Բրիտանական Կոլումբիայի համալսարանի գիտնականները համարում են, որ հնդկական և պակիստանական Ատոմային մի շարք էլեկտրակայաններ կարող են լրջորեն տուժել այդ տարածաշրջանում սկիզբ առնող ուժգին երկրաշարժերի ու ցունամիների հետևանքով, ինչը կհանգեցնի ռադիացիայի արտահոսքի:
Ցունամին կարող է սպառնալ մի շարք ԱԷԿ-ների / © Ranjit Devraj
Խոսքը վերաբերում է Արաբական ծովին մոտ գտնվող ԱԷԿ-ներին, որոնց հովացման համար հենց ծովի ջուրն է օգտագործվում: Միևնույն ժամանակ համարվում է, որ այս տարածաշրջանը սեյսմիկ առումով վտանգավոր է Մակրանի խորասուզման (սուբդուկցիայի) պատճառով: Համարվում է, որ բարձր ամբարտակների կառուցումը կարող է նվազեցնել նմանատիպ վտանգները: Սակայն տնտեսական առումով այդօրինակ որոշումն արտադրվող էներգիայի ինքնարժեքի վրա կազդի:
Հետազոտության հեղինակների համոզմամբ՝ Հինդուստանի արևմտյան ափին ցունամիների առաջացման վտանգները չեն գնահատվել: Վերջին հզոր երկրաշարժը՝ 8,1 բալ, գրանցվել է 1945թ.: Սակայն, բացի այդ, գիտնականներն իրենց ուսումնասիրություններում տարբեր ապացույցներ են օգտագործել, այդ թվում՝ պորտուգալացի նավաստիների, կատարել են ծովից շատ հեռու՝ Կելշի գյուղի մոտ հայտնաբերված խեցիների ռադիոածխածնային վերլուծություն: Գիտնականների համոզմամբ՝ դրանք այստեղ են հասել ցունամիների հետևանքով, որոնք առաջացել են 9 բալանոց երկրաշարժերից՝ հենց Մակրանի խորասուզման տարածքում:
Հետազոտողները համարում են, որ ցունամին ավերածություններ կգօրծի Հնդկաստանի, Պակիստանի, ինչպես նաև Օմանի ափերին: Ափամերձ գոտում գտնվող Ատոմային էլեկտրակայանները նույնպես կարող են վնասվել՝ հանգեցնելով ռադիացիայի արտանետման:
Նմանատիպ ողբերգական զարգացում տեղի է ունեցել 2011թ.՝ Ճապոնիայում, երբ ուժգին երկրաշարժին հաջորդել էր ավերիչ ցունամին: Այն պատճառ էր դարձել երկրում բազմաթիվ ավերածությունների, խոշոր վթար էր տեղի ունեցել Ֆուկուսիմայի ատոմակայանում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…