Պատվաստանյութը ստեղծողները կամավոր կերպով սեփական արտադրությունը ներարկել են իրենց և, ինչպես հաղորդվում է, հաջողության են հասել: Կենտրոնի աշխատակիցներն այդ քայլին գնացել են՝ գիտակցելով դրա անվտանգությունն ու այն պատասխանատվությունը, որն առկա է դեղամիջոցի ստեղծման գործընթացում:
Գամալեի անվան համաճարակաբանության և միկրոբիոլոգիայի ազգային հետազոտական կենտրոնի (ՌԴ) աշխատակիցների մոտ, ովքեր իրենց վրա էին փորձարկել կորոնավիրուսի դեմ սեփական արտադրության պատվաստանյութը, արյան մեջ հայտնաբերվել են SARS-CoV-2-ի հակամարմիններ: Այդ մասին հայտնել է Կենտրոնի տնօրեն Ալեքսանդր Գինցբուրգը՝ նշելով, որ խոսքը հենց պրոտեկտիվ, վիրուսչեզոքացնող հակամարմինների մասին է:
Պատվաստանյութը ներարկվել է դրա մշակմանը մասնակցած բոլոր աշխատակիցներին: Ներարկումը կրել է կամավոր բնույթ: Գինցբուրգի խոսքով՝ Կենտրոնի աշխատակիցներն այդ քայլին գնացել են՝ գիտակցելով դրա անվտանգությունն ու այն պատասխանատվությունը, որն առկա է դեղամիջոցի ստեղծման գործընթացում:
Դեղամիջոցը ստեղծվել է ադենովիրուսային վեկտորի (վիրուս, որի՝ վարակի զարգացման համար պատասխանատու գեներն առանձնացված են): Նման վեկտորը SARS-CoV-2 կորոնավիրուսի գեները հասցնում է բջիջներին և նպաստում հակավիրուսային իմունագլոբուլինների արտադրմանը:
Պատվաստանյութի նախատիպը ներկայումս մինչկլինիկական փորձարկումների վերջին փուլն է անցնում՝ կապիկների ու կրծողների վրա: Գինցբուրգն ավելի վաղ հաստատել էր, որ դեղամիջոցը ցածր տոքսիկություն է ցուցաբերել, ինչպես նաև՝ բարձր իմունագենություն և անվտանգություն: Եթե մինչև փորձարկումների ավարտը պատվաստանյութի հետ ոչ մի խնդիր չառաջանա, հունիսին կսկսվեն փորձարկումները մարդկանց վրա:
Պատվաստանյութը ստեղծողները հույս ունեն, որ զանգվածային կիրառումը կսկսեն արդեն աշնան սկզբին: Գինցբուրգի կարծիքով՝ պատվաստման գործընթացը կտևի կես տարուց մինչև 9 ամիս:
Ներկայումս ամբողջ աշխարհում մշակման փուլում են գտնվում կորոնավիրուսի դեմ հեռանկարային շուրջ 100 պատվաստանյութեր: Նրանցից մի քանիսն արդեն դուրս են եկել մարդկանց վրա փորձարկումների փուլ: Սակայն Առողջապահության համաշխարհային կազմակերպությունը նախազգուշացնում է, որ անվտանգ նախատիպից դեպի աշխատանքային պատվաստանյութի անցումը կարող է տևել մեկ տարուց ավելի:
Չինացի իմունաբաններն ավելի վաղ պատմել էին դեղամիջոցի ստեղծման մասին, որը հեղինակների կարծիքով կարող է համավարակն ավելի վաղ ու արդյունավետ կանգնեցնել, քան՝ պատվաստումը: Նրանց ամերիկյան գործընկերները Moderna ընկերությունից հայտարարել են, որ հաջողությամբ անցկացրել են սեփական արտադրության պատվաստանյութի փորձարկումների առաջին փուլը՝ մարդկանց վրա:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…