Ավստրալացի գիտնականները հայտնաբերել են, որ աշխարի ամենաթունավոր սարդի թույնի Hi1a սպիտակուցը կանխում է «մահվան ազդանշանի» անցումը: Արդյունքում բջիջների ոչնչացումը հապաղում է, իսկ ինֆարկտ տարած պացիենտների ողջ մնալու հավանականությունը` մեծանում:
Ավստրալացի գիտնականները դեղամիջոց են ստեղծել, որը կարող է սրտամկանի ինֆարկտ (միոկարդիտի ինֆարկտ, «սրտի կաթված») տարած բազմաթիվ մարդկանց կյանքեր փրկել: Հատկանշական է համարվում, որ այն ստեղծվել է աշխարհի ամենաթունավոր սարդի (Agelenidae) թույնի մեջ պարունակվող նյութի հիման վրա:
Սրտի նոպայից հետո արյան հոսքը դեպի սիրտը նվազում է, ինչը հանգեցնում է սրտամկանում թթվածնի անբավարարությանը: Սա իր հերթին հանգեցնում է նրան, որ բջջային միջակայքը դառնում է թթու, և մոլեկուլային մակարդակում օրգանիզմը մահվան ազդանշան է հաղորդում սրտի բջիջներին:
Չնայած տասնամյակներ տևած հետազոտություններին, մինչ օրս ոչ ոքի չի հաջողվել դեղամիջոց ստեղծել, որը կկանգնեցնի այդ «մահվան ազդանշանը»: Ներկայումս կլինիկական պրակտիկայում չկա նաև դեղամիջոց, որը կկանխի ինֆարկտի և սրտի նոպայի հետևանքները:
Քվինսլենդի համալսարանի և Նոր Հարավային Ուելսի համալսարանի` Վիկտոր Չանի անվան կարդիոլոգիական հետազոտությունների ինստիտուտի հետազոտողները հայտնաբերել են, որ Ֆրեյզեր կղզում բնակվող սարդի թույնի Hi1a սպիտակուցն արգելափակում է թթվի նկատմամբ զգայուն իոնային ալիքները` թույլ չտալով նրանցով «մահվան ազդանշանի» անցումը: Արդյունքում բջիջների ոչնչացումը հապաղում է, իսկ ինֆարկտ տարած պացիենտների ողջ մնալու հավանականությունը` մեծանում:
Բացի այդ, հեղինակների կարծիքով, Hi1a սպիտակուցի հիման վրա ստեղծված դեղամիջոցը կարող է էականորեն երկարացնել դոնորային սրտերի կյանքը: Դա ոչ միայն կօգնի հազարավոր մարդկանց, ովքեր ամբողջ աշխարհում ամեն տարի ինֆարկտ են տանում, այլև հույս կտա փոխպատվաստմանը սպասողներին:
Գիտնականները ներկայումս Hi1a սպիտակուցը փորձարկել են մարդու սրտի բջիջների վրա, իսկ ապագայում նախատեսում են լիարժեք կլինիկական փորձարկում իրականացնել: Հեղինակները հուսով են, որ իրենց ստեղծած դեղամիջոցը արդյունավետ կօգտագործվի շտապօգնության բժիշկների կողմից, այդ թվում` հեռավոր բնակավայրերի բնակիչների կյանքը փրկելով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…