Իրականացված հարցումների տվյալները ցույց են տալիս, որ մարդիկ չեն ցանկանում ուսումնասիրել պատվաստման վերաբերյալ գիտական տեղեկությունները, այլ հակված են ի գիտություն ընդունելու առավելապես քաղաքական նախասիրություններից բխող տեսությունները:
Բողոքի ցույց՝ ընդդեմ պատվաստման / © David McNew/Getty Images
Մի քանի օր առաջ Yahoo News-ի և YouGov-ի կողմից արված հարցոմները ցույց են տվել, որ բազմաթիվ ամերիկացիներ հավատում են կորոնավիրուսի դեմ պատվաստանյութի վերաբերյալ կոնսպիրոլոգիական տեսությանը: Հարցումների համաձայն՝ Covid-19-ի դեմ պատվաստումը Microsoft-ի հիմնադիր Բիլ Գեյթսի խորամանկ ծրագրի մաս է, ով ցանկանում է վերահսկել միլիարդավոր մարդկանց տեղաշարժն ու գործողությունները:
Ենթադրվում է, որ պատվաստանյութի հետ մեկտեղ մարդու օրգանիզմում չիպ՝ «էլեկտրոնային նշում» են տեղադրելու: Դավադրության տեսության տարբեր վարկածներում այդ չիպի գործառույթները տարբերվում են. գտնվելու վայր, անպիտաններին սպանելու նպատակով՝ ուռուցքների առաջացում և այլն: Ընդհանուր առմամբ՝ Գեյթսի չարագործ ծրագրերին հավատում է ամերիկացիների գրեթե 1/3-ը՝ 28%-ը:
Ուշագրավ է, որ նման տեսությունների նկատմամբ հավատն ԱՄՆ-ում հստակ համապատասխանում է քաղաքացիների քաղաքական հայացքներին: Չիպով պատվաստանյութի վերաբերյալ կոնսպիրոլոգիական տարբերակը կիսում է հանրապետականների 44%-ը, իսկ դեմոկրատներից՝ ընդամենը 19%-ը: Ներկայիս նախագահ Դոնալդ Թրամփն այդ պաշտոնին առաջադրվել է հենց Հանրապետական կուսակցության կողմից:
Քաղաքական հայացքների և կոնսպիրոլոգիական տեսությունների համադրումը հանրության համար վտանգավոր է: Հարցի տեխնիկական և գիտական տարրերի մասին մտածելու փոխարեն մարդիկ ընդունում են այն, ինչ ներկայացնում են իրենց վստահությունը վայելող քաղաքական գործիչները:
Հարցումները նաև ցույց են տալիս, որ «սեփական իրականության ընտրության» արդյունքը խախտում է գործնականում ցանկացած տեղեկատվության ընկալում, որը վերաբերում է Covid-19-ին՝ պատվաստումից մինչև մահացածների քանակ: Բնակչության ճնշող մեծամասնությունը կամ «շատ» (56%) կամ «մի քիչ» (30%) է անհանգստացած «կորոնավիրուսի վերաբերյալ կեղծ կամ մոլորեցնող տեղեկություններից»: Ընդ որում` հարցումների այս կետերում դեմոկրատների ու հանրապետականների մեծամասնությունը միմյանց հետ համամիտ են:
Իսկ ահա ապատեղեկատվության աղբյուրների վերաբերյալ տարբեր քաղաքական ուժերի ներկայացուցիչների կարծիքները տարբեր են: Ըստ դեմոկրատների՝ խեղաթյուրված կամ միտումնավոր կեղծ տեղեկություն վիրուսի մասին ավելի շատ տարածում է ԱՄՆ նախագահի աշխատակազմը: Հանրապետականները կեղծիքի տարածման մեջ մեղադրում են ԶԼՄ-ներին:
Համավարակի ընթացքի, վիրուսի առանձնահատկությունների և պատվաստանյութերի հնարավորությունների մասին տվյալների առատությունը հանգեցնում է նրան, որ ԱՄՆ բազմաթիվ բնակիչներ կհրաժարվեն պատվաստումներից: Հարցվածների ընդամենը 50%-ն է վստահաբար պատասխանել, որ պատրաստ է Covid-19-ի դեմ պատվաստվելուն. ցուցանիշը նույն կազմակերպությունների կողմից մայիսի սկզբին կատարված հարցման տվյալների համեմատ նվազել է 5%-ով: Իսկ ահա այն մարդկանց թիվը, ովքեր մտադիր չեն պատվաստվել, աճել է՝ 19-ից դառնալով 23%:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…