<?xml version="1.0" encoding="UTF-8"?>
<rss version="2.0"
     xmlns:content="http://purl.org/rss/1.0/modules/content/"
     xmlns:media="http://search.yahoo.com/mrss/"
     xmlns:atom="http://www.w3.org/2005/Atom">

<channel>

    <atom:link
        href="https://shesht.am/tag/the-lancet/feed"
        rel="self"
        type="application/rss+xml"
    />

    <lastBuildDate>Sun, 15 Nov 2026 18:04:59 +0000</lastBuildDate>

    <title>Շեշտ.am (shesht.am) - Feed</title>

    <description>Շեշտ.am – նորություններ եւ ոչ միայն</description>

    <link></link>

    
        
        <item>

            <guid isPermaLink="false">https://shesht.am/?p=17623</guid>

            <pubDate>Tue, 02 Feb 2021 15:57:00 +0000</pubDate>

            <title>«Սպուտնիկ-V»-ն 91,6% արդյունավետություն է ցուցաբերել հետազոտությունների վերջին փուլում</title>

            <description><![CDATA[<p>Փորձարկման մասնակիցների շրջանում մահվան 4 դեպք է գրանցվել. 3-ը` պատվաստման խմբում, 1-ը` պլացեբոյի: Առաջին խմբում մահվան մեկ դեպքը կապված է կոտրվածքների հետ, 2-ն ունեցել են ուղեկցող հիվանդություններ, որոնց զուգահեռ զարգացել են կորոնավիրուսի ախտանշանները:</p>
]]></description>

            
                <media:content
                    url="https://shesht.am/wp-content/uploads/2021/02/1041792.jpg"
                                            type="image/jpeg"
                                        expression="full"
                >

                    <media:description type="plain"><![CDATA[«Սպուտնիկ-V»-ն 91,6% արդյունավետություն է ցուցաբերել հետազոտությունների վերջին փուլում]]></media:description>

                </media:content>

            
            <content:encoded><![CDATA[
Առողջապահության բնագավառի համաշխարհային առաջատար պարբերականներից The Lancet-ը հրապարակել է ռուսական «Սպուտնիկ-V» պատվաստանյութի 3-րդ փուլի փորձարկումների ընթացիկ արդյունքները:



Հետազոտությունների ընթացքում ստուգվել են 19 հազար 866 կամավորների տվյալները: Նրանցից 14 հազար 964-ը պատվաստանյութ են ստացել, 4 հազար 902-ը` պլացեբո: Եզրափակիչ ստուգարքային կետին հասնելու պահին նրանց մոտ հայտնաբերվել է կորոնավիրուսով վարակվածության հաստատման 78 դեպք, որոնցից 62-ը` պլացեբո ստացածների շրջանում:



60 տարեկանից բարձր 2144 կամավորների համար պատվաստանյութի արդյունավետությունը կազմել է 91,8%: Վիճակագրորեն` թիվը չի տարբերվել 18-60 տարեկանների խմբում ստացված արդյունքից: Պատվաստանյութը նաև 100%-ով պաշտպանում է կորոնավիրուսի ծանր ընթացքից:



Նշվում է, որ պատվաստումը վնասակար հետևանքներ չի ունեցել: Դեպքերի մեծ մասը թեթև բնույթ է կրել և ի հայտ է եկել մրսածության ախտանշաններով, ներարկման հատվածի ցավով, գլխացավով և ընդհանուր թուլությամբ: Պատվաստանյութն ալերգիա և անաֆիլակտիկ շոկ չի հարուցում:



Անցանկալի երևույթները (այդ թվում` հնարավոր բարդացումները պատվաստանյութից, վերջինի հետ կապ չունեցող վատթարացում) գրանցվել են փորձարկումներին մասնակցած 68 կամավորների մոտ (45-ը` պատվաստանյութի խմբում, 23-ը` պլացեբոյի): Հաղորդվում է, անցանկալի երևույթներից ոչ մեկը կապ չի ունեցել պատվաստման հետ:



Փորձարկման մասնակիցների շրջանում մահվան 4 դեպք է գրանցվել. 3-ը` պատվաստման խմբում, 1-ը` պլացեբոյի: Առաջին խմբում մահվան մեկ դեպքը կապված է կոտրվածքների հետ, 2-ն ունեցել են ուղեկցող հիվանդություններ, որոնց զուգահեռ զարգացել են կորոնավիրուսի ախտանշանները: Դա տեղի է ունեցել պատվաստումից 4-5 օր անց, այսինքն` ելնելով հիվանդացության ինկուբացիոն շրջանից, նրանք վարակված են համարվում մինչև պատվաստումը:



«Սպուտնիկ-V»-ն ստեղծվել է Գամալեյի կենտրոնի և ՌԴ ՊՆ-ի կողմից: Այն կորոնավիրուսի դեմ պատվաստանյութերի շարքում առաջինն է գրանցում ստացել: Ներկայումս հաստատված է աշխարհի 16 երկրում: Հավելենք, որ նույն պատվաստանյութով են պատվաստվում նաև Արցախում տեղակայված ռուսական խաղաղապահ ուժերի զինծառայողները:
]]></content:encoded>

            <link>https://shesht.am/science/verjin-pulum</link>

            <author>info@shesht.am (Շեշտ.am (shesht.am))</author>

        </item>

    
        
        <item>

            <guid isPermaLink="false">https://shesht.am/?p=14591</guid>

            <pubDate>Fri, 04 Sep 2020 17:44:08 +0000</pubDate>

            <title>Covid-19-ի դեմ ռուսական պատվաստանյութի փորձարկման արդյունքները հրապարակվել են The Lancet ամսագրում</title>

            <description><![CDATA[<p>Գամալեի անվան Համաճարակաբանության և միկրոբիոլոգիայի ազգային հետազոտական կենտրոնի գիտնականները, ովքեր ստեղծել են «Սպուտնիկ-V» պատվաստանյութը, ներկայացրել են նրա փորձարկումների երկար սպասված առաջին հաշվետվությունը:</p>
]]></description>

            
                <media:content
                    url="https://shesht.am/wp-content/uploads/2020/09/sputnik-v.jpg"
                                            type="image/jpeg"
                                        expression="full"
                >

                    <media:description type="plain"><![CDATA[Covid-19-ի դեմ ռուսական պատվաստանյութի փորձարկման արդյունքները հրապարակվել են The Lancet ամսագրում]]></media:description>

                </media:content>

            
            <content:encoded><![CDATA[
Հռչակավոր գրաքննական բժշկական The Lancet ամսագիրը, որը հիմնադրվել է դեռ 19-րդ դարում, հրապարակել է SARS-CoV-2-ի դեմ ռուսական պատվաստանյութի՝ «Սպուտնիկ-V»-ի փորձարկումների առաջին 2 փուլերի արդյունքները: Պատվաստանյութը մշակվել է Գամալեի անվան Համաճարակաբանության և միկրոբիոլոգիայի ազգային հետազոտական կենտրոնը՝ Ուղիղ ներդրումների ռուսական հիմնադրամի հետ համագործակցությամբ՝ ադենովիրուսային վեկտորի հիման վրա (վիրուս, որի՝ վարակի զարգացման համար պատասխանատու գեները «հեռացված» են):



Դեղամիջոցի գրանցման մասին Ռուսաստանը հայտարարել էր մոտ մեկ ամիս առաջ. պատվաստանյութը փորձարկել են ամռանը՝ 18-60 տարեկան կամավորների մի քանի խմբերի նկատմամբ, Պաշտպանության նախարարությունում և Մոսկվայի պետական բժշկական առաջին համալսարանում (Սեչենովի անվան): Գրանցումից հետո հաջորդ փուլը մեկնարկում է այս շաբաթ, որի ընթացքում «Սպուտնիկ-V»-ն ներարկելու են 40 հազար փորձարկվողների:



Ռուս գիտնականների հաղորդմամբ՝ 2020թ. հունիսի 18-ից օգոստոսի 3-ը 76 մասնակից ներառվել է երկու հետազոտությունում (38-ական): Յուրաքանչյուր հետազոտությունում 9 կամավոր առաջին փուլում ստացել է rAd26-S (26-րդ տեսակի ադենովիրուսի ռեկոմբինանտային վեկտոր), 9-ը ստացել է rAd5-S (5-րդ տեսակի ադենովիրուսի ռեկոմբինանտային վեկտոր), ևս 20-ը՝ երկրորդ փուլում՝ rAd26-S և rAd5-S: Երկու պատվաստանյութն էլ անվտանգ են եղել և հեշտությամբ անցկացվել: Վնասակար հետևանքներ են եղել ներարկման հատվածի ցավը (44 [58%]), հիպերտերմիան (38 [50%]), գլխացավը (32 [42%]), աստենիան (21 [28%]), ինչպես նաև մկանային ցավ և հոդացավ (18 [24%]): Անցանկալի երևույթների մեծ մասը որոշակի են եղել, լուրջ խնդիրներ ի հայտ չեն եկել: Նշվում է, որ բոլոր մասնակիցների մոտ առաջացել են SARS-CoV-2-ի գլիկոպրոտեինի հակամարմիններ: Բջջային-միջնորդավորված պատասխան հայտնաբերվել է բոլոր մասնակիցների մոտ՝ 28 օր:



Հաղորդվում է, որ սեպտեմբեր ամսվա ընթացքում հրապարակվելու են կենդանիների վրա պատվաստանյութի փորձարկումների հետազոտությունները:



Ուղիղ ներդրումների ռուսական հիմնադրամում հերթական անգամ ընդծել են, որ բոլոր կամավորների մոտ ռուսական պատվաստանյութը կայուն, հումորալ և բջջային իմունային պատասխան է ձևավորել: Բացի այդ՝ մասնագետները լուրջ անցանկալի հետևանքներ չեն նկատել, այն դեպքում՝ երբ մրցակից պատվաստանյութերի մոտ դրանք 1-25% են կազմում:



Կամավորների մոտ վիրուսները չեզոքացնող հակամարմինների մակարդակը 1,4-1,5 անգամ գերազանցել է Covid-19-ով վարակվածների հակամարմիններից: Բրիտանական AstraZeneca-յի դեպքում, օրինակ, դրանք հավասար են եղել:



The Lancet-ի հրապարակումն այնքանով է կարևոր, որ պատվաստանյութի գրանցման նախօրեին Կլինիկական հետազոտությունների կազմակերպությունների ասոցիացիայի (ԿՀԿԱ, նրա կազմում են Bayer, AstraZeneca, Novartis և այլ ընկերություններ) ներկայացուցիչները խնդրել էին հետաձգել գրանցումը, քանի դեռ այն չի անցել մարդկանց վրա փորձարկման երրորդ փուլը և «վերջնական արտադրանք» չէ: ԿՀԿԱ-յի կարծիքով՝ առաջին թեստերը կատարվել են միայն մի քանի տասնյակ մարդկանց վրա, այն դեպքում, երբ վերջին փուլին մասնակցելու են հազարավոր կամավորներ:



Դիմումի հեղինակներն օրինակ էին բերել այլ երկրներում մշակվող 26 թեկնածու-պատվաստանյութերը, որոնք արդեն նախորդ փուլերի արդյունքների նախնական հրապարակումներն ունեն: Նշվել է, որ արագ գրանցումը Ռուսաստանին այլևս առաջատար չի դարձնի, ընդհակառակը՝ պատվաստանյութի վերջնական սպառողների կողմից անցանկալի զգուշության կարող է հանգեցնել:



Օրերս նաև հայտնի էր դարձել, որ օգոստոսի 27-ին ԱՄՆ-ի Հիվանդությունների վերահսկման և կանխարգելման կենտրոնները 50 նահանգներին նամակ են հղել՝ խնդրելով արագացնել կորոնավիրուսի պատվաստանյութի լիցենզավորումը, նախապատրաստել զանգվածային պատվաստման ցանց:
]]></content:encoded>

            <link>https://shesht.am/science/lancet-amsagrum</link>

            <author>info@shesht.am (Շեշտ.am (shesht.am))</author>

        </item>

    
</channel>

</rss>