<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/923/feed"
        rel="self"
        type="application/rss+xml"
    />

    <lastBuildDate>Sun, 22 Nov 2026 13:08:19 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=21419</guid>

            <pubDate>Sat, 21 Nov 2026 07:05:16 +0000</pubDate>

            <title>Իրանը պահպանում է բանակցային առաջարկը, Թրամփը պայմաններն անընդունելի է համարում</title>

            <description><![CDATA[<p>Իրանի ԱԳ նախարար Աբբաս Արաղչին հայտարարել է, որ Թեհրանը շարունակում է ԱՄՆ-ի հետ հաղորդագրություններ փոխանակել միջնորդների միջոցով և պահպանում է համաձայնության հասնելու հույսը։ ԱՄՆ նախագահ Դոնալդ Թրամփը նոյեմբերի 20-ին ասել է, որ Իրանը ցանկանում է գործարք կնքել, սակայն իրեն ընդունելի պայմաններ չի առաջարկում։</p>
]]></description>

            
                <media:content
                    url="https://shesht.am/wp-content/uploads/2026/11/iran-diplomacy-cover.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Իրանը պահպանում է բանակցային առաջարկը, Թրամփը պայմաններն անընդունելի է համարում]]></media:description>

                </media:content>

            
            <content:encoded><![CDATA[
«Իրան» պետական թերթին տված հարցազրույցում Արաղչին նշել է, որ օրակարգում մնում է Թեհրանի երկօրյա առաջարկը։ Նրա նկարագրությամբ՝ առաջին օրը ԱՄՆ-ը պետք է կատարի նախատեսված պարտավորությունները, իսկ երկրորդ օրը Իրանը կբացի Հորմուզի նեղուցը, և կսկսվեն վերջնական համաձայնության շուրջ բանակցությունները։ Նախարարը շեշտել է, որ խոսքը բանակցությունները սկսելու, ոչ թե երկու օրում ավարտելու մասին է։



Արաղչիի խոսքով՝ Թեհրանը նախ ակնկալում է, որ Վաշինգտոնը հստակ կհայտարարի համաձայնության հասնելու ցանկության մասին և վստահության ամրապնդման քայլեր կձեռնարկի։ Նա հայտնել է, որ Իրանի ու ԱՄՆ-ի միջև հաղորդագրությունները փոխանցում են Քատարն ու Պակիստանը։



Հարստացված ուրանի պաշարների հարցում նախարարը վերահաստատել է Իրանի դիրքորոշումը․ նյութը չպետք է դուրս բերվի երկրից։ Միաժամանակ նա հնարավոր է համարել փոխընդունելի լուծում գտնելը՝ նշելով, որ միջնորդների առաջարկները պետք է քննարկվեն ընդհանուր համաձայնության փաթեթի շրջանակում։



Թրամփը Սպիտակ տանը կայացած ասուլիսում հայտարարել է, որ ցանկանում է Իրանի հետ իրական համաձայնություն, սակայն առաջարկվող պայմաններն իրեն չեն բավարարում։ Նա նաև ասել է, որ Չինաստանի ու Ռուսաստանի ղեկավարների հետ քննարկումներում անդրադարձել է Իրանի կողմից միջուկային զենք ձեռք բերելը կանխելու հարցին։



Reuters-ի նոյեմբերի 20-ի հաղորդմամբ՝ այդ շաբաթ Քատարի և Իրանի պաշտոնյաների հանդիպումը նպատակ ուներ մոտեցնել կողմերի առաջարկները։ Գործակալությունը նշում է, որ հակամարտությունը խաթարել է նավագնացությունն ու բարձրացրել համաշխարհային էներգակիրների գները։ Արաղչին ընդգծել է, որ Թեհրանը ձգտում է այնպիսի համաձայնության, որը կկանխի պատերազմի վերսկսումը։
]]></content:encoded>

            <link>https://shesht.am/news/iran-us-diplomacy-terms</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=21383</guid>

            <pubDate>Thu, 19 Nov 2026 18:05:34 +0000</pubDate>

            <title>ԱՄՆ-ը, Չինաստանն ու Ռուսաստանը պայմանավորվել են քննարկել միջուկային ռիսկերի նվազեցումը</title>

            <description><![CDATA[<p>Դոնալդ Թրամփը, Սի Ծինփինն ու Վլադիմիր Պուտինը նոյեմբերի 19-ին Շենժենում կայացած եռակողմ հանդիպումից հետո ընդունել են խաղաղության մասին համատեղ հռչակագիր։ Երեք երկրները հայտարարել են միջուկային ռիսկերի նվազեցման և միջուկային զենքի տարածումը կանխելու շուրջ երկխոսություն վարելու մտադրության մասին։</p>
]]></description>

            
                <media:content
                    url="https://shesht.am/wp-content/uploads/2026/11/summit-cover.jpg"
                                            type="image/jpeg"
                                        expression="full"
                >

                    <media:description type="plain"><![CDATA[ԱՄՆ-ը, Չինաստանն ու Ռուսաստանը պայմանավորվել են քննարկել միջուկային ռիսկերի նվազեցումը]]></media:description>

                </media:content>

            
            <content:encoded><![CDATA[
Սպիտակ տունը հրապարակել է չորս կետից բաղկացած փաստաթղթի ամբողջական տեքստը։ Դրանում առաջնորդները վերահաստատել են, որ միջուկային պատերազմում հնարավոր չէ հաղթել, և այն երբեք չպետք է սկսվի։



Հռչակագիրը չի սահմանում միջուկային զինանոցների կրճատման կոնկրետ պարտավորություններ կամ բանակցությունների մեկնարկի ժամկետ։ Այն նախատեսում է երկխոսություն ռիսկերի նվազեցման և զենքի չտարածման շուրջ՝ առանց զենքի վերահսկման նոր պայմանագիր ներկայացնելու։



Էներգետիկ ոլորտում ԱՄՆ-ը, Ռուսաստանն ու Չինաստանը հայտնել են նավթամթերքի արտադրությունն ու մատակարարումներն ավելացնելու ծրագրի մասին։ Կողմերը կարևորել են էներգակիրների կայուն հոսքերը, սակայն փաստաթղթում չեն նշել մատակարարումների հավելյալ ծավալներ կամ դրանց ապահովման ժամկետներ։



ՄԱԿ-ի Անվտանգության խորհրդի երեք մշտական անդամները նաև արտահայտել են ՄԱԿ-ը բարեփոխելու հանձնառություն՝ համաշխարհային մարտահրավերներին ավելի արդյունավետ արձագանքելու համար։ Հռչակագրում բարեփոխումների կոնկրետ կառուցվածքն ու իրականացման քայլերը չեն մանրամասնվում։



Առանձին կետով առաջնորդները կարևորել են պետությունների համաձայնության սկզբունքն ու պետական պաշտոնյաների անձեռնմխելիության հարգումը։ Նրանք համատեղ դիրքորոշում են հայտնել, որ Միջազգային քրեական դատարանը և նման կառույցները չպետք է չարաշահեն իրենց իրավազորությունը։



Associated Press-ը հաղորդում է, որ սա երեք երկրների առաջնորդների առաջին եռակողմ հանդիպումն էր։ Այն տեղի է ունեցել Ասիա-խաղաղօվկիանոսյան տնտեսական համագործակցության՝ APEC-ի գագաթնաժողովի շրջանակում։ Գործակալությունը նշում է, որ հրապարակված հռչակագիրը չի հիշատակում Ուկրաինայում Ռուսաստանի պատերազմը կամ Իրանի շուրջ պատերազմը և այդ հակամարտությունների կարգավորման կոնկրետ համաձայնություններ չի ներկայացնում։
]]></content:encoded>

            <link>https://shesht.am/news/trump-xi-putin-peace-declaration</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=21365</guid>

            <pubDate>Thu, 19 Nov 2026 10:10:43 +0000</pubDate>

            <title>Դանիայի խորհրդարանը վավերացրել է Գրենլանդիայի շուրջ ԱՄՆ-ի հետ համաձայնագիրը</title>

            <description><![CDATA[<p>Դանիայի խորհրդարանը նոյեմբերի 19-ին միաձայն հավանություն է տվել Գրենլանդիայի անվտանգության վերաբերյալ ԱՄՆ-ի հետ համաձայնագրին։ Փաստաթուղթն ընդլայնում է ամերիկյան ռազմական ներկայության հնարավորությունները՝ վերահաստատելով Դանիայի Թագավորության ինքնիշխանությունն ու գրենլանդացիների ինքնորոշման իրավունքը։</p>
]]></description>

            
                <media:content
                    url="https://shesht.am/wp-content/uploads/2026/11/greenland-cover.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Դանիայի խորհրդարանը վավերացրել է Գրենլանդիայի շուրջ ԱՄՆ-ի հետ համաձայնագիրը]]></media:description>

                </media:content>

            
            <content:encoded><![CDATA[
Ֆոլկետինգը համապատասխան որոշումը ընդունել է 109 կողմ ձայնով․ դեմ և ձեռնպահ քվեարկողներ չեն եղել։ Համաձայնագիրը սեպտեմբերի 22-ին Նյու Յորքում ստորագրել էին ԱՄՆ նախագահ Դոնալդ Թրամփը, Դանիայի վարչապետ Մետտե Ֆրեդերիկսենը և Գրենլանդիայի վարչապետ Յենս-Ֆրեդերիկ Նիլսենը։



Համաձայնագրով կողմերը լրացրել են 1951 թվականի պաշտպանական պայմանավորվածությունները։ Այն նախատեսում է Գրենլանդիայում ամերիկյան «Պիտուֆիկ» տիեզերական ռազմակայանի արդիականացում ու ընդլայնում, ինչպես նաև երկու նոր պաշտպանական տարածքի ստեղծում՝ Նարսարսուաքում և Մեստերսվիգում։ Դրանց օգտագործման տեխնիկական պայմանները պետք է համաձայնեցվեն կողմերի միջև։



Փաստաթուղթը ԱՄՆ-ին թույլ է տալիս Գրենլանդիայի տարածքն օգտագործել նաև «Ոսկե գմբեթ» հակահրթիռային պաշտպանության համակարգի ստեղծման նպատակով։ Այդ դրույթը թույլտվություն է նախատեսում, սակայն ինքնին չի նշանակում, որ համակարգի տարրերն արդեն տեղակայվել են կղզում։ Կողմերը նաև պարտավորվում են ՆԱՏՕ-ի շրջանակում ուժեղացնել Արկտիկայի պաշտպանության պլանավորումը, ներկայությունն ու զորավարժությունները։



Առանձին դրույթներ վերաբերում են շրջակա միջավայրի պահպանությանը և օտարերկրյա ներդրումների անվտանգության ստուգմանը։ Վերջինս ներառում է ռազմավարական ենթակառուցվածքներն ու բնական պաշարների արդյունահանումը՝ այն դեպքերում, երբ ներդրումները կարող են ազդել համաձայնագրի նպատակների վրա։



Ուժի մեջ մտնելու համար համաձայնագիրը պահանջում է դիվանագիտական նոտա, որով ԱՄՆ-ին կտեղեկացվի Դանիայում և Գրենլանդիայում անհրաժեշտ խորհրդարանական ընթացակարգերի ավարտի մասին։ Հետևաբար խորհրդարանի քվեարկությունը և փաստաթղթի ուժի մեջ մտնելը տարբեր իրավական փուլեր են։



«Ռոյթերսի» փոխանցմամբ՝ Գրենլանդիայի խորհրդարանը համաձայնագիրն արդեն վավերացրել էր նոյեմբերի սկզբին։ Պայմանավորվածությունը ձեռք էր բերվել այն լարվածությունից հետո, որն առաջացրել էին կղզու նկատմամբ վերահսկողություն հաստատելու Թրամփի հայտարարությունները։ Գրենլանդիան ինքնակառավարվող տարածք է Դանիայի Թագավորության կազմում։
]]></content:encoded>

            <link>https://shesht.am/news/denmark-greenland-security-deal</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=21333</guid>

            <pubDate>Wed, 18 Nov 2026 10:00:25 +0000</pubDate>

            <title>Թրամփը ժամանել է Շենժեն՝ Սի Ծինփինի ու Պուտինի հետ հանդիպման նախօրեին</title>

            <description><![CDATA[<p>ԱՄՆ նախագահ Դոնալդ Թրամփը նոյեմբերի 18-ին ժամանել է չինական Շենժեն, որտեղ մեկնարկել է Ասիա-խաղաղօվկիանոսյան տնտեսական համագործակցության (APEC) գործարար համաժողովը։ Բացման ելույթում Չինաստանի նախագահ Սի Ծինփինը կոչ է արել նվազեցնել առևտրային խոչընդոտները և ընդլայնել տարածաշրջանի տնտեսական համագործակցությունը։</p>
]]></description>

            
                <media:content
                    url="https://shesht.am/wp-content/uploads/2026/11/shesht-shenzhen-bay-apec.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Թրամփը ժամանել է Շենժեն՝ Սի Ծինփինի ու Պուտինի հետ հանդիպման նախօրեին]]></media:description>

                </media:content>

            
            <content:encoded><![CDATA[
Շենժենի գործարար համաժողովում Սի Ծինփինը առաջարկել է առաջ տանել Ասիա-խաղաղօվկիանոսյան ազատ առևտրի գոտու ստեղծման աշխատանքը։ Նա նաև կոչ է արել պաշտպանել Առևտրի համաշխարհային կազմակերպության վրա հիմնված բազմակողմ առևտրային համակարգը, հեշտացնել անդրսահմանային էլեկտրոնային առևտուրը և սերտացնել համագործակցությունը թվային տնտեսության ու արհեստական բանականության ոլորտներում։



Սին ասել է, որ Չինաստանը կնվազեցնի մաքսատուրքերը և օտարերկրյա ընկերությունների համար կընդլայնի իր շուկայի հասանելիությունը։ Ելույթում նա չի նշել, թե որ ապրանքների մաքսատուրքերը կնվազեն կամ երբ այդ փոփոխությունները կկատարվեն։



Սիի ելույթը հնչել է այն բանից հետո, երբ Վաշինգտոնը նոր սահմանափակումներ էր հայտարարել Չինաստանին արհեստական բանականության առաջատար չիպերի մատակարարման հարցում, հաղորդում է Reuters-ը։ Բացման ելույթում Չինաստանի նախագահը Միացյալ Նահանգներն ուղղակիորեն չի հիշատակել։



Համաժողովում ելույթ է ունեցել նաև Ռուսաստանի նախագահ Վլադիմիր Պուտինը՝ քննադատելով արևմտյան պատժամիջոցներն ու արտահանման սահմանափակումները։ Նույն օրը Սին ու Պուտինը երկկողմ հանդիպում են անցկացրել։ Չինաստանի արտաքին գործերի նախարարության հաղորդմամբ՝ կողմերը խոսել են, ի թիվս այլ հարցերի, առևտրի և ներդրումների շուրջ համագործակցության մասին։



Թրամփը Շենժեն է ժամանել Մանիլայից, որտեղ մասնակցել էր Հարավարևելյան Ասիայի երկրների ասոցիացիայի գագաթնաժողովին։ Չինաստանի արտգործնախարարությունը հայտնել է, որ Թրամփի, Սիի և Պուտինի եռակողմ հանդիպումը նախատեսված է նոյեմբերի 19-ին Շենժենում։
]]></content:encoded>

            <link>https://shesht.am/news/apec-shenzhen-trump</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=21309</guid>

            <pubDate>Tue, 17 Nov 2026 15:01:35 +0000</pubDate>

            <title>Quad-ի առաջնորդները Մանիլայում դեմ են արտահայտվել տնտեսական հարկադրանքին</title>

            <description><![CDATA[<p>ԱՄՆ-ի, Հնդկաստանի, Ճապոնիայի և Ավստրալիայի առաջնորդները նոյեմբերի 17-ին Մանիլայում հանդիպել են Quad-ի ձևաչափով՝ ավելի քան երկու տարվա ընդմիջումից հետո։ Նրանք մտահոգություն են հայտնել տնտեսական հարկադրանքի, այդ թվում՝ արտահանման կամայական սահմանափակումների կապակցությամբ։</p>
]]></description>

            
                <media:content
                    url="https://shesht.am/wp-content/uploads/2026/11/quad-manila-frame.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Quad-ի առաջնորդները Մանիլայում դեմ են արտահայտվել տնտեսական հարկադրանքին]]></media:description>

                </media:content>

            
            <content:encoded><![CDATA[
Հանդիպումն անցկացվել է Հարավարևելյան Ասիայի պետությունների ասոցիացիայի՝ ԱՍԵԱՆ-ի գագաթնաժողովի շրջանակում։ Դոնալդ Թրամփի, Նարենդրա Մոդիի, Սանաե Տակաիչիի և Էնթոնի Ալբանիզիի հանդիպման բաց հատվածը Սպիտակ տունը հրապարակել է իր կայքում։



Reuters-ը, վկայակոչելով հանդիպումից հետո ընդունված համատեղ հայտարարությունը, հաղորդել է, որ չորս առաջնորդները դեմ են նաև տարածաշրջանում հաստատված դրությունը ուժով կամ հարկադրանքով փոխելու միակողմանի քայլերին։ Հայտարարության՝ գործակալության մեջբերած հատվածում որևէ երկիր չի անվանվում։



Ավստրալիայի վարչապետ Ալբանիզին բանակցությունների թեմաներից առանձնացրել է կարևոր հանքանյութերի, այդ թվում՝ հազվագյուտ հողային տարրերի մատակարարումն ու ծովային անվտանգությունը։ Ճապոնիայի վարչապետ Տակաիչին շեշտել է տարածաշրջանի երկրների՝ ինքնուրույն որոշումներ կայացնելու հնարավորությունը։



Հնդկաստանի վարչապետ Մոդին համագործակցության ուղղությունների թվում նշել է մատակարարման շղթաների հուսալիությունն ու աղետներին արձագանքելը։ Թրամփը հայտարարել է, որ չորս երկրները համատեղ վարժանք կանցկացնեն ծովային պարեկային օդանավերի մասնակցությամբ։ Նա չի նշել վարժանքի վայրը։



Մանիլայի հանդիպումը Թրամփի ասիական այցի առաջին կանգառում էր։ Ըստ Associated Press-ի՝ Ֆիլիպիններից հետո նա նախատեսում է մեկնել Չինաստանի Շենժեն քաղաք՝ մասնակցելու Ասիա-խաղաղօվկիանոսյան տնտեսական համագործակցության գագաթնաժողովին։
]]></content:encoded>

            <link>https://shesht.am/news/quad-manila-summit</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=21183</guid>

            <pubDate>Fri, 13 Nov 2026 15:04:43 +0000</pubDate>

            <title>Թրամփը սպառնացել է կրկնապատկել մեքսիկական ապրանքների մաքսատուրքերը</title>

            <description><![CDATA[<p>ԱՄՆ նախագահ Դոնալդ Թրամփը հայտարարել է, որ կկրկնապատկի Մեքսիկայից ներմուծվող ապրանքների մաքսատուրքերը, եթե Մեխիկոն չկանգնեցնի դեպի ԱՄՆ շարժվող միգրանտների խմբերին։ Մեքսիկայի նախագահ Կլաուդիա Շեյնբաումի խոսքով՝ 2025 թվականի հունվարից ի վեր այդպիսի որևէ խումբ չի հասել ԱՄՆ-ի սահմանին։</p>
]]></description>

            
                <media:content
                    url="https://shesht.am/wp-content/uploads/2026/11/sheinbaum-2025.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Թրամփը սպառնացել է կրկնապատկել մեքսիկական ապրանքների մաքսատուրքերը]]></media:description>

                </media:content>

            
            <content:encoded><![CDATA[
Թրամփը նոյեմբերի 12-ին Truth Social-ում գրել է, որ Մեքսիկան պետք է անհապաղ կանգնեցնի դեպի հյուսիս շարժվող խմբերին, հակառակ դեպքում մաքսատուրքերը կկրկնապատկվեն։ Նա չի նշել, թե որ ապրանքների վրա կտարածվի հնարավոր բարձրացումը։



Շեյնբաումը նույն օրը մամուլի ասուլիսում ասել է, որ Չիապաս նահանգի Արիագա քաղաք հասած խմբում մնացել էր 100-ից պակաս մարդ։ Նրա խոսքով՝ Մեքսիկայի իշխանությունները միգրանտներին տեղեկացնում են սահմանը հատելու դժվարությունների մասին և օգնում նրանց անվտանգ վերադառնալ իրենց երկրներ։ Նա բացառել է խմբերը ցրելու համար ուժի կիրառումը։



Associated Press-ը հաղորդում է, որ Մեքսիկայի իշխանությունները նաև բանակցում են Հոնդուրասից եկած մեկ այլ խմբի հետ՝ առաջարկելով վերադառնալ հայրենիք։ Շեյնբաումը նշել է, որ ցանկացողները որոշ պայմաններով կարող են մնալ Մեքսիկայում։



Սպառնալիքը հնչել է այն պահին, երբ Վաշինգտոնն ու Մեխիկոն բանակցում են արդեն գործող մաքսատուրքերի շուրջ։ Մեքսիկան ձգտում է նվազեցնել, մասնավորապես, պողպատի, ալյումինի և բեռնատարների համար սահմանված դրույքաչափերը։



Բանակցություններն ընթանում են ԱՄՆ-ի, Մեքսիկայի և Կանադայի առևտրային համաձայնագրի վերանայմանը զուգահեռ։ ԱՄՆ առևտրային ներկայացուցչի գրասենյակը հուլիսին հայտնել էր, որ Վաշինգտոնը չի համաձայնել երկարաձգել համաձայնագիրն իր ներկայիս տեսքով։ Համաձայնագիրը շարունակում է գործել։



ԱՄՆ ֆինանսների նախարար Սքոթ Բեսենթը նոյեմբերի 13-ին CNBC-ին տված հարցազրույցում ասել է, որ լավատես է Մեքսիկայի և Կանադայի հետ առևտրային պայմանավորվածությունների հասնելու հարցում։ Նա չի մեկնաբանել Թրամփի սպառնալիքը։
]]></content:encoded>

            <link>https://shesht.am/news/trump-mexico-tariffs-migration</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=20883</guid>

            <pubDate>Wed, 04 Nov 2026 06:02:07 +0000</pubDate>

            <title>ԱՄՆ-ի դեմոկրատները միջանկյալ ընտրություններում մեծամասնություն են ստացել Սենատում</title>

            <description><![CDATA[<p>Նոյեմբերի 3-ի քվեարկության նախնական արդյունքներով՝ դեմոկրատները ԱՄՆ-ի Սենատում մեծամասնություն կազմելու համար բավարար թվով մանդատներ են ստացել։ Կուսակցությունը հանրապետականներից մանդատներ է վերցրել նաև Տեխասում և Կանզասում։</p>
]]></description>

            
                <media:content
                    url="https://shesht.am/wp-content/uploads/2026/11/capitol-usgs-cover.jpg"
                                            type="image/jpeg"
                                        expression="full"
                >

                    <media:description type="plain"><![CDATA[ԱՄՆ-ի դեմոկրատները միջանկյալ ընտրություններում մեծամասնություն են ստացել Սենատում]]></media:description>

                </media:content>

            
            <content:encoded><![CDATA[
Associated Press-ը ձայների հաշվարկի հիման վրա հայտնել է, որ հանրապետականները կորցնում են Սենատի վերահսկողությունը։ Գործակալության գնահատականը հիմնված է առանձին նահանգների ընտրությունների արդյունքների վրա։ Պաշտոնական ամփոփումը կատարվում է նահանգ առ նահանգ։



Հանրապետականներն ընտրություններին նախորդող Կոնգրեսում ունեին Սենատի 100 մանդատից 53-ը։ Ըստ Reuters-ի հաշվարկի՝ դեմոկրատները հանրապետականներից վերցրել են վեց մանդատ։ Դա բավարար է մեծամասնության համար, նույնիսկ եթե նրանք չպահպանեն իրենց մանդատները Միչիգանում ու Մինեսոտայում։



Տեխասում դեմոկրատ Ջեյմս Թալարիկոն առաջ է անցել նահանգի գլխավոր դատախազ, հանրապետական Քեն Փաքսթոնից։ Նահանգի պետքարտուղարի գրասենյակը նոյեմբերի 3-ի ուշ երեկոյան հրապարակել է նախնական հաշվարկը, ըստ որի՝ Թալարիկոն ստացել էր մոտ 4,55 միլիոն, իսկ Փաքսթոնը՝ 3,57 միլիոն ձայն։ AP-ն ու Reuters-ը Թալարիկոյին հաղթող են համարել՝ մինչև արդյունքների պաշտոնական հաստատումը։



Կանզասում Ադամ Համիլթոնը հաղթել է գործող սենատոր Ռոջեր Մարշալին, իսկ Օհայոյում Շերոդ Բրաունը՝ Ջոն Հասթեդին։ Reuters-ը հաղորդում է, որ դեմոկրատները հանրապետականների մանդատներ են շահել նաև Այովայում, Հյուսիսային և Հարավային Կարոլինաներում։



Սենատի մեծամասնության փոփոխությունն ազդելու է, թե ինչպես են քննարկվելու նախագահ Դոնալդ Թրամփի ներկայացրած թեկնածությունները։ Սենատը քվեարկում է նախագահի առաջադրած դաշնային դատավորների ու մի շարք բարձրաստիճան պաշտոնյաների նշանակումների հարցով։ Նոր Կոնգրեսի աշխատանքը, ըստ Սենատի հրապարակած կարգի, սովորաբար սկսվում է հունվարի 3-ին։
]]></content:encoded>

            <link>https://shesht.am/news/us-midterms-senate-majority-2026</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=20864</guid>

            <pubDate>Tue, 03 Nov 2026 11:02:17 +0000</pubDate>

            <title>ԱՄՆ-ում ընտրում են Կոնգրեսը․ քվեարկության է դրված 470 մանդատ</title>

            <description><![CDATA[<p>ԱՄՆ-ում նոյեմբերի 3-ին անցկացվում են միջանկյալ ընտրություններ՝ Ներկայացուցիչների պալատի բոլոր 435 և Սենատի 35 տեղերի համար։ Քվեարկությունը կորոշի, թե որ կուսակցությունը կվերահսկի Կոնգրեսի պալատները Դոնալդ Թրամփի նախագահական երկրորդ ժամկետի վերջին երկու տարիներին։</p>
]]></description>

            
                <media:content
                    url="https://shesht.am/wp-content/uploads/2026/11/capitol-usgs-cover.jpg"
                                            type="image/jpeg"
                                        expression="full"
                >

                    <media:description type="plain"><![CDATA[ԱՄՆ-ում ընտրում են Կոնգրեսը․ քվեարկության է դրված 470 մանդատ]]></media:description>

                </media:content>

            
            <content:encoded><![CDATA[
Դաշնային ընտրական հանձնաժողովը նոյեմբերի 3-ը նշում է որպես համապետական հերթական ընտրությունների օր։ Դաշնային ընտրություններից բացի՝ ընտրողները քվեարկում են նաև նահանգային և տեղական պաշտոնների համար։ Այս ընտրական շրջափուլում նահանգապետերի ընտրություններ են նախատեսված 36 նահանգում։



Միջանկյալ ընտրություններն անցկացվում են նախագահական երկու ընտրությունների միջև։ Ներկայացուցիչների պալատի անդամներն ընտրվում են երկու տարով, սենատորները՝ վեց։ Սենատի կազմը թարմացվում է փուլերով, ուստի այս անգամ քվեարկության է դրված 100 տեղերից 35-ը՝ ներառյալ արտահերթ ընտրությունները։



Ընտրություններին ընդառաջ հանրապետականները վերահսկում են երկու պալատները։ Reuters-ը նշում է, որ քվեարկության արդյունքից կախված կլինի Թրամփի օրակարգն առաջ մղելու հնարավորությունը։ Գործակալության գնահատմամբ՝ դեմոկրատների հաղթանակը մեկ կամ երկու պալատում կարող է նաև հանգեցնել վարչակազմի գործունեության վերաբերյալ նոր խորհրդարանական քննությունների։



Ներկայացուցիչների պալատում մեծամասնության համար անհրաժեշտ է 218 մանդատ։ Սենատում դեմոկրատներին հարկավոր է 51 տեղ, իսկ հանրապետականներին՝ 50, քանի որ ձայների հավասարության դեպքում փոխնախագահ Ջեյ Դի Վենսը կարող է վճռորոշ ձայն տալ։ Մինչ ընտրությունները Սենատում ուժերի հարաբերակցությունը 53–47 է՝ հօգուտ հանրապետականների։



Քվեարկության ժամերն ու ընթացակարգերը սահմանվում են նահանգային և տեղական մակարդակներում։ Օրինակ՝ Նյու Յորքի քաղաքային ընտրական խորհուրդը հայտնում է, որ տեղամասերը նոյեմբերի 3-ին աշխատում են տեղական ժամանակով ժամը 06:00-ից մինչև 21:00-ն։ Քաղաքում վաղաժամ քվեարկությունն անցկացվել է հոկտեմբերի 24-ից նոյեմբերի 1-ը։



Associated Press-ը զգուշացնում է, որ Կոնգրեսի վերահսկողության հարցը կարող է չպարզվել ընտրությունների գիշերը։ Որոշ նահանգներում փոստային քվեաթերթիկների հաշվարկը մի քանի օր է տևում։ Ընտրությունների արդյունքների պաշտոնական վավերացումը կատարում են նահանգների իրավասու մարմինները։
]]></content:encoded>

            <link>https://shesht.am/news/us-midterms-2026</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=20450</guid>

            <pubDate>Thu, 08 Oct 2026 19:27:24 +0000</pubDate>

            <title>«Թող ոչնչացնեն Լոս Անջելեսը»․ Թրամփի խոսքերը քննադատություն են առաջացրել</title>

            <description><![CDATA[<p>ԱՄՆ նախագահ Դոնալդ Թրամփի՝ Իրանի կողմից Լոս Անջելեսի և Սան Դիեգոյի հնարավոր ոչնչացման մասին հայտարարությունը հարուցել է Կալիֆորնիայի ղեկավարների քննադատությունը։ Երկու օր անց նա հայտարարել է, որ թույլ չի տա նման հարվածներ և կպաշտպանի ամերիկյան քաղաքները։</p>
]]></description>

            
                <media:content
                    url="https://shesht.am/wp-content/uploads/2026/10/trump-archive-2025.jpg"
                                            type="image/jpeg"
                                        expression="full"
                >

                    <media:description type="plain"><![CDATA[«Թող ոչնչացնեն Լոս Անջելեսը»․ Թրամփի խոսքերը քննադատություն են առաջացրել]]></media:description>

                </media:content>

            
            <content:encoded><![CDATA[
Հոկտեմբերի 5-ին Նեբրասկայի Գրանդ Այլենդ քաղաքում նախընտրական հանրահավաքի ժամանակ Դոնալդ Թրամփը, խոսելով Իրանի մասին, ասել է․ «Թող ոչնչացնեն Լոս Անջելեսը, թող ոչնչացնեն Սան Դիեգոն»։ Ելույթի սղագրությունը հրապարակել է Factba.se հարթակը։



Արտահայտությունը հնչել է Իրանի դեմ պատերազմի և դրա տնտեսական հետևանքների մասին խոսելիս։ Թրամփը երկրի անվտանգությունն ապահովելու համար վճարվող փոքր գին է հիշատակել, ապա անդրադարձել քաղաքների հնարավոր ոչնչացմանը։ Նա նաև պնդել է, որ պատերազմը շուտով կավարտվի, իսկ վառելիքի գները կնվազեն։



Լոս Անջելեսում և հարակից քաղաքներում մեծաթիվ հայեր են բնակվում։ ՀՀ գլխավոր հյուպատոսությունը նշում է, որ հատկապես հայաշատ է Գլենդելը, խոշոր հայկական համայնքներ կան նաև Բըրբանքում, Հոլիվուդում և Փասադենայում։ Հայկական համայնք կա նաև Թրամփի հիշատակած Սան Դիեգոյում։



Կալիֆորնիայի նահանգապետ Գևին Նյուսոմը Թրամփի հայտարարությունը գնահատել է որպես վտանգավոր՝ նրան մեղադրելով օտարերկրյա հակառակորդներին ամերիկյան քաղաքների վրա հարձակվելու կոչ անելու մեջ։



Լոս Անջելեսի քաղաքապետ Կարեն Բասը նույնպես քննադատել է նախագահին՝ նշելով, որ նրա խոսքերը կարող են վտանգել քաղաքի անվտանգությունը, փոխանցում է Reuters-ը։



Սպիտակ տան հաղորդակցությունների տնօրեն Սթիվեն Չունգը հակադարձել է, որ Թրամփի խոսքերը սխալ են մեկնաբանվել։ Նրա պարզաբանմամբ՝ նախագահը նկատի է ունեցել այն սպառնալիքը, որին ամերիկյան քաղաքները կբախվեին, եթե Իրանին չխանգարեին միջուկային զենք ձեռք բերել։



Հոկտեմբերի 7-ին Տեխասի Սան Անտոնիո քաղաքում Թրամփը կրկին անդրադարձել է Լոս Անջելեսին և Սան Դիեգոյին հնարավոր հարվածներին՝ այս անգամ ընդգծելով․ «Մենք թույլ չենք տա, որ դա տեղի ունենա։ Մենք պաշտպանում ենք մեր քաղաքները։ Մենք պաշտպանում ենք մեր երկիրը»։
]]></content:encoded>

            <link>https://shesht.am/news/trump-iran-los-angeles-san-diego</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=17341</guid>

            <pubDate>Sat, 09 Jan 2021 10:21:27 +0000</pubDate>

            <title>Թրամփի թիմը Twitter-ի համար նոր տարբերանշան է առաջարկել` ակնարկելով խոսքի ազատության բացակայությունը</title>

            <description><![CDATA[<p>ԱՄՆ գործող նախագահի օգտահաշիվը վերջնականորեն արգելափակվելուց հետո նրա աջակիցները սոցցանցի համար առաջարկել են նոր տարբերանշան` «Խորհրդային ոճով»` որպես խոսքի ազատության իսպառ բացակայության նշան:</p>
]]></description>

            
                <media:content
                    url="https://shesht.am/wp-content/uploads/2021/01/twit.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Թրամփի թիմը Twitter-ի համար նոր տարբերանշան է առաջարկել` ակնարկելով խոսքի ազատության բացակայությունը]]></media:description>

                </media:content>

            
            <content:encoded><![CDATA[
Թրամփի շտաբն արձագանքել է Թվիթերի` գործող նախագահի օգտահաշիվը լիովին արգելափակելու որոշմանը` «Թրամփի թիմ» միկրոբլոգում հրապարակելով սոցցանցի «նոր տարբերանշանը»:



Կապույտ թռչնի միագույն պատկերի փոխարեն «TrumpTeam»-ն առաջարկել է նույն թռչնին, սակայն արդեն խորհրդային ոճով` կարմիր գույնի թռչնի պատկեր` մուրճ ու մանգաղով:



Այդպիսի տարբերանշանն ԱՄՆ-ի գործող նախագահի շտաբը ներկայացրել է որպես ակնարկ` Միացյալ Նահանգներում խոսքի ազատության լիակատար բացակայության, ինչպիսին ժամանակին Խորհրդային Միությունում է եղել:



Ի սկզբանե Թվիթերը սկսել էր Թրամփի գրառումների մեծ մասը պիտակել որպես «ոչ հավաստի»: Ապա նրա օգտահաշիվը ժամանակավորապես էր արգելափակվել: Կապիտոլիումի վրա Թրամփի կողմնակիցների հարձակումից հետո հաշիվն ապաարգելափակել էին` հասկացնելով, որ Թրամփից հանդարտեցում են ակնկալում:



Սակայն մի քանի ժամ անց գործող նախագահի օգտահաշիվը, որն ուներ շուրջ 90 մլն հետևորդ, ընդմիշտ արգելափակվեց:



Որոշ ժամանակ անց արգելափակվեց նաև «Թրամփի թիմը», իսկ նախագահի հաղորդագրությունն այն մասին, որ սոցցանցն իրեն չի կարող պարտադրել լռել, հեռացվեց:



ԱՄՆ-ում այս կապակցությամբ կարծիքներն իրարամերժ են: Ուշագրավ է, որ սոցցանցի գործողությունը ողջունողներն ավելի քիչ են, քան` դատապարտողները: Շարքային ամերիկացիները հայտարարում են, որ խոսքի ազատության նկատմամբ այդպիսի ոտնձգություն Ամերիկայում երբեք չի եղել: Նշվում է, որ Թվիթերն իր գործողություններով միայն ուժեղացնում է Թրամփի կողմնակիցներին` մեծացնելով նախագահին աջակցող ամերիկացիների թիվը:
]]></content:encoded>

            <link>https://shesht.am/socialnet/nor-tarberanshan</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>