<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/467/feed"
        rel="self"
        type="application/rss+xml"
    />

    <lastBuildDate>Wed, 18 Nov 2026 18:07:44 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=16602</guid>

            <pubDate>Mon, 09 Nov 2020 09:46:34 +0000</pubDate>

            <title>Ալիևը BBC-ի եթերում խայտառակել է իրեն՝ փաստերը որակելով «կեղծ լուրեր»</title>

            <description><![CDATA[<p>Ադրբեջանի նախագահը միջազգային լրատվամիջոցի հետ հարցազրույցում կասկածի տակ է դրել նույն BBC-ի՝ Ստեփանակերտում աշխատող թղթակցի կողմից ներկայացված փաստերը, որոնք վերաբերում են Արցախի խաղաղ բնակչության կասետային և այլ զինատեսակներով թիրախավորմանը:</p>
]]></description>

            
                <media:content
                    url="https://shesht.am/wp-content/uploads/2020/11/Screenshot_1.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ալիևը BBC-ի եթերում խայտառակել է իրեն՝ փաստերը որակելով «կեղծ լուրեր»]]></media:description>

                </media:content>

            
            <content:encoded><![CDATA[
Ադրբեջանի նախագահ Իլհամ Ալիևը, ով, բացի Արցախի նկատմամբ ձեռնարկած ագրեսիան ու ռազմական հանցագործությունները, հայտնի է իր հասցեին հնչող մեղադրանքները «Fake News» որակելով, հերթական անգամ հայտնվել է անհարմար իրավիճակում՝ այս անգամ՝ ամերիկյան հեղինակավոր BBC-ի եթերում:



Մասնավորապես, Ադրբեջանի նախագահը միջազգային լրատվամիջոցի հետ հարցազրույցում կասկածի տակ է դրել նույն BBC-ի՝ Ստեփանակերտում աշխատող թղթակցի կողմից ներկայացված փաստերը, որոնք վերաբերում են Արցախի խաղաղ բնակչության կասետային և այլ զինատեսակներով թիրախավորմանը: Վերջինի վերաբերյալ, հիշեցնենք, փաստագրված վկայություններ է ներկայացրել նաև Human Rights Watch կազմակերպությունը: Խաղաղ բնակչությանը, քաղաքացիական բնակավայրերն ու ենթակառուցվածքները թիրախավորելու վերաբերյալ տվյալներն Ալիևն ապատեղեկատվություն է որակել:




https://youtu.be/4AALSJtaW7A
Հատված հարցազրույցից՝ ռուսերեն տողատակերով / © BBC



Դիտարկմանը, թե ադրբեջանական կողմը Արցախի բնակչության նկատմամբ կիրառել է կասետային զինատեսակներ, ինչի վերաբերյալ կան վկայություններ, լուսանկարներ, տեսանյութեր, ինչպես նաև այդ բոլորը մանրամասն փաստագրված է Human Rights Wathc-ի կողմից, Ալիևը նշել է, որ ադրբեջանական կողմն այդպիսի զինատեսակներ չի կիրառել՝ կրկին անվանելով «կեղծ տեղեկատվություն»:



Ուշագրավ է, որ BBC-ի լրագրողը զարմացած հարցրել է. «Ամեն ինչ կեղծ տեղեկատվությո՞ւն է»: Ադրբեջանի նախագահը դրական է պատասխանել՝ նշելով. «Ինչո՞ւ ոչ»:



Իլհամ Ալիևը հնարավոր երևույթ է համարել նաև Շուշիի Ղազանչեցոց Սուրբ Ամենափրկիչ եկեղեցին երկրորդ անգամ «պատահաբար հրթիռակոծումը». առաջին հարվածը «հրետանու սխալ» անվանելուց հետո լրագրողը դիտարկում է արել՝ կասկած հայտնելով երկրորդ անգամ սխալվելու վերաբերյալ: Ալիևը նշել է, որ հնարավոր է:
]]></content:encoded>

            <link>https://shesht.am/news/bbc-i-yeterum</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=13693</guid>

            <pubDate>Mon, 03 Aug 2020 07:23:24 +0000</pubDate>

            <title>Թուրքական ինքնաթիռների մասին տեղեկությունը կեղծ է. անհանգստանալու կարիք չկա</title>

            <description><![CDATA[<p>ՀՀ պաշտպանության նախարարությունը հերքել է թուրքական կործանիչների մասին տեղեկությունը: Թուրքագետ Հայկ Գաբրիելյանն ընդգծել է, որ նույնիսկ ճիշտ լինելու դեպքում անհանգստանալու որևէ պատճառ չկա:</p>
]]></description>

            
                <media:content
                    url="https://shesht.am/wp-content/uploads/2020/08/116401515_3098135813555891_7764806686142744437_n.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Թուրքական ինքնաթիռների մասին տեղեկությունը կեղծ է. անհանգստանալու կարիք չկա]]></media:description>

                </media:content>

            
            <content:encoded><![CDATA[
Ավիատոմսեր վաճառող կայքերից մեկը, որը պարբերաբար նաև օդային ոլորտի վերաբերյալ լուրեր է տեղադրում, տեղեկություն է տարածել, թե թուրքական առնվազն երկու F-16 կործանիչները մոտեցել են Երևանին՝ ընդհուպ մինչև հարվածային տարածության՝ 56 կմ: Հաղորդվել է, որ Նախիջևանի տարածքում թռիչքներ իրականացնող ինքնաթիռներից բացի սահմանին են մոտեցել նաև ուղղաթիռներ՝ ադրբեջանական և թուրքական զինված ուժերի:



Թեև աղբյուրը տեքստում ընդգծել է, որ սահմանը չի հատվել, սակայն հրապարակման վերնագիրը խուճապ է առաջացրել հայկական մամուլում, անհանգստացնող լուրը տարածվել է նաև ռուսական այլ լրատվականներում: Աղբյուրը «դեպի Երևան թռիչքների» պատճառ է նշում Հայաստանին հարձակման դրդելը, որը Թուրքիայի համար Հայաստանի դեմ գործողությունների հիմնավորում կապահովի:



Թուրքագետ Հայկ Գաբրիելյանը նշել է, որ եթե նույնիսկ թուրքական ինքնաթիռը թռիչքներ է իրականացրել Նախիջևանի օդային տարածքում, ապա դա անհանգստության առիթ չպետք է տա, քանի որ Հայաստանի օդային սահմանը չի հատվել: Նրա խոսքով՝ Հայաստանին ահաբեկելու փորձը նույնպես չպետք է խուճապի առիթ հանդիսանա:




https://www.facebook.com/hayk.gabrielyan.9/posts/10221645252794963




Գաբրիելյանն ընդգծել է, որ հայկական օդային սահմանը հատելու դեպքում թուրքական կործանիչը կարող է ոչնչացվել, ինչից հետո, նրա խոսքով, Թուրքիան «վատ վիճակում կհայտնվի»:



Պաշտպանության նախարարության մամուլի քարտուղար Շուշան Ստեփանյանը նշել է, որ տարածված տեղեկությունը չի համապատասխանում իրականությանը:




https://www.facebook.com/shushanstepanyan/posts/3107227995980006




Հավելենք, որ Նախիջևանի սահմանից Երևան ընդամենը 50 կմ է հեռավորությունը, իսկ Թուրքիայի սահմանից՝ ընդամենը 20 կմ: Ուստի «ՀՀ սահմաններին հարվածային տարածությամբ» մոտենալը որևէ արտառոց երևույթ չէ մեր իրականությունում: Բացի այդ՝ թուրքական զինուժում (ինչպես և՝ հայկականում) առկա են հեռահար խոցման հրթիռներ, ուստի հարվածելու համար պարտադիր չէ մոտենալ սահմաններին կամ հատել դրանք:




https://www.facebook.com/ruben.hmehrabyan/posts/158577565885006




Ավելի վաղ թեմային անդրադարձել էր նաև քաղաքագետ Ռուբեն Մեհրաբյանը՝ կեղծ տեղեկությունը հայկական մամուլում տարածելու վերաբերյալ նշելով. «Ուղեղն անջատելն ու միայն քոփի-փեյստ միացնելը վտանգավոր է հանրային առողջությանը։ ՄԻ՛ ԱՐԵՔ։ ՄԻ՛ եղեք մեդիա-Գիքոր։ Ամոթ է»:
]]></content:encoded>

            <link>https://shesht.am/research/turqakan-inqnatirneri-masin</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=10605</guid>

            <pubDate>Sat, 25 Apr 2020 11:52:42 +0000</pubDate>

            <title>Փորձագետներ. մեդիագրագիտության պակասն արդեն ազգային անվտանգության սպառնալիք է դառնում</title>

            <description><![CDATA[<p>Կեղծ տեղեկությունները համարվում են հասարակական անվտանգության սպառնալիք: Թեև խնդիրն ամբողջ աշխարհում է առկա, սակայն Հայաստանում այն առավել զգայուն է ու օր օրի ավելի վտանգավոր է դառնում. լավագույն օրինակը՝ կորոնավիրուսի նկատմամբ թերահավատությունն ու կարանտինային կանոններին չհետևելն են՝ հենց մեդիագրագիտության բացակայության պատճառով:</p>
]]></description>

            
                <media:content
                    url="https://shesht.am/wp-content/uploads/2020/04/unnamed.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Փորձագետներ. մեդիագրագիտության պակասն արդեն ազգային անվտանգության սպառնալիք է դառնում]]></media:description>

                </media:content>

            
            <content:encoded><![CDATA[
Ամբողջ աշխարհում տեղեկատվական տեխնոլոգիաների զարգացմանը զուգահեռ՝ ի հայտ է եկել մի խնդիր, որն իր տարբեր անվանումներով (ֆեյք, կեղծ լուրեր, ապատեղեկատվություն, մանիպուլյացիա, քարոզչություն և այլն) իրենից ենթադրում է հասարակական անվտանգության սպառնալիք:



Այնպիսի զգայուն հասարակություններում ու պետություններում, ինչպիսին Հայաստանն է, այն վերաճում է և արդեն որոշակի դրսևորումներով վերաճել է ազգային անվտանգության սպառնալիքի: Տեղեկատվական անվտանգության փորձագետ Սամվել Մարտիրոսյանն այն նույնիսկ «ողբերգություն» է որակում:



Վերջինս, ինչպես նաև ոլորտի այլ մասնագետներ, խնդիրը կապում են ոչ այնքան համապատասխան կառույցների թերացման, այլև՝ մեդիագրագիտության հետ. կրթական ցածր մակարդակն էականորեն նպաստում է որևէ կենտրոնից արձակված կեղծ լուրի տարածմանը: Եվ որևէ այլ ոլորտի մասնագետ կամ կրթություն ստացած քաղաքացին մեդիագրագիտության առումով նույնպես խոցելի է:



Առաջին հայացքից գուցե թվա, թե «տեղեկություն է, կտարածվի՝ առանց հետևանքների», սակայն երբեմն դրանք անմիջական անվտանգությանը սպառնացող երևույթ կարող են լինել: Օրինակ՝ նման իրավիճակ էր 2016թ. Ապրիլյան պատերազմի օրերին, երբ հակառակորդի կողմից հայկական տիրույթում խուճապ առաջացնող լուրեր էին տարածվում, կամ ներկայումս՝ Արցախում կորոնավիրուսի տարածման վերաբերյալ ապատեղեկատվությունն է, որն արվում է ադրբեջանական «մեդիալաբորատորիաներում»՝ հայկական անուններով ու հայերեն գրառումներով, ըստ որոնց՝ «Արցախի հիվանդանոցում շուրջ 10 հազար մարդ է հոսպիտալացվել կորոնավիրուսով»:



Այս օրինակով երևում է, որ եթե հայ օգտատերերը փորձեն ծանոթանալ Արցախի հիվանդանոցում և ընդհանրապես՝ աշխարհի հիվանդանոցներում մահճակալային ֆոնդի վերաբերյալ բաց տեղեկություններին, ապա այդ կեղծ լուրը պարզապես անուշադրության կմատնվի: Նույն կերպ նաև այլ դեպքերում, երբ պարզապես անհրաժեշտ է ստուգել, թեկուզ սովորական «google որոնմամբ»:




https://www.facebook.com/566158780/posts/10158226901513781/?d=n




Օրերս խոսել ենք կորոնավիրուսի վարակի վերաբերյալ տեղեկությունների նկատմամբ Հայաստանում առկա թերահավատության մասին: Եվ այսօր արդեն ականատես եղանք վարակվածների թվի կտրուկ մեծացմանը, իսկ մահացությունների թիվը հասավ 28-ի: Մինչդեռ կրթության՝ գոնե բավարար մակարդակը թույլ կտար կարդալ մեր կամ այլ աղբյուրների հրապարակած ստուգված, հղումներով ու փաստարկված նյութերը:



Մեկ այլ խնդիր է լրատվական դաշտը. հայկական ԶԼՄ-ները ողողված են «դիտում ապահովող» վերնագրերով, «սենսացիոն», բայց իրականում կեղծ տեղեկություններով, իսկ պետական կառույցների կայքերը՝ հերքումներով կամ հերքման պահանջներով: Բայց, ինչպես ասում են, «կա պահանջարկ, կլինի նաև առաջարկը». եթե սկսենք զտել այդ լրատվականները՝ ըստ արժանահավատ ու որակյալ հոդվածների՝ հաճախ ստուգելով հրապարակման իսկությունը, ապա կարճ ժամանակ անց այդ կայքերը կաշխատեն իրենց մակարդակի վրա և, գուցե, սկսեն մեզ նման գիտական ու ստուգված տեղեկություններ մատուցել:



Այս թեմային Սամվել Մարտիրոսյանի գրառումից դեռևս երկու շաբաթ առաջ անդրադարձել է գիտական առաջատար կայքերից մեկի՝ Naked Science-ի հիմնադիրը, ով գործում է նաև հայկական մեդիատիրույթում:




https://www.facebook.com/100001365010595/posts/2881333121922160/?d=n




Հավելենք, որ ներկայումս պետական ու հասարակական շրջանակներում խնդիրն արդիական է համարվում. ԶԼՄ-ների թեմային օրերս անդրադարձավ նաև վարչապետ Նիկոլ Փաշինյանը, խոսքի ազատության և «չլրատվամիջոցներին» վերաբերյալ խոսեց նաև Մեդիամաքսի տնօրեն Արա Թադևոսյանը: Սակայն, ինչպես տեսնում ենք, ֆեյք ու նորելուկ կայքերը շարունակում են ողողել սոցցանցերը՝ վայելելով մեդիա կրթության ցածր մակարդակ ունեցող ընթերցողների աջակցությունը: Թերևս, խնդրի պատասխանատուն նախ և առաջ կրթական գերատեսչությունն է:
]]></content:encoded>

            <link>https://shesht.am/research/mediagragitutyan</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=10026</guid>

            <pubDate>Tue, 07 Apr 2020 11:06:01 +0000</pubDate>

            <title>Covid-19-ը ստեղծողին ձերբակալելու մասին տեղեկությունը կեղծ է</title>

            <description><![CDATA[<p>Մամուլում տեղեկություններ էին տարածվել, թե ԱՄՆ-ում ձերբակալվել է Չինաստանի համար կորոնավիրուս ստեղծած գիտնականը: Մենք ավելի վաղ ներկայացրել էինք հոդվածներ, որոնք հերքում էին Covid-19-ի արհեստական ծագումը: Գիտնականին իրականում ձերբակալել են, բայց ոչ՝ կորոնավիրուսի ստեղծման համար:</p>
]]></description>

            
                <media:content
                    url="https://shesht.am/wp-content/uploads/2020/04/charles-Lieber.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Covid-19-ը ստեղծողին ձերբակալելու մասին տեղեկությունը կեղծ է]]></media:description>

                </media:content>

            
            <content:encoded><![CDATA[
Մամուլում և սոցիալական ցանցերում օրերս լուրեր էին տարածվում, որտեղ խոսվում էր ԱՄՆ-ում Covid-19-ի ստեղծողին ձերբակալելու մասին: Հաղորդվում էր, որ Հարվարդի համալսարանի քիմիայի և կենսաբանության բաժնի պետ, դոկտոր Չարլզ Լիբերը Յուհանի համալսարանի հետ պայմանագիր է ունեցել և իր ստեղծած վիրուսը վաճառել է համալսարանին:



Ձերբակալման հայտարարության վերաբերյալ տեսանյութ էր հրապարակվել: Հաղորդվել է նաև, թե գիտնականն իր հետազոտությունների համար ստացել է 1,5 մլն դոլար: Տեղեկությունը տարածվել է նաև մամուլի ու սոցցանցերի հայկական տիրույթում:



Սակայն պետք է նշենք, որ տեղեկությունը կեղծ է: Թեև որոշ լրատվականներ արդեն հայտնել են, որ լուրն իրականությանը չի համապատասխանում, սակայն հարկ ենք համարում շեշտել, որ նշված գիտնականն իսկապես ձերբակալվել է, բայց այլ գործով: Հարվարդի համալսարանի քիմիայի և կենսաբանության բաժնի պետը ձերբակալվել է դեռևս հունվար ամսին՝ ԱՄՆ դաշնային իշխանություններին Յուհանի համալսարանից միջոցներ ստանալու վերաբերյալ կեղծ տեղեկություններ տրամադրելու համար: Տարածված տեսանյութը YouTube-ից հեռացված է:



Բացի այդ, ինչ վերաբերում է վիրուսի արհեստական ծագմանը, ապա պետք է հիշեցնենք, որ արդեն ապացուցվել է, որ Covid-19-ն ունի բնական ծագում:




https://www.facebook.com/100001365010595/posts/2865457863509686/?d=n
Covid-19-ն ունի բնական ծագում. ապացուցված է



Այդ կապակցությամբ առկա են գիտական տեղեկություններ, ըստ որոնց՝ վիրուսն առաջացել է էվոլյուցիոն գործընթացների արդյունքում:



Միաժամանակ՝ արհեստական ծագում ունենալու դեպքում այս ընթացքում մասնագետներն արդեն դա հայտնաբերած կլինեին, քանի որ արհեստական միջամտության դեպքում նրա գենետիկ կոդում հետքեր կմնային: Ընդ որում` արհեստական ծագումը բացառել են աշխարհի տարբեր երկրների գիտնականներ, որոնց վերաբերյալ հոդվածներն առկա են:
]]></content:encoded>

            <link>https://shesht.am/offtop/dzerbakalelu-masin</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=4257</guid>

            <pubDate>Mon, 14 Oct 2019 18:18:58 +0000</pubDate>

            <title>НТВ-ն ցուցադրել է «համասեռամոլների համար նորածինների տոնավաճառի» մասին տեսանյութ, որը կեղծ է</title>

            <description><![CDATA[<p>Կեղծ տեսանյութն առաջացրել է օգտատերերի դժգոհությունը: Իրականում համաժողովների ժամանակ օգնում են համասեռամոլ հայրերին, իսկ ձևակերպումները վերցված են իտալական թերթի նախորդ տարվա համարից:</p>
]]></description>

            
                <media:content
                    url="https://shesht.am/wp-content/uploads/2019/10/sfot800.jpg"
                                            type="image/jpeg"
                                        expression="full"
                >

                    <media:description type="plain"><![CDATA[НТВ-ն ցուցադրել է «համասեռամոլների համար նորածինների տոնավաճառի» մասին տեսանյութ, որը կեղծ է]]></media:description>

                </media:content>

            
            <content:encoded><![CDATA[
НТВ հեռուստաալիքը տեսանյութ է հրապարակել «շուկայի մասին, որտեղ համասեռամոլները կարող են օրինական ճանապարհով նորածինների գնել»: Հեղինակները կադրերը վերցրել են համասեռամոլ զույգերին կենսաբանական երեխաներ ունենալու հարցում աջակցող կազմակերպությունից և հայտարարել են, թե համաժողովի ժամանակ «իրական երեխաների են վաճառում»: Սա ապշեցրել է սոցցանցերի օգտատերերին, ովքեր հեռուստաալիքին մեղադրել է կեղծիքի մեջ:



Հեռուստաալիքը հաղորդել է, իբր Բրյուսելում առաջարկվում է մայր-կնոջը վարձակալել, ապա գնել նրա երեխային: Ընդ որում` գինը «կախված է նորածնի տվյալներից»: Թվիթերում օգտատերերի մի մասը սարսափել է «երեխաների վաճառքից» և տեղի ունեցողն անվանել «աշխարհի վերջը»:




https://twitter.com/ntvru/statuses/1182958298229825537




Որոշ օգտատերեր առաջարկել են այրել կամ ոչնչացնել տեսանյութի համասեռամոլներին: Փոխարենը մի քանիսը նշել են, որ այդ կոչերը ՌԴ Քրեական օրենսգրքի 280 հոդվածի համաձայն քրեորեն պատժելի են: Տեսանյութն առաջացրել է շատերի դժգոհությունը, ովքեր հեռուստաալիքին մեղադրել են ստի, ատելության առաջացման և տարածման մեջ:




https://twitter.com/Tatiana04501078/statuses/1183094282045083648





https://twitter.com/LV14451740/statuses/1182978983379513345




Իրականում НТВ-ն կադրերը վերցրել է Բրյուսելի Men Having Babies (Տղամարդիկ երեխա են ունենում) ոչ առևտրային կազմակերպության համաժողովի վերաբերյալ կազմակերպության YouTube-յան պաշտոնական ալիքից: Կազմակերպությունը զբաղվում է այն համասեռամոլների աջակցության համակարգերի ստեղծմամբ, ովքեր ցանկանում են կենսաբանական երեխաներ ունենալ: Նրանք անցկացնում եմ ամենամսյա ցուցադրություններ և ամենամյա սեմինարներ:




https://twitter.com/MaxShinamura/statuses/1182964104228757506





https://twitter.com/BlueUrgant/status/1183516631764369408




Սան Ֆրանցիսկոյում, Թայբեյում, Չիկագոյում, Ֆլորիդայում, Տորոնտոյում, Թել Ավիվում և Բրյուսելում կազմակերպված համաժողովների ժամանակ, որոնք НТВ-ն անվանում է «երեխաների տոնավաճառ», Men Having Babies-ի ներկայացուցիչները պատմում են սուրոգատ (փոխնակ) մայրերի մասին և տրամադրում են նմանատիպ իրավիճակում հայտնված այլ հայրերի մասին տեղեկություններ:




https://twitter.com/atticus_flinch/status/1183603202123587584




Հատուկ ծրագրի միջոցով կազմակերպությունն օգնում է համասեռամոլներին իրավաբանական հարցերում, բժշկական հաստատությունների մասին տեղեկատվությամբ ու դոնորներով, ինչպես նաև տրամադրում են անհրաժեշտ դրամական գրանտներ: Ծրագրի մասնակիցները չեն կարող ընտրել իրենց անհրաժեշտ տվյալներով երեխաների, պարզապես անցնում են սուրոգատ մայրության սովորական գործընթացով:




https://twitter.com/JKaiff/statuses/1183233570673954816




Տեսանյութում որպես փաստ է նշվում 2018թ. իտալական թերթում հրապարակված հոդվածը, որի հեղինակը բողոքում է «երեխաների վաճառքից»: Այնտեղ, ինչպես տեսանյութում, գտագործվում են այսպիսի ձևակերպումներ` «մայրացուի վարձակալություն», «նորածինների տոնավաճառ», «օրինակների ընտրություն»: 2019թ. հոկտեմբերի սկզբին նշված հոդվածը վերատպել են Вести.Крым-ում, «360» ալիքում, «Царьград»-ում, «Звезда» հեռուստաալիքում, հատվածը ցուցադրել են «Առաջին ալիքով»:



Վերջում տեսանյութի հեղինակներն ընդգծում են, որ ի տարբերություն Իտալիայի, որտեղ դեռ կարելի է վրդովվել, Շվեյցարիայում, Ֆրանսիայում, Ավստրիայում, Նիդերլանդներում և Դանիայում «գործում է միասեռական զույգերի իրավունքների խտրականության մասին օրենքը», իսկ «համասեռամոլների ցանկացած դժգոհությունը հավասարեցվում է ռասիզմին»: Վերոնշյալ բոլոր երկրներում թույլատրված են միասեռականների ամուսնությունները, իսկ Men Having Babies-ն այնտեղ չի անցկացվում:
]]></content:encoded>

            <link>https://shesht.am/news/tesanyuty-kexc-e</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=2904</guid>

            <pubDate>Mon, 19 Aug 2019 09:11:39 +0000</pubDate>

            <title>Ուժեղ լրատվամիջոցների կոալիցիա. հատուկ ձեզ համար. ի՞նչ լրատվամիջոցներ են կեղծ լուրերով աչքի ընկել &#8211; հետազոտություն</title>

            <description><![CDATA[<p>Մի շարք լրատվամիջոցներում հանդիպում են տարբեր քաղաքական գործիչների վերաբերյալ լուրեր, որոնք շուտով հերքվում կամ ապացուցվում են, կամ՝ վիճարկվում դատարաններում:</p>
]]></description>

            
                <media:content
                    url="https://shesht.am/wp-content/uploads/2019/08/459f1831f3105d672796c10173f347f7.1800x1000.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ուժեղ լրատվամիջոցների կոալիցիա. հատուկ ձեզ համար. ի՞նչ լրատվամիջոցներ են կեղծ լուրերով աչքի ընկել &#8211; հետազոտություն]]></media:description>

                </media:content>

            
            <content:encoded><![CDATA[
ՀՀ վարչապետը նախօրեին դստեր ծննդյան կապակցությամբ իր էջում կատակ-հայտարարություն էր տարածել՝ տոնի մանրամասները ներկայացնելով կեղծ լուրերի, ստահոդ տեղեկատվության ոճով:




https://www.facebook.com/1378368079150250/posts/2386432271677154?s=100001365010595&amp;sfns=mo




Որոշ լրատվականներում հանդիպում են տարբեր քաղաքական գործիչների վերաբերյալ լուրեր, որոնք շուտով հերքվում են կամ վիճարկվում դատարաններում:



Shesht.am-ն առանձնացրել է մի քանի լրատվամիջոցների, որոնք աչքի են ընկել իրենց կեղծ լուրերով:



1. Past.am



Կոտայքի մարզպետը հերքման պահանջ է ներկայացրել «Փաստ» լրատվականին. վերջինս նշել էր, թե Ռոմանոս Պետրոսյանի եղբայրը Աբովյանի ռեստորաններից մեկում ճաշել է և չի վճարել:




https://www.facebook.com/romanos.petrosyan/posts/2444336652252259




Past.am-ը հերքել է իր իսկ կողմից տարածված տեղեկատվությունը:



2. Hraparak.am



Ըստ տարածված տեղեկության՝ Ազգային ժողովը Լիլիթ Մակունցի համար նոր «Տոյոտա Քեմրի» է գնել, քանի որ նա հրաժարվել է նստել Վահրամ Բաղդասարյանի մեքենան:



Իմ Քայլը խմբակցության ղեկավարն իր էջում տեղադրեց անհրաժեշտ լուսանկարները՝ ապացուցելով հրապարակված լուրի կեղծ լինելու հանգնամանքը:




https://www.facebook.com/LilitMakuntspage/posts/423748814856010




«Պոբեդա» ավիաընկերությունը հայտարարել էր, որ Մոսկվա-Գյումրի չվերթի ձմեռային սեզոնի տոմսերի վաճառքը «Շիրակ» օդանավակայանում ինքնաթիռների թերլիցքավորման պատճառով դադարեցնում է: «Հրապարակն» այս առիթով նշել էր, թե պատճառը թերլցումը չէ, այլ Քաղավիացիայի կոմիտեի կողմից խոչընդոտումն է:



Կոմիտեն այս տեղեկության վերաբերյալ արեց հայտարարություն՝ նշելով, որ իրականությանը չի համապատասխանում: Տոմսերի վաճառքն այժմ վերականգնված է, իսկ ավիաընկերությունը խոչընդոտի մասին որևէ տեղեկություն չի հրապարակել՝ փոխարենը տեղեկացրել է, որ լիցքավորման հետ կապված խնդիր է եղել, իսկ խնդրի կարգավորման համար օդանավակայանից ստացել է երաշխիքներ:



Պատգամավոր Հայկ Սարգսյանը «Հրապարակ» լրատվականի դեմ դատական հայց է ներկայացրել.




https://www.facebook.com/hayk.zarehi/posts/701703266941752




Սարգսյանի ներկայացրած հայտերը ներկայումս դատական գործընացում են գտնվում: Պատգամավորը վիրավորանքի համար 900 հազար դրամ փոխհատուցում է պահանջում, իսկ զրպարտության համար՝ 1 մլն 400 հազար դրամ:



3. AntiFake.am



Նույն պատգամավորի ընտանիքի վերաբերյալ կեղծ տեղեկատվություն է տարածել նաև AntiFake.am-ը.




https://www.facebook.com/hayk.zarehi/photos/a.554731631638917/678348635943882/?type=3&amp;theater




Լուրը տարածած կայքը տեղեկատվության իսկության մասին պատգամավորի հերքումից հետո այլ հայտարարություն չի արել:



4. Politic.am



Փոխվարչապետ Տիգրան Ավինյանը դատական հայտ է ներկայացրել ընդդեմ politic.am-ի.




https://www.facebook.com/photo.php?fbid=10216665131410636&amp;set=a.2606631294992&amp;type=3&amp;theater




Արդյունքում՝ Դատարանը Ավինյանի կողմից մարիխուանա օգտագործելու վարբերյալ նյութը հրապարակած Բորիս Մուրազիին պարտավորեցրել է փոխվարչապետին վճարել 1 մլն դրամ, ինչպես նաև՝ 24 հազար դրամ՝ որպես վճարված պետական տուրքի փոխհատուցում:



BBC-ի ռուսական ծառայության հրապարակման վերաբերյալ բազմաթիվ մեղադրանքների մեջ ուշագրավ էր սույն կայքի տեղեկությունը, ըստ որի՝ փաստաթղթերը BBC-ի լրագրողին է փոխանցել Սահմանադրական դատարանի դատավոր Վահե Գրիգորյանը:




https://www.facebook.com/vahe.grigoryan/posts/10219841448523980




Գրիգորյանը սույն հրապարակմամբ հերքեց լուրը, իսկ politic-ն իր տեղեկությունը չկարողացավ ապացուցել:



5. 1in.am



ԱԳՆ մամուլի խոսնակ Աննա Նաղդալյան հայտարարությունը՝ 1in.am-ի հրապարակած լուրի՝ իրականությանը չհամապատասխանող վերնագրի վերաբերյալ.




https://www.facebook.com/photo.php?fbid=10156093046747434&amp;set=a.10151324180562434&amp;type=3&amp;theater




Աննա Նաղդալյանը նույն հրապարակմամբ ներկայացրել է ԱԳՆ աշխատանքի արդյունավետության վերաբերյալ տեղեկություններ՝ հիմնավորելով վերնագրի թերությունը:



6. Armlur.am (Ժամանակ)



ՎիվաՍել-ՄՏՍ-ի հերքումն՝ ի պատասխան Ժամանակ-ի տարածած տեղեկատվությանը.




https://www.facebook.com/KarabakhTelecom/posts/401249880739726




ՎիվաՍել-ը հրապարակել է տեղեկատվության՝ իրականությանը չհամապատասխանելու վերաբերյալ մանրամասն պարզաբանում՝ հղում անելով Հանրային ծառայությունները կարգավորող պետական հանձնաժողովին:



Ժամանակը գրել էր, թե Վրաստանի իշխանությունները մտադիր են իրենց երկիր այցելող զբոսաշրջիկների համար Զվարթնոցից Թբիլիսի անվճար ավտոբուսներ տրամադրել:



Տեղեկությունը ոչ մի աղբյուր չէր նշել, իսկ տեղեկատվությունն այդպես էլ չհաստատվեց: Հրապարակումից անցել է արդեն մոտ երկու ամիս, բայց նշված երթուղին դեռ չկա:



 «Ժամանակը» գրել էր, որ Թուրքիայի եւ Վրաստանի հայ մասնակիցներին արգելել են Արցախ մեկնել Համահայկական խաղերին մասնակցելու համար:



Համահայկական խաղերի մամուլի քարտուղարը հայտարարել է, որ լուրը կեղծ է։ Կայքը փաստեր կամ աղբյուրներ չի նշել:



Նույն թեմայի վերաբերյալ կայքը հայտնել է, թե Խաղերի օլիմպիական կոմիտեն և համահայկական խաղերի աջակից հասարակական շրջանակները կոչ են անում, որ երեք նախագահները մասնակցեն Արցախում խաղերի բացման արարողությանը։



Համահայկական խաղերի համաշխարհային կոմիտեն նույն օրը հայտարարություն էր տարածել՝ հերքելով թերթի տարածած լուրը:



Համահայկական խաղերի վերաբերյալ ևս մեկ տեղեկություն էր հրապարակել «Ժամանակը»՝ նշելով, որ Իրանը բոյկոտում է, և իրանական պատվիրակությունը չի մասնակցի խաղերին:



Խաղերի լրատվական ծառայությունն այս առընչությամբ հայտարարություն է տարածել՝ հայտնելով, որ լուրը կեղծ է, իսկ նախնական արդյունքներով Իրանը ներկայացված է մեծ պատվիրակությաամբ: Կայքը կրկին փաստեր կամ աղբյուրներ չի նշել:



«Ժամանակ» թերթը հայտարարել էր, թե Երևանին տեխնածին աղետ է սպասվում՝ նշելով, որ չվերանորոգված ռելսերի պատճառով, ըստ մասնագիտական գնահատականների, մետրոյի գնացքը կարող է դուրս գալ քաղաքի որեւէ հատվածի ասֆալտի միջից:



Երևանի մետրոպոլիտենը նույն օրը հայտարարություն էր տարածել՝ նշելով, որ ռելսերը ստուգվում և վերանորոգվում են նույնիսկ ամենափոքր խնդիրների դեպքում, իսկ գնացքները 70 մետր խորությանից դժվար թե դուրս գան ասֆալտի տակից։



7. Irates.am



Վարչապետի տիկին Աննա Հակոբյանի վերաբերյալ Իրատես թերթի հրապարակումը.



irates.am-ի հրապարակումը / ©fip.am



Աննա Հակոբյանի մամուլի խոսնակ Արփինե Զարգարյանը հայտնել է, որ տեղեկությունն իրականությանը չի համապատասխանում՝ նշելով, որ Հակոբյանը Արթիկ է մեկնել ավտոմեքենայով՝ օգնականի հետ և անվտանգության երկու աշխատակիցների ուղեկցությամբ։



Նույն կայքը հուլիսի 26-ին հրապարակում է տարածել՝ նշելով,  Վլադիմիր Կարապետյանը Երևանում և Թբիլիսիում ռեստորաններ ունի: 



Հերքման պահանջից հետո կայքը հրապարակել է հերքումը:



8. 7or.am



Կայքը հրապարակում էր տարածել ԱԺ պատգամավոր Անդրանիկ Քոչարյանի վերաբերյալ:




https://youtu.be/XWMCnXcOMHc




ԱԺ Պաշտպանության, անվտանգության հարցերի խորհրդարանական հանձնաժողովի նախագահ Անդրանիկ Քոչարյանը հերքել է այս տեղեկությունը՝ այն համարելով սուտ և անհեթեթ:



Կայքի խմբագիր Արեգնազ Մանուկյանը նշել է, որ տեղեկատվությունը վերցվել է համացանցից: Հերքումը ժամանակին չի եղել, ինչը կայքի խբագրությանը թեմային անդրադառնալու հիմք է տվել:



9. 168.am



«168 ժամ» թերթ Աշխատանքի և սոցիալական հարցերի նախարարին&nbsp;մեղադրել է «երրորդ սեռի վարչություն» ստեղծելու մտադրության մեջ՝ նշելով, որ վարչությունը զբաղվելու է նույնասեռականների իրավունքների պաշտպանությամբ:



Զարուհի Բաթոյան / ©lragir.am



Նախարարությունը պաշտոնապես հերքել են տեղեկությունը՝ «բացարձակ սուտ», «հեղինակի երևակայություն» որակելով։ Թերթը տարածած լուրի վերաբերյալ հիմնավորումներ և ապացույցներ չի կարողացել ներկայացնել:



10. Asekose.am



Կայքի հրապարակած տեսանյությում ֆերմերը հայտարարում է, թե Վայոց Ձորի որոշ գյուղերում կենդանիների 50-60%-ը վարակված են բրուցելյոզով, իսկ Քարագլուխ համայնքում 38 մարդ է վարակվել։ 




https://youtu.be/NfUbDteyOsk




Հայտարարությունից հետո Սննդամթերքի անվտանգության պետական ծառայությունը հերքում է հրապարակել՝ նշելով, որ Վայոց Ձորում ստուգված կենդանիների միայն 1.3%-ի մոտ է բրուցելյոզ հայտնաբերվել, իսկ Քարագլուխում հիվանդացել է միայն երեք մարդ՝ նույն ընտանիքից:



Տեղեկացում: Եթե ունեք համապատասխան տեղեկություններ կեղծ լուրերի և դրանց հերքման վերաբերյալ, կարող եք գրել մեկնաբանությունում:
]]></content:encoded>

            <link>https://shesht.am/research/fake-news-arm</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>