Սիչուանի համալսարանի չինացի գիտնականները 3D տպիչի օգնությամբ, առանց վիրահատական միջամտության, մկների մեջքին մարդու ականջներ են աճեցրել: Այս տեխնոլոգիայի օգնությամբ կարող է հնարավոր դառնալ մարդու մարմնի այլ՝ վնասված կամ թերաճած մասերի վերականգնումը:
Նոր տեխնոլոգիան թույլ է տալիս եռաչափ տպիչն օգտագործել մարմնի ներսում՝ ի տարբերություն կողոսկրի, ծնոտի, «արտամարմնային» մասերի փորձի:
Գիտնականները սկզբում հիդրոգելի մասնիկներից կենսաբանական թանաք են լցրել մկների մեջքին, ապա մոտակա ինֆրակարմիր ճառագայթման միջոցով ականջի կառուցվածք են հաղորդել: Ճառագայթումը միացրել է մասնիկները և կառուցվածքի շերտերով ականջի տեսք ստացել: Հաջորդ ամսվա ընթացքում կռճիկավոր բջիջներ են աճել հիդրոգելային կառուցվածքների շուրջը՝ հիշեցնելով ականջի կռճիկային կառուցվածքը: Ընդ որում՝ մկների մոտ կողմնակի ազդեցություններ չեն նկատվել:
Հետազոտության ղեկավար Մալինգ Գոուի խոսքով՝ այս մեթոդը կարող է կիրառվել, օրինակ, մարդկանց վրա, ովքեր ծնվել են ականջի խեցու բնածին դեֆորմացիայով (Microtia):
Մաքգիլի համալսարանից Դերեք Ռոզենգվեյցը նշել է, որ 3D տպման այսպիսի ոչ վիրահատական տեխնիկան կարելի է օգտագործել ձեռքի, ոտքի մատների կամ արմունկի վնասված կռճիկների վերականգնման համար: Նրա խոսքով՝ ազդրային խնդիրները վերացնելը բարդ կլինի, քանի որ ինֆրակարմիր ճառագայթումը ներազդում է մինչև 2 սանտիմետր խորության վրա:
Այդուհանդերձ՝ Գոուն հույս է հայտնել, որ նոր տեխնոլոգիան կկատարելագործվի, և ապագայում հնարավոր կլինի ստեղծել նաև մարմնի այլ՝ ավելի բարդ մասեր, ինչպիսիք են սիրտն ու թոքերը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…