<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/493/feed"
        rel="self"
        type="application/rss+xml"
    />

    <lastBuildDate>Wed, 18 Nov 2026 18:07:44 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=19972</guid>

            <pubDate>Sat, 18 Sep 2021 19:03:32 +0000</pubDate>

            <title>Ովքե՞ր են աշխարհի ամենահարուստ ընտանիքները</title>

            <description><![CDATA[<p>Bloomberg-ը հրապարակել է 2021թ. ամենահարուստ ընտանիքների ցանկը: Առաջին հնգյակում են Ուոլթոն, Մարս, Կոխ, Հերմես և Ալ Սաուդ ընտանիքները:</p>
]]></description>

            
                <media:content
                    url="https://shesht.am/wp-content/uploads/2021/09/ef3496ddebfbba3ffbe4c0322dc304f8.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ովքե՞ր են աշխարհի ամենահարուստ ընտանիքները]]></media:description>

                </media:content>

            
            <content:encoded><![CDATA[
Bloomberg-ը հրապարակել է 2021թ. ամենահարուստ ընտանիքների ցանկը: Ամենամյա վարկանիշային աղյուսակն այս տարի գլխավորում են Ուոլթոնները: 1950-ականներին Սեմ Ուոլթոնը հիմնել է Walmart ընկերությունը: Ընտանիքի կարողությունը ներկայումս գնահատվում է 238,2 մլրդ դոլար, որին գումարվում է նաև այս տարվա շահույթը՝ 23 մլրդ դոլար: Ընտանիքին են պատկանում ավելի քան 10 հազար խանութներ ամբողջ աշխարհում: Միայն վերջին տարում ընտանիքը 6 մլրդ դոլարի բաժնետոմսեր է վաճառել:



Երկրորդ հորիզոնականում Մարսերի ընտանիքն է, որին պատկանում է Mars ընկերությունը (արտադրում է հրուշակեղեն և երկարատև պահպանման ապրանքներ, այդ թվում՝ M&amp;Ms, Milky Way, Snickers): Ընտանիքի կարողությունը գնահատվում է 141,9 մլրդ դոլար: Եվս 39,2 մլրդ դոլար Մարս ընտանիքը վաստակել է վերջին մեկ տարում:



Երրորդ ամենահարուստը Կոխերի ընտանիքն է, որին պատկանում է Koch Industries-ը: Այս ընկերությունը զբաղվում է նավթավերամշակմամբ և քիմիական արտադրությամբ: Կոխերի կարողությունը գնահատվում է 124,4 մլրդ դոլար, գումարած՝ 115 մլրդ դոլար՝ միայն վերջին մեկ տարում:



Վարկանիշային ցանկի առաջին տասնյակում են նաև Հերմես ընտանիքը (Hermes նորաձևության տան սեփականատեր, կարողությունը՝ 116 մլրդ դոլար), Սաուդյան Արաբիայի արքայական Ալ Սաուդ ընտանիքը՝ 100 մլրդ դոլար կարողությամբ, հնդկական Ամբանի ընտանիքը (93,7 մլրդ դոլար), Chanel նորաձևության տան սեփականատերերը՝ Վերտհայմերները, որոնց կարողությունը 61,8 մլրդ դոլար է, Թոմսոնները, որոնց պատկանում է Thomson Reuters տեղեկատվական գործակալությունը (61,1 մլրդ):
]]></content:encoded>

            <link>https://shesht.am/news/amenaharust-yntaniqnery</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=19827</guid>

            <pubDate>Thu, 02 Sep 2021 18:06:19 +0000</pubDate>

            <title>Աշխարհի լավագույն բուհերի շարքում ԵՊՀ-ն 551-րդն է</title>

            <description><![CDATA[<p>«Համալսարանի երեք առաքելությունները» վարկանիշային աղյուսակում ներառված են 97 երկրների 1650 բուհեր: Դրանց շարքում են Երևանի պետական համալսարանը` 551-րդ, Հայ-ռուսական սլավոնական համալսարանը` 1001-րդ, Երևանի պետական բժշկական համալսարանը` 1301-րդ հորիզոնականներում են:</p>
]]></description>

            
                <media:content
                    url="https://shesht.am/wp-content/uploads/2021/09/eph.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Աշխարհի լավագույն բուհերի շարքում ԵՊՀ-ն 551-րդն է]]></media:description>

                </media:content>

            
            <content:encoded><![CDATA[
«Համալսարանի երեք առաքելությունները» վարկանիշի 2021թ. ցանկն առաջնորդում են ամերիկյան բուհերը` Հարվարդի և Մասաչուսեթսի տեխնոլոգիական համալսարանները: Առաջին հնգյակում են բրիտանական Քեմբրիջը, Օքսֆորդը և Լոնդոնի համալսարանական քոլեջը:



Վարկանիշային աղյուսակում հայկական բուհերից երեքն են. 551-րդ հորիզոնականում Երևանի պետական համալսարանն է, 1001-րդում` Հայ-ռուսական սլավոնական համալսարանը, իսկ Երևանի պետական բժշկական համալսարանը 1301-րդ հորիզոնականում է:



Վարկանիշը կազմված է համալսարանների երեք հիմնական առաքելությունների վրա: Դրանք են` կրթությունը, գիտությունը և հանրության հետ փոխգործակցությունը:



Հաղորդվում է, որ վարկանիշային աղյուսակի կազմման համար կիրառվել են միայն օբյեկտիվ չափանիշները` հիմնված միայն պաշտոնական, (այդ թվում` համալսարանների հրապարակային հաշվետվությունները), ինչպես նաև միջազգային հեղինակավոր տեղեկատվական հարթակների տվյալների վրա:
]]></content:encoded>

            <link>https://shesht.am/news/buheri-sharqum-eph-n</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=13816</guid>

            <pubDate>Fri, 07 Aug 2020 10:50:20 +0000</pubDate>

            <title>Forbes-ն առաջին անգամ կազմել է TikTok-ի՝ 1մլն դոլարից բարձր եկամուտ ունեցող աստղերի վարկանիշը</title>

            <description><![CDATA[<p>TikTok-յան «միլիոնատերերը» հիմնականում ոչ թե վաստակում են հենց հարթակի ներսում, այլ իրենց հայտնիության միջոցով՝ կողմնակի նախագծերի շնորհիվ:</p>
]]></description>

            
                <media:content
                    url="https://shesht.am/wp-content/uploads/2020/08/https___specials-images.forbesimg.com_imageserve_1133793996_0x0.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Forbes-ն առաջին անգամ կազմել է TikTok-ի՝ 1մլն դոլարից բարձր եկամուտ ունեցող աստղերի վարկանիշը]]></media:description>

                </media:content>

            
            <content:encoded><![CDATA[
Ամերիկյան Forbes-ը կազմել է TikTok-ի ամենաբարձր վարձատրվող աստղերի առաջին վարկանիշը: Այնտեղ 7 բլոգեր է ներառվել, որոնցից յուրաքանչյուրը 2019թ. հունիսից մինչև 2020թ. հունիսը վաստակել է 1 մլն դոլար: Վարկանիշային ցանկը կազմելիս հաշվի են առնվել միայն այն բլոգերները, ովքեր հայտնի են դարձել TikTok-ի միջոցով:



Էդիսոն Ռեյ Իստերլինգ



Իստերլինգը 2020թ. TikTok-ի շնորհիվ վաստակել է շուրջ 5 մլն դոլար: Նա ունի 54,1 մլն հետևորդ: Վերջիններիս առաջին մեկ մլն-ը հավաքվել են աշնանը, երբ հայտնվել են առաջին հրապարակումները՝ Fashion Nova հագուստի առցանց խանութի հովանավորությամբ:



Այնուհետև աջակցել են Reebok-ը, Daniel Wellington-ը և ուրիշներ: Բացի այդ՝ աղջիկը թողարկել է կոսմետիկայի սեփական շարքը՝ Item Beauty-ն՝ Madeby ստարտափի հետ համագործակցությամբ, անդամագրվել է American Eagle-ին և մայրիկի հետ միասին թողարկել է Spotify պոդքաստը:



Չառլի Դ'Ամելիո



Նա TikTok-ում է հայտնվել 2019թ. հունիսին և մեկ տարվա ընթացքում վաստակել է 4 մլն դոլար: Ունի 76,8 մլն հետևորդ: Այս օգտատերը TikTok-ում տեսանյութեր է հրապարակել Prada-յի Փարիզյան շաբաթից, նկարահանվել է Սուպեր գավաթի գովազդում, հովանավորչական գործարք է կնել կոսմետիկայի EOS ընկերության հետ, քրոջ՝ Դիքսիի հետ դարձել է Hollister-ի նոր դեմքը, նաև թողարել է մերչ:



Դիքսի Դ'Ամելիո



Դիքսի Դ'Ամելիոն ունի 32,8 մլն հետևորդ: Մեկ տարվա ընթացքում վաստակել է 2,9 մլն դոլար: Քրոջ՝ Չառլիի հետ թողարկել է կոսմետիկայի շարք՝ Morphe-ի գործընկերությամբ: TikTok-ում հանրահայտությունից հետո Դիքսին սկսել է երաժշտական կարիերա. նրա առաջին երգը՝ Be Happy-ն, 58 մլն դիտում է ունեցել և YouTub-յան թրենդում առաջին տեղն է զբաղեցրել:



Լորեն Գրեյ



Լորեն Գրեյը մեկ տարվա ընթացքում 2,6 մլն դոլար է վաստակել: Ունի 46,1 մլն հետևորդ: 2018թ. նա գործարք է կնքել Virgin Records-ի հետ և այդ օրվանից հետո 7 երգ է թողարկել: Մինչև այս գարունը Գրեյն ուներ երկրպագուների ամենամեծ բազան՝ բոլոր TikTok-երների շարքում, ինչը նրա համար գործարք են ապահովել Skechers-ի, Hyundai-ի և Burger King-ի հետ:



Ներկայումս Գրեյը կենտրոնացած է Revlon-ի հետ գործարքի վրա: Նա կոնտենտ է նախապատրաստում TikTok-ում ընկերության օգտահաշվի համար և աշխատում է սեփական տեսահոլովակի վրա, որը Revlon-ն է հովանավորել:



Ջոշ Ռիչարդս



Ռիչարդը TikTok-ի օգնությամբ վաստակել է 1,5 մլն դոլար: Նա կիրառել է գումար աշխատելու նաև ավանդական մեթոդներ. գովազդային պայմանագրեր Reebok-ի և HouseParty-ի հետ, սեփական մերչի թողարկում, գովազդ YouTube-ում և համաձայնագիր Warner Records-ի հետ՝ երգերի թողարկման վերաբերյալ:



Նա նաև համահիմնադիրն է տաղանդների ղեկավարման TalentX ընկերության, խմիչքներ արտադրող Ani Energy բիզնեսի և միացել է Triller ընկերությանը՝ TikTok-ի մրցակցին՝ որպես ռազմավարական տնօրեն:



Մայքլ Լի



Մայքլ Լին բազմամյա գործընկերություն է հաստատել Bang-ի՝ էներգետիկ արտադրող ընկերության հետ. շաբաթվա ընթացքում մի քանի անգամ հրապարակումներ է տեղադրում՝ խմիչքի հիշատակմամբ: Մեկ տարվա ընթացքում Լիի եկամուտը կազմել է 1,2 մլն դոլար:



Սփենսեր Իքս



Սփենսեր Իքսը TikTok-ում է հայտնվել 2019թ. փետրվարին: Իր 10 մլն հետևորդների և Uno, Oreo, Sony ընկերությունների հովանավորության շնորհիվ նույնպես վաստակել է 1,2 մլն դոլար:
]]></content:encoded>

            <link>https://shesht.am/socialnet/yekamut-unecox</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=9827</guid>

            <pubDate>Thu, 02 Apr 2020 13:28:21 +0000</pubDate>

            <title>Առողջության անվտանգության նոր վարկանիշում Հայաստանն առաջ է անցել ԱՄՆ-ից, Թուրքիայից, Ադրբեջանից</title>

            <description><![CDATA[<p>Հրապարակվել է Covid-19 կորոնավիրուսի պանդեմիայի պայմաններում տարբեր երկրներում առողջության անվտանգության վարկանիշային աղյուսակը, որտեղ 72 երկրների շարքում Հայաստանը 28-րդն է:</p>
]]></description>

            
                <media:content
                    url="https://shesht.am/wp-content/uploads/2020/04/07.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Առողջության անվտանգության նոր վարկանիշում Հայաստանն առաջ է անցել ԱՄՆ-ից, Թուրքիայից, Ադրբեջանից]]></media:description>

                </media:content>

            
            <content:encoded><![CDATA[
Deep Knowledge Group կոնսորցիումը, որը մասնագիտացած է կենսաբանական և առողջապահական նախագծերում ներդրումների և գիտական հետազոտությունների ուղղությամբ, վարկանիշային աղյուսակ է հրապարակել, որտեղ գնահատվել է Covid-19 կորոնավիրուսային հիվանդության համաճարակի շրջանում տարբեր երկրներում առկա իրավիճակը:



Հաղորդվում է, որ տվյալները վերցված են բաց աղբյուրներից՝ Առողջապահական համաշխարհային կազմակերպության, Ջոնս Հոփքինսի համալսարանի, Լոնդոնի արքայական քոլեջի, ԱՄՆ-ի Հիվանդությունների վերահսկման և կանխարգելման կենտրոնի հրապարակումներից:



Առողջության անվտանգության վարկանիշային աղյուսակում առաջին հորիզոնականում Իսրայելն է՝ 619 միավորով: Ընդհանրապես՝ առաջին տասնյակը հետևյալ պատկերն ունի.



1. Իսրայել,2. Սինգապուր,3. Նոր Զելանդիա,4. Հոնկոնգ,5. Թայվան,6. Ճապոնիա,7. Հունգարիա,8. Ավստրիա,9. Գերմանիա,10. Հարավային Կորեա:



Հայաստանը 141,3 միավորով այս ցանկում 28-րդ հորիզոնականում է, Ռուսաստանը՝ 25-րդ (191,75 միավոր), ԱՄՆ-ն՝ 29-րդ (140 միավոր), Ուկրաինան՝ 64-րդ (46,4): Հայաստանը, ինչպես երևում է, առաջ է անցել նաև Թուրքիայից (49-րդ) ու Ադրբեջանից (65-րդ):



Նշենք, որ Իրանն ու Վրաստանն այս աղյուսակում նշված չեն: Աղյուսակի վերջին հորիզոնականներում են Հյուսիսային Մակեդոնիան, Բուլղարիան, Հնդկաստանը:
]]></content:encoded>

            <link>https://shesht.am/offtop/aroxjutyan-anvtangutyan</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=8635</guid>

            <pubDate>Wed, 04 Mar 2020 18:50:01 +0000</pubDate>

            <title>Freedom House-ն Արցախում քաղաքական մրցակցության աճ ու քաղհասարակության ակտիվացում է գրանցել</title>

            <description><![CDATA[<p>Կառույցի վարկանիշային աղյուսակում Լեռնային Ղարաբաղը և Հայաստանը դասվել են մասամբ ազատ երկրների թվին։ Ադրբեջանը համարվել է անազատ, իսկ Վրաստանը՝ մասամբ ազատ: «Ռուսաստանի զորքերի կողմից օկուպացված» տարածքներում արձանագրվել է լճացում, քաղաքական իրավունքների և ազատությունների հետընթաց:</p>
]]></description>

            
                <media:content
                    url="https://shesht.am/wp-content/uploads/2020/03/7E1CD5FD-601A-4780-9896-816CAD4B918D_cx0_cy5_cw0_w1597_n_r1_st.png"
                                            type="image/png"
                                        expression="full"
                >

                    <media:description type="plain"><![CDATA[Freedom House-ն Արցախում քաղաքական մրցակցության աճ ու քաղհասարակության ակտիվացում է գրանցել]]></media:description>

                </media:content>

            
            <content:encoded><![CDATA[
Freedom House իրավապաշտպան կազմակերպության գնահատմամբ՝ Փաշինյանի նախաձեռնած քաղաքական ազատականացումը դրական ազդեցություն է թողել Լեռնային Ղարաբաղի վրա: Այստեղ ավելացել է մրցակցությունը, ակտիվացել քաղհասարակությունը:



Կազմակերպության «Ազատությունն աշխարհում-2020» զեկույցում Հայաստանին վերաբերող հատվածում ներկայացված են բացառապես Լեռնային Ղարաբաղում արձանագրված դրական տեղաշարժերը։



Զեկույցի համաձայն՝ Հայաստանում տեղի ունեցած փոփոխությունների շնորհիվ 2019թ. սեպտեմբերի ՏԻՄ ընտրություններից առաջ ԼՂ տարածքում արձանագրվել է մրցակցության և քաղհասարակության ակտիվության աճ, ինչպես նաև հարթակ է ստեղծվել 2020թ. նախագահական և խորհրդարանական ընտրություններում այլ փոփոխությունների համար։



Զեկույցում անդրադարձ է կատարվել նաև «Ռուսաստանի զորքերի կողմից օկուպացված» տարածքներին, որտեղ արձանագրվել է լճացում և քաղաքական իրավունքների ու ազատությունների հետընթաց:



Կառույցի վարկանիշային աղյուսակում Լեռնային Ղարաբաղը և Հայաստանը դասվել են մասամբ ազատ երկրների շարքին։ Տարածաշրջանում չճանաչված պետությունների կողքին ԼՂ-ից բացի մասամբ ազատ է գնահատվել Աբխազիան։ Ադրբեջանը համարվել է անազատ, իսկ Վրաստանը՝ մասամբ ազատ: Ընդգծվում է, որ Ռուսաստանում, Բելառուսում, Ուզբեկստանում, Ղազախստանում իշխանությունը պահպանվում է ճնշումների գնով, իսկ Մոլդովայում բարեփոխումները մեկնարկել են, սակայն ավարտին չեն հասցվել։ 



Freedom House-ը Հայաստանից բացի դրական տեղաշարժեր է նկատել նաև Ուկրաինայում: Խոսվել է նաև Մոլդովայի և այս երեք պետություններում ձևավորված նոր իշխանությունների հակակոռուպցիոն ծրագրերի մասին: Հակառակ դրան՝ անդրադարձ է կատարվել Ադրբեջանի իշխանությունների կողմից գործադրվող ճնշումներին:



Զեկույցի համաձայն՝ ազատությունը նվազագույն մակարդակում է շարունակում գտնվել Սիրիայում, Էրիթրեայում, Հարավային Սուդանում, Թուրքմենստանում և Հյուսիսային Կորեայում։ 195 երկրների շարքում ազատության առումով ամենաբարձր գնահատականին են արժանացել Նորվեգիան, Շվեդիան և Ֆինլանդիան:



Ուշագրավ է, որ Կառույցը կոշտ քննադատության է ենթարկել ԱՄՆ նախագահ Դոնալդ Թրամփին: Զեկույցում նշվում է, որ Թրամփը բարյացկամ վերաբերմունք է դրսևորում բռնապետների, այդ թվում՝ Վլադիմիր Պուտինի և Կիմ Չեն Ինի նկատմամբ:
]]></content:encoded>

            <link>https://shesht.am/news/freedomehouse-artsakhum</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=6876</guid>

            <pubDate>Sun, 05 Jan 2020 14:51:32 +0000</pubDate>

            <title>Հրապարակվել է այն սարքավորումների ու հավելվածների ցանկը, որոնք ավելի շատ են փորձում կոտրել</title>

            <description><![CDATA[<p>ԱՄՆ-ում և Մեծ Բրիտանիայում ավելի հաճախ փորձում են կոտրել iPhone-ը և Instagram-ը:</p>
]]></description>

            
                <media:content
                    url="https://shesht.am/wp-content/uploads/2020/01/81571584_2645252052218674_4041786855165788160_o.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Հրապարակվել է այն սարքավորումների ու հավելվածների ցանկը, որոնք ավելի շատ են փորձում կոտրել]]></media:description>

                </media:content>

            
            <content:encoded><![CDATA[
Case24 ընկերության մասնագետները պարզել են, թե որ սարքավորումներն ու հավելվածներն են առավել հաճախ ենթարկվում հարձակումների: «Վարկանիշային» աղյուսակի կազմման համար ուսումնասիրվել է ԱՄՆ-ից ու Մեծ Բրիտանիայից Google-ի՝ մեկ ամսվա հարցումների միջին քանակը:



Սարքավորումների շարքում առաջատար է համարվել Apple-ը. iPhone-ը կոտրելու մասին տեղեկությունը մեկ ամսվա ընթացքում փնտրել է ԱՄՆ-ից 48 հազար մարդ, Մեծ Բրիտանիայից՝ 10 հազար մարդ: Մյուս սարքավորումներն էականորեն զիջում են դիրքերը. Samsung-ի սարքավորումները կոտրելու մասին տեղեկություն որոնել է համապատասխանաբար 3100 և 700 մարդ, LG-ի՝ 670 և 90 մարդ:



Հավելվածների դեպքում իրավիճակն ավելի սահուն է: Բայց կարելի է կազմել լավագույն եռյակը. Instagram (66960 և 12410 հարցում ԱՄՆ-ից ու Մեծ Բրիտանիայից), Snapchat (57740 և 7380 հարցում) և WhatsApp (36980 և 7100 հարցում): Հնգյակում են հայտնվել Youtube-ը և Twitter-ը:



Հաճախ կոտրվողների վարկանիշն ԱՄՆ-ում / ©Case24



Ավելի վաղ հաղորդվել է, որ Tesla-յի ավտոպիլոտին խաբել են ասֆալտե ծածկույթի վրա արված երեք կետի օգնությամբ, իսկ Bloomberg լրատվական գործակալությունը հօգուտ Telegram-ի հրաժարվել է WhatsApp-ից:
]]></content:encoded>

            <link>https://shesht.am/news/shat-en-pordzum-kotrel</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=6499</guid>

            <pubDate>Thu, 19 Dec 2019 15:41:22 +0000</pubDate>

            <title>Կիբերանվտանգության մասնագետները հրապարակել են 2019թ. «վատագույն» գաղտնաբառերը</title>

            <description><![CDATA[<p>Արդեն վեց տարի շարունակ «123456» գաղտնաբառն առաջին հորիզոնականում է: Այս տարի նույնպես լայն տարածում ունի «qwerty»-ն:</p>
]]></description>

            
                <media:content
                    url="https://shesht.am/wp-content/uploads/2019/12/pwa_list_rect_1280_4a9e5c9d052ce195eae6202fa1457466.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Կիբերանվտանգության մասնագետները հրապարակել են 2019թ. «վատագույն» գաղտնաբառերը]]></media:description>

                </media:content>

            
            <content:encoded><![CDATA[
SplashData ընկերությունը հրապարակել է 2019թ. 100 «վատագույն» գաղտնաբառերի ավանդական ցանկը: Կիբերանվտանգության մասնագետները հիմնվել են համացանցում տարածված ավելի քան 5 մլն կոմբինացիաների վերլուծության վրա:



2018թ.-ի համեմատ առաջին հորիզոնականը չի փոխվել: Լայն տարածում ունեն «qwerty», «123123», «qwerty123» գաղտնաբառերը: «welcome» և «princess» գաղտնաբառերը վերջին տեղում են: 2010թ.-ից հրապարակվող ամենամյա ցանկում առաջին եռյակից վերջապես դուրս է եկել «password»-ը:



ԹՈՓ 25 գաղտնաբառերի ցանկը հետևյալ պատկերն ունի (փակագծերում՝ 2018-ի համեմատ փոփոխություններն են).



1. 123456 (չի փոխվել).2. 123456789 (+1).3. qwerty (+6).4. password (-2).5. 1234567 (+2).6. 12345678 (-2).7. 12345 (-2).8. iloveyou (+2).9. 111111 (-3).10. 123123 (+7).11. abc123 (+4).12. qwerty123 (+13).13. 1q2w3e4r (նոր).14. admin (-2).15. qwertyuiop (նոր).16. 654321 (+3).17. 555555 (նոր).18. lovely (նոր).19. 7777777 (նոր).20. welcome (-7).21. 888888 (նոր).22. princess (-11).23. dragon (նոր).24. password1 (չի փոխվել).25. 123qwe (նոր):



Վարկանիշային ցանկում են հայտնվել «1q2w3e4r», «qwertyuiop», «123qwe», «dragon» և «lovely» գաղտնաբառերը: Նախորդ տարի լայն տարածում ունեցող «donald»-ը հեռացել է ցանկից:
]]></content:encoded>

            <link>https://shesht.am/news/vataguyn-gaxtnabarery</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=4936</guid>

            <pubDate>Tue, 05 Nov 2019 07:27:23 +0000</pubDate>

            <title>Freedom House-ը Հայաստանը համարել է ազատ երկիր</title>

            <description><![CDATA[<p>Զեկույցի համաձայն՝ պետությունների ղեկավարությունները սոցիալական ցանցերն աստիճանաբար ավելի ակտիվ են կիրառում՝ ընտրությունների ընթացքում կեղծիքներ կատարելու և քաղաքացիների նկատմամբ հսկողությունն ուժեղացնելու նպատակով:</p>
]]></description>

            
                <media:content
                    url="https://shesht.am/wp-content/uploads/2019/11/1_PvXpdAJ7hkd8JuA4FxgYwA.jpeg"
                                            type="image/jpeg"
                                        expression="full"
                >

                    <media:description type="plain"><![CDATA[Freedom House-ը Հայաստանը համարել է ազատ երկիր]]></media:description>

                </media:content>

            
            <content:encoded><![CDATA[
Freedom House իրավապաշտպան կազմակերպությունը հրապարակել է 2019թ. Համացանցի ազատության մասին զեկույցը: Հայաստանն այդ զեկույցում համարվում է ազատ երկիր՝ Եվրասիական տարածաշրջանում այս առումով համարվելով առաջատարը: Ընդ որում՝ 2017թ. Հայաստանը մասամբ ազատ երկիր էր, իսկ 2018թ. նույնպես ազատ համարվելու համար բավարար միավորներ էր վաստակել:



Զեկույցում ազատ են համարվում 70-ից 100 միավոր վաստակած երկրները: Հայաստանն այս տարի ստացել է 76 միավոր: Վրաստանը վաստակել է մեկ միավորով քիչ՝ 75, կրկին համարվելով ազատ: 39 միավորից ցածր ստացածներն են ոչ ազատ երկրներ ճանաչվել: Դրանք են՝ Ադրբեջանը՝ 39 միավոր, Թուրքիան՝ 37, Իրանը՝ ընդամենը 15 միավոր: Բելառուսը վաստակել է 35, Ղազախստանը՝ 32, իսկ Ռուսաստանը՝ 31 միավոր:



Մասամբ ազատ երկրներից են Ղրղզստանը՝ 61 միավորով և Ուկրաինան՝ 56 միավորով: Զեկույցում մասամբ ազատ երկրներ են համարվում 40-69 միավոր վաստակած երկրները: Առաջին տեղում Իսլանդիան է՝ 95 միավորով:



Համացանցի ազատության մասին զեկույցը վերաբերում է աշխարհի 65 երկրներին, որտեղ բնակվում է օգտատերերի 87 %-ը: Զեկույցում տեղ գտած արդյունքները ներառում են 2018թ. հունիսից 2019թ. մայիս ընկած ժամանակահատվածի տվյալները:



Freedom House-ի հրապարակած զեկույցի համաձայն՝ պետությունների ղեկավարությունները սոցիալական ցանցերն աստիճանաբար ավելի ակտիվ են կիրառում՝ ընտրությունների ընթացքում կեղծիքներ կատարելու և քաղաքացիների նկատմամբ հսկողությունն ուժեղացնելու նպատակով: Սրանով պայմանավորված՝ համացանցի համաշխարհային ազատությունն արդեն 9 տարի շարունակում է անկում գրանցել:



Ընտրական գործընթացներին միջամտության վարկածն ուսումնասիրվել է 30 երկրներում, որոնցից 26-ում նախորդ տարի այն հաստատվել է: Զեկույցի համաձայն՝ շարունակվում է օտար երկրների կողմից առցանց միջամտությունը, միաժամանակ՝ պոպուլիստներն ու նրանց առցանց համակիրները սկսում են ներքաղաքական օրակարգ թելադրել:
]]></content:encoded>

            <link>https://shesht.am/news/hayastany-hamarel-e-azat-yerkir</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=3132</guid>

            <pubDate>Tue, 27 Aug 2019 16:41:28 +0000</pubDate>

            <title>Moody&#8217;s-ը Հայաստանի սուվերեն վարկանիշը բարձրացրել է՝ «B1»-ից դարձնելով «Ba3»</title>

            <description><![CDATA[<p>Կարևորվել է Հայաստանում ՏՏ ոլորտի զարգացումը, որն առավելապես զբաղված է բարձր տեխնոլոգիաների հետազոտմամբ ու զարգացմամբ, և հանդիսանում է գիտելիքահենք տնտեսության ուժեղ հիմք:</p>
]]></description>

            
                <media:content
                    url="https://shesht.am/wp-content/uploads/2019/08/11_1200_700.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Moody&#8217;s-ը Հայաստանի սուվերեն վարկանիշը բարձրացրել է՝ «B1»-ից դարձնելով «Ba3»]]></media:description>

                </media:content>

            
            <content:encoded><![CDATA[
ՀՀ վարչապետ Նիկոլ Փաշինյանն իր ֆեյսբուքյան էջում հրապարակել է Moody's Investors Service միջագային վարկանիշային գործակալության կողմից Հայաստանի վարկանիշի բարձրացման մասին տեղեկությունը:



Ըստ այդ վարկանիշի՝ Հայաստանի սուվերեն վարկանիշի հեռանկարը «Դրական»-ից դարձել է «Կայուն»: Այս տեմպերով պետական ֆինանսական միջոցների ամրապնդումը շարունակելու դեպքում 2014-2017թթ. անկում ապրած ֆիսկալային հզորությունը կվերականգնվի:




https://www.facebook.com/nikol.pashinyan/posts/2393215894332125




Վարչապետը կարևորել է Կազմակերպության հրապարակման մեջ նշված՝ Հայաստանում տեղեկատվական տեխնոլոգիաների ոլորտի զարգացման հանգամանքը: Նրա խոսքով՝ այս ցուցանիշը բարձրացնում է մեր երկրի տնտեսության նկատմամբ միջազգային վստահությունը, ինչպես նաև բարելավում Հայաստանի ներդրումային գրավչությունը:



Ներկայիս «Կայուն» կարգավիճակն արտահայտում է բալանսավորված ռիսկերը: Հիշեցնենք՝ տարեսկզբին Մուդիզը մոտակա 12-18 ամիսների կտրվածքով Հայաստանի տնտեսական զարգացումները գնահատել էր դրական:




https://www.facebook.com/nikol.pashinyan/posts/2283505121969870

]]></content:encoded>

            <link>https://shesht.am/news/varkanishy-bardzracrel-e</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=3046</guid>

            <pubDate>Fri, 23 Aug 2019 11:13:57 +0000</pubDate>

            <title>Ինովացիոն զարգացվածության ցուցանիշով Հայաստանն առաջընթաց է գրանցել</title>

            <description><![CDATA[<p>Ինովացիոն զարգացվածությամբ Հայաստանը նախորդ տարվա համեմատ բարձրացել է 4 կետով՝ դառնալով 64-րդը: Վրաստանն ու Թուրքիան համապատասխանաբար 48 և 49-րդ հորիզոնականներում են, Ռուսաստանը՝ 46, Իրանը՝ 61, Ադրբեջանը՝ 84:</p>
]]></description>

            
                <media:content
                    url="https://shesht.am/wp-content/uploads/2019/08/Sequence-18.00_18_27_06.Still017.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Ինովացիոն զարգացվածության ցուցանիշով Հայաստանն առաջընթաց է գրանցել]]></media:description>

                </media:content>

            
            <content:encoded><![CDATA[
Հրապարակվել է աշխարհի 129 երկրների 2019թ. Ինովացիոն զարգացվածության վարկանիշային սանդղակը, որում առաջատար դիրքերում հիմնականում Եվրամիության երկրներն են: Ընդ որում՝ Շվեյցարիան 2011թ.-ից գլխավորում է սյունակը: Ցանկը եզրափակում է Եմենը:



Երկրների ինովացիոն զարգացման գնահատականը կազմելու համար հիմք են հանդիսացել 80 ցուցիչներ, որոնցից են՝ տրամադրված արտոնագրերի քանակը, գիտության և ինովացիայի զարգացման ֆինանսավորման հասանելիությունը, կրթության մակարդակը և նույնիսկ Վիկիպեդիայում հոդվածների թարմացումները: Հաշվի են առնվել նաև փորձագիտական կարծիքները:



Ինովացիոն զարգացվածությամբ Հայաստանն այս տարվա աղյուսակում 64-րդն է: Մեր երկրի զարգացվածության գործակիցը 33,98: Համեմատության համար նշենք, որ հարևան Վրաստանն ու Թուրքիան համապատասխանաբար 48 և 49-րդ հորիզոնականներում են, Ռուսաստանը՝ 46, Իրանը՝ 61, Ադրբեջանը՝ 84:



Թեև Հայաստանի այս տարվա ցուցանիշը դեռ հետ է 2017-ից տվյալներից, երբ 59-րդ տեղում էր, այնուամենայնիվ, 2018թ.-ի համեմատ բարձրացել է 4 կետով (68-րդ հորիզոնականում է եղել):



2019թ. Ինովացիոն զարգացվածության վարկանիշային աղյուսակ / ©currenttime.tv



Ամենամյա վարկանիշային աղյուսակը կազմում են INSEAD բիզնես-դպրոցը, Կորնելիի համալսարանը և Մտավոր սեփականության համաշխարհային կազմակերպությունը (WIPO): Հիմնական նպատակներն են՝ աջակցել տարբեր երկրներում որոշումներ են կայացնողներին, խթանել ինովացիոն աշխատանքները և գիտական հետազոտությունները:



Յուրաքանչյուր տարի կազմվում է ինովացիոն զարգացման վարկանիշային աղյուսակի որոշակի թեմա: Հաղորդվում է, որ այս տարի ընտրվել է բժշկությունը: Համաձայն ուսումնասիրությունների՝ բժշկական տեխնոլոգիաներն առավել արագորեն են զարգանում ասիական երկրներում՝ Չինաստանում, Հարավային Կորեայում, Վյետնամում, Թայլանդում և Ֆիլիպիններում:
]]></content:encoded>

            <link>https://shesht.am/news/arajyntac-e-grancel</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>