<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/curiosity/feed"
        rel="self"
        type="application/rss+xml"
    />

    <lastBuildDate>Sun, 15 Nov 2026 16:02:30 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=10307</guid>

            <pubDate>Wed, 15 Apr 2020 17:19:20 +0000</pubDate>

            <title>Curiosity-ի թիմն անցել է հեռավար աշխատանքի և շարունակում է տանից կառավարել մարսագնացը</title>

            <description><![CDATA[<p>NASA-յի Ռեակտիվ շարժման լաբորատորիայի աշխատակիցները պատմել են, թե ինչպես է իրենց հաջողվում Կարմիր մոլորակի վրա գտնվող ռովերի աշխատանքները կազմակերպել պանդեմիայի պայմաններում:</p>
]]></description>

            
                <media:content
                    url="https://shesht.am/wp-content/uploads/2020/04/nasa-curiosity-wfh.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Curiosity-ի թիմն անցել է հեռավար աշխատանքի և շարունակում է տանից կառավարել մարսագնացը]]></media:description>

                </media:content>

            
            <content:encoded><![CDATA[
Կորոնավիրուսային հիվանդության պանդեմիայով պայմանավորված՝ բոլոր երկրներում բազմաթիվ կազմակերպությունների ու ընկերությունների աշխատակիցներ անցել են հեռավար աշխատանքի (տանից)՝ Covid-19-ով չվարակվելու և դրանով բժիշկների ու բուժհաստատությունների ծանրաբեռնվածությունը նվազեցնելու համար: Նման միջոցառումների են բախվել նաև NASA-յի նրա կազմում գործող գիտահետազոտական կենտրոնների աշխատակիցները:



Մարսյան գիտական լաբորատորիայի անձնակազմը նույնպես հեռավար աշխատանքի է անցել: Կալտեխի ռեակտիվ շարժման լաբորատորիայի (JPL) աշխատակիցները խաղում են ընտանի կենդանիների հետ, մտերիմների հետ կիսում են աշխատանքային տարածքը, բայց դրա հետ մեկտեղ կառավարում են Curiosity մարսագնացը: Լաբորատորիան հեռավար աշխատանքի է անցել դեռևս մի քանի շաբաթ առաջ: Նրանք միմյանց միջև են բաժանել մոնիտորները և այլ սարքավորումները:



Սակայն ամեն ինչ չէ, որ հնարավոր էր տեղափոխել տուն. մասնագետները հիմնականում աշխատում են Մարս մոլորակից Curiosity-ի ուղարկած եռաչափ լուսանկարների հետ, իսկ դրա համար հատուկ ակնոցներ են պետք՝ դիտարկելու բոլոր մանրուքները և հասկանալու, թե որ ուղղությամբ պետք է ուղարկել մարսագնացին և ինչ հրամաններ տալ: Նման ակնոցներն իրենց հերթին բարձր արտադրողականությամբ համակարգիչներ են պահանջում՝ հզոր վիդեոքարտերով, ուստի, տնային դյուրակիր համակարգիչների միջոցով եռաչափ նկարներ դիտելու համար, նրանք անցել են անագլիֆային 3D ակնոցների:



Բացի այդ, Curiosity-ի թիմի անդամներն աշխատում են աշխարհի տարբեր հետազոտական ինստիտուտների հարյուրավոր գիտնականների հետ: Ու թեև նման շփումը հեռակա կարգով է, սակայն JPL-ի աշխատակիցները չեն համակերպվել միմյանցից հեռու աշխատելուն: Մասնագետները նշում են, որ Curiosity-ի գործողությունների հաջորդականության ցանկացած ծրագրավորման վրա աշխատում է շուրջ 20 մարդ, ովքեր համատեղ հաշվարկում և փորձարկում են հրամանները՝ միաժամանակ պահպանելով հաղորդակցությունը տասնյակ գործընկերների հետ:



Ալիսյա Օլբո / © NASA, JPL-Caltech



Խմբի ղեկավար Ալիսյա Օլբոն նշել է, որ սովորաբար իրենք նույն սենյակում են նստում, փոխանակվում են նկարներով ու տվյալներով: Մարդիկ ոչ մեծ խմբերով զրուցում են միմյանց հետ ամբողջ սենյակում:



Հեռավարին անցնելուց հետո Curiosity-ի թիմի անդամները ստիպված են իրենց սովորական աշխատանքն իրականացնել՝ միաժամանակ մի քանի տեսակոնֆերանս անցկացնելով և մեսենջերներում հաղորդակցվելով. այդ ամենի համար ներկայումս ծախսվում է 1-2 ժամ ավելի ժամանակ: Միևնույն ժամանակ՝ նման աշխատաձևի դեպքում մարսագնացին ուղղվող հրամանների թիվը սահմանափակվում է: Գիտահետազոտական խմբի ղեկավար Քերի Բրիջը, օրինակ, հրահանգավորում է 15 չատերով՝ համոզվելու, որ գիտնականների և ինժեներների միջև հաղորդակցությունն անհրաժեշտ մակարդակի վրա և աշխատանքներն իրականացվում են ըստ ծրագրի:



Քերի Բրիջն աշխատում է տանից / © NASA, JPL-Caltech



Հեռավարի արդյունքներից մեկն այն է, որ մարտի 20-ին, երբ առաքելության անդամներից ոչ ոք արդեն լաբորատորիայում չէր գտնվում, Curiosity-ին հրաման են արձակել, ինչի շնորհիվ ռովերը կարողացել է շաղափել հորատման վայրում (Էդինբուր), նմուշառում կատարել և հաշվետվությունն ուղարկել JPL՝ ինչպես և նախատեսված էր:



Բրիջի խոսքով` նոր իրավիճակին բոլորը քիչ թե շատ համակերպվել են, և մարսագնացի գործունեության ապահովման ուղղությամբ բոլոր ջանքերն արտացոլում են տիեզերական գործակալության ոգին: Բրիջը դա համարել է դասականություն, NASA-յի դասագիրք: Նրա խոսքով` խնդիր է ծագել, և իրենք պարզում են, թե ինչպես ամեն ինչի ստիպել աշխատել: Մարսը, ըստ նրա, տեղում կանգնած չէ, և իրենք շարունակում են հետազոտել այն:



Վերջին օրերին ԱՄՆ-ը կորոնավիրուսից մահացությունների թվով առաջին տեղում է: Պաշտոնական տվյալներով՝ այնտեղ մահացել է ավելի քան 26 հազար մարդ: Վարակվածների թիվն անցել է 610 հազարից: Հաջորդ տեղում Իսպանիան է՝ 177 հազարից ավելի վարակվածներով: Իտալիան 3-րդն է (162488):
]]></content:encoded>

            <link>https://shesht.am/stories/karavarel-marsagnacy</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=8667</guid>

            <pubDate>Thu, 05 Mar 2020 16:23:28 +0000</pubDate>

            <title>Curiosity ռովերը Մարսի մակերևույթի համայնապատկերն է նկարել՝ գերբարձր կետայնությամբ</title>

            <description><![CDATA[<p>NASA-ն հրապարակել է մարսյան բնաշխարհի լուսանկարները, որոնք արվել են Curiosity-ից և տիեզերական գործակալության համար ունեն ռեկորդային բարձր կետայնություն:</p>
]]></description>

            
                <media:content
                    url="https://shesht.am/wp-content/uploads/2020/03/11111.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Curiosity ռովերը Մարսի մակերևույթի համայնապատկերն է նկարել՝ գերբարձր կետայնությամբ]]></media:description>

                </media:content>

            
            <content:encoded><![CDATA[
NASA-յի Curiosity ինքնակառավարվող լաբորատորիան, որը 2012թ.-ից սկսած հավաքում և իրականացնում է Մարս մոլորակի հողաշերտի և մթնոլորտի բաղադրիչների հետազոտություն, ուղարկել է Կարմիր մոլորակի մակերևույթի համայնապատկերը: Այն ռեկորդային` 1,8 մլն կետայնություն ունի և 650 մլն պիքսել է:



Նկարահանումն արված է նախորդ տարվա նոյեմբերի 24-ից դեկտեմբերի 1-ը և կազմված է ավելի քան 1200 լուսանկարներից:



Գլեն Տորիդոնի շրջակայքը պատկերող լուսանկարը ստացվել է Mastcam ռովերի օգնությամբ: Այն համայնապատկեր ստեղծելու համար նախատեսված տելեօբյեկտիվ ունի՝ Malin Space Science Systems ընկերության (Սան Դիեգո):



Նկարի իրական տարբերակը 1,8 մլրդ պիքսել կետայնություն ունի / © NASA



Լուսանկարի տարբերակը` ռովերի հետ, կետայնությունը՝ 650 մլն պիքսել / © NASA



Բացի այդ, տիեզերական գործակալությունը տեսանյութ է հրապարակել, որտեղ պատմում է լուսանկարների որոշ հիմնական կետերի մասին:




https://youtu.be/X2UaFuJsqxk
Գործակալությունը պատմում է որոշ առանձնահատկությունների մասին / © NASA Jet Propulsion Laboratory



NASA-յի Ռեակտիվ շարժման լաբորատորիայի գիտնական Էշվին Վասավադան պատմել է, որ քանի դեռ իրենց խմբից շատերը տանը նստած էին, հնդկահավ ուտելով նշում էին Գոհաբանության օրը, Curiosity-ն աչքերի համար է տոն կազմակերպել: Նրա խոսքով՝ առաքելության ընթացքում առաջին անգամ գործունեությունը նվիրվել է ստերեոֆոնային 360 աստիճանանոց համայնապատկերին:



Ավելի վաղ մարսագնացը Կարմիր մոլորակի վրա հայտնաբերել էր թթվածնի մակարդակի բարձրացում և գտել էր բնական աղով հագեցած ապարներ:
]]></content:encoded>

            <link>https://shesht.am/news/gerbardzr-ketaynutyamb</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>