներ առաջացնելով Ռուսաստանի համար:



Դիտարկման հեղինակը նաև ուշադրություն է հրավիրում այն բանի վրա, որ Բայդենի կողմից Պուտինի հասցեին հնչած մեղադրանքներին Ռուսաստանի դաշնակից երկրների ղեկավարները ոչ մի հայտարարություն չարեցին:



Թե ինչ ձևաչափով և ինչ ժամկետներում են կայանալու փորձագետների քննարկումները, և թե ովքեր են մասնակցելու այդ քննարկումներին, աղբյուրը մանրամասներ չի հաղորդում:
]]></content:encoded>

            <link>https://shesht.am/news/payqari-harcery</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=18067</guid>

            <pubDate>Thu, 11 Mar 2021 06:37:29 +0000</pubDate>

            <title>Թուրքիան Ռուսաստանի «ետնամուտքով» մտավ Արցախ, սակայն ազդեցությունը երկար չպահպանեց. փորձագետ</title>

            <description><![CDATA[<p>Թուրքիայի աննշան ներկայությունը Ռուսաստանին տարածաշրջանում ամրապնդվելու լրացուցիչ հնարավորություն է ընձեռնում: Փորձագետը շեշտում է, որ եթե թուրքական ուժերը չհայտնվեին այնտեղ, ապա Ռուսաստանը փաստացի հնարավորություն չէր ունենա ռազմական իմաստով տեղակայվել Ադրբեջանի` «միջազգայնորեն ճանաչված տարածքներում»:</p>
]]></description>

            
                <media:content
                    url="https://shesht.am/wp-content/uploads/2021/03/20210130_2_46631204_62073137-copy.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Թուրքիան Ռուսաստանի «ետնամուտքով» մտավ Արցախ, սակայն ազդեցությունը երկար չպահպանեց. փորձագետ]]></media:description>

                </media:content>

            
            <content:encoded><![CDATA[
Արտասահմանյան պարբերականներում փորձում են վերլուծել աշնանը Արցախում տեղի ունեցած պատերազմից հետո այնտեղ թուրքական ներկայությամբ պայմանավորված իրավիճակը: Հիշեցնենք, որ թուրք զինվորականների խումբը գտնվում է Ակնայի (Աղդամ) շրջանում և ռուսական ստորաբաժանման հետ միասին հրադադարի վերահսկողություն է իրականացնում: Այդ մասին երկկողմ համաձայնություն է կնքվել, որին Ադրբեջանը համաձայնել է:



Քաղաքական վերլուծաբան Նիլ Հաուերը հոդված է հրապարակել, ըստ որի` ներկայումս Արցախում թուրքական որևէ էական ակտիվություն չի նշմարվում, չնայած, որ սպասվում էր:



Փորձագետի խոսքով` եթե Թուրքիան իսկապես պատրաստվում է տարածաշրջանում մեծացնել իր ազդեցությունը, ապա այն ուժերով ու միջոցներով, որոնք ունի այնտեղ, հնարավոր չի լինի դա իրագործել: Եվ այդ ուժերն ու միջոցներն անհրաժեշտ կլինի կամ ընդլայնել, կամ ներկայիս ստատուս-քվոն կպահպանվի:



Նիլ Հաուերը նշում է, որ Թուրքիան Ռուսաստանի «ետնամուտքով ներխուժել է Ղարաբաղ»` ամրապնդվելով տարածաշրջանում: Սակայն, նրա խոսքով, թուրքական ազդեցությունն արդյունքում երկար չտևեց: Փորձագետն ընդգծում է, որ ռուս զինվորականների թիվն Արցախում առնվազն երկու հազար է, մինչդեռ թուրքերը հարյուրից էլ քիչ են:



Հաուերի խոսքով` Թուրքիայի այդ աննշան ներկայությունը Ռուսաստանին տարածաշրջանում ամրապնդվելու լրացուցիչ հնարավորություն է ընձեռնում: Փորձագետը շեշտում է, որ եթե թուրքական ուժերը չհայտնվեին այնտեղ, ապա Ռուսաստանը փաստացի հնարավորություն չէր ունենա ռազմական իմաստով տեղակայվել Ադրբեջանի` «միջազգայնորեն ճանաչված տարածքներում»:
]]></content:encoded>

            <link>https://shesht.am/news/yerkar-chpahpanec</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=17335</guid>

            <pubDate>Fri, 08 Jan 2021 16:49:17 +0000</pubDate>

            <title>Փորձագետը նշել է այն երկրները, որտեղ 2021թ. պատերազմ կարող է սկսվել</title>

            <description><![CDATA[<p>Ռազմական փորձագետի խոսքով` մի շարք տարածաշրջաններում Թուրքիան ավելի ակտիվ է շարունակելու գործել, քանի որ Ղարաբաղում Էրդողանի գործողությունների վրա միջազգային հանրությունը «աչք փակեց»:</p>
]]></description>

            
                <media:content
                    url="https://shesht.am/wp-content/uploads/2021/01/war.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Փորձագետը նշել է այն երկրները, որտեղ 2021թ. պատերազմ կարող է սկսվել]]></media:description>

                </media:content>

            
            <content:encoded><![CDATA[
Անցած 2020թ.-ը, համավարակից բացի, կհիշվի նաև բռնության աճով. զանգվածային բողոքի ակցիաներ, տարածաշրջանային հակամարտություններ, քաղաքացիական պատերազմներ: Փորձագետների գնահատմամբ` 2021թ. բռնության ալիքը միայն աճելու է, իսկ նրա հետևանքները նույնիսկ կանխատեսել հնարավոր չէ: Ռազմական փորձագետ Ալեքսեյ Վալյուժենիչը նշել է այն երկրները, որոնք 2021թ. կբախվեն պատերազմին:



Պակիստան-Հնդկաստան-Չինաստան



Փորձագետի խոսքով` 2020թ.-ի «բացահայտումը» Չինաստան-Հնդկաստան-Պակիստան եռանկյան սրացումն էր: Հնդկաստանի ու Չինաստանի դեպքում զոհեր չեղան, բայց, մյուս կողմից, կողմերը սահմանին աննախադեպ մեծ ուժեր կենտրոնացրեցին: 



Վալյուժենիչի կարծիքով` Պակիստանի դեպքում մեծ պատերազմի վտանգ կա: Հնդկաստանի հետ սահմանին պարբերաբար փոխհրաձգություն է տեղի ունենում: Դելիում հակաիսլամական տրամադրությունները թեժանում են: Այդ ամենում ուշագրավ երևույթը, փորձագետի խոսքով, Թուրքիայի ցանկությունն է` հակամարտությունում Պակիստանի կողմից ներգրավելու: «Այնպես որ նախ այս տարածաշրջանում պետք է սպասել նոր առճակատման»,- նշում է ռազմական փորձագետը:



Ամերիկյան զորքերի դուրսբերումը



Վալյուժենիչը նշել է, որ մի շարք երկրներից ամերիկյան զորքերի դուրսբերման մասին տեղեկությունները միանշանակ չպետք է ընդունել: Աֆղանստանում նրանք իսկապես մտադիր են ներկայությունը կրճատել, ինչը, փորձագետի խոսքով, կարող է հանգեցնել Թալիբանի ազդեցության ավելացմանը: Այս երևույթը, ինչպես նշում է, սպառնալիք է նաև Ռուսաստանի համար, քանի որ Տաջիկստանում գտվող ռազմական օբյեկտներն աֆղանական սահմանին շատ մոտ են:



Ռազմական փորձագետն ընդգծել է, որ Իրաքում բոլորը «թեթև շունչ կքաշեն», երբ ամերիկյան ուժերը հեռանան: Սոմալիի դեպքում նրանք տարածաշրջանից չեն հեռանա. բազաներ կհիմնեն այդ երկրի սահմաններին: Այս հատվածում, նրա խոսքով, դժվար թե ինչ-որ բան փոխվի:



Սիրիայից ԱՄՆ ռազմական ուժերն ընդհանրապես չեն պատրաստվում հեռանալ, ինչն էլ, փորձագետի համոզմամբ, ձգձգում է պատերազմը:



Պատերազմ` «հանուն Իսրայելի»



Փորձագետն անդրադարձել է նաև Մարոկկոյին` նշելով, որ այդ երկրի և Իսրայելի միջև հարաբերությունների կարգավորման համար ԱՄՆ-ն հյուսիսաֆրիկյան պետությանը վճարել է` ճանաչելով նրա տիրապետությունն Արևմտյան Սահարայի նկատմամբ: Սա տարածաշրջանում ռազմական նոր հակամարտության վերսկսման պատճառ է դառնում. Սահարայի ազատագրման ճակատը («Պոլիսարիոյի ճակատ») ակտիվացել է: Նրա հետևում կանգնած են Ալժիրը և, համաձայն շրջանառվող տեղեկությունների, Իրանը: Մարոկկոյի լայնածավալ ներխուժմանն Ալժիրը կարող է արձագանքել լայնածավալ պատերազմով: Եվ այդ ամենը, փորձագետի պնդմամբ, հանուն Իսրայելի:



Եթովպիա



Վալյուժենիչի խոսքով` Եթովպիայում ստեղծված իրավիճակն առանձին խոսակցության թեմա է, բայց եթե կարճ, ապա Տիգրայ նահանգի ապստամբները դուրս են եկել երկրի դաշնային կառավարության դեմ: Հակամարտությունն այստեղ նոր չէ, սակայն ծավալներն են մեծացել: Տիգրայի ազատագրության ճակատը վայելում է արաբական երկրների աջակցությունը, քանզի Եթովպիան թուլացնելը նրանց ձեռնտու է: Ճակատի ռազմական անհաջողությունը նրանց կարող է մղել ահաբեկչական պայքարի, ինչը երկիրն ավելի վատ վիճակի կբերի:



Թուրքիայի ակտիվությունը



Ռազմական փորձագետը շեշտել է, որ Թուրքիան կենտրոնացել է Պակիստանի, Լիբիայի, Սիրիայի, Իրաքի հակամարտութունների վրա: Անկարայի հաջորդ թիրախն Իրանն է: Շարունակվում է «սառը պատերազմը» Հունաստանի հետ: Ալեքսեյ Վալյուժենիչի պնդմամբ` Թուրքիայի ռազմական մեքենան դեռ երկար ժամանակ իրեն զգացնել կտա:



Փորձագետը նաև նշել է, որ վերոնշյալ տարածաշրջաններում Թուրքիան շարունակելու է գործել ավելի շատ, ավելի ակտիվ, քանի որ Ղարաբաղում Էրդողանի գործողությունների վրա միջազգային հանրությունը «աչք փակեց»:
]]></content:encoded>

            <link>https://shesht.am/news/karox-e-sksvel</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>