Կանաչ արյուն ունի Կամբոջայում հայտնաբերված գորտի տեսակներից մեկը: Բայց կան մարդիկ, ովքեր նույնպես կանաչ արյուն ունեն:
Արյան կարմիր գույնը նրա բաղադրությունում առկա հեմոգլոբինով է պայմանավորված, որը թթվածինը տեղափոխող նյութն է: Սակայն բազմաթիվ անողնաշարավորներ թթվածնի տեղափոխության համար հեմոգլոբին չեն օգտագործում, այլ՝ այնպիսի նյութեր, որոնց «գործառնական մասը» կազմում են տարբեր մետաղների իոնները: Մասնավորապես, բազմաթիվ կակղամորթների, հատվածոտանիների և որոշ այլ կենդանիների արյունը պարունակում է պղնձի իոններից բաղկացած նյութ՝ հեմոցիանին:
Այն հաճախ արյանը կապույտ գույն է հաղորդում, իսկ երբեմն (օրինակ՝ սիպելների մոտ)՝ կապտականաչ: Կանաչ արյուն ունի Կամբոջայում հայտնաբերված գորտի տեսակներից մեկը: Նրա մոտ արյան գույնը պայմանավորված է բիլիվերդին նյութով, որը ձևավորվում է լյարդում (նաև՝ մարդու մոտ), որպես հեմոգլոբինի անկման միջանկյալ արտադրանք, և հենց նա էլ լեղիին կանաչ գույն է հաղորդում: Սակայն, ի տարբերություն մեզ, գորտի մոտ այն լեղիի հետ դուրս չի գալիս աղիներ, այլ վերադառնում է արյան մեջ:
Կամբոջական Chiromantis samkosensis տեսակի գորտի մաշկը թափանցիկ է, ինչի շնորհիվ պարզ երևում է մարմնով հոսող կանաչ արյունը: Այս առավելությունը նրան հնարավորություն է տալիս աննկատ մնալ արևադարձային թփուտներում:
Կանաչ արյուն մարդու մոտ էլ է լինում: Դա հազվադեպ է պատահում, երբ արյան մեջ ծծմբային միացությունների գերավելցուկ է առաջանում (օրինակ՝ այդ նյութը պարունակող դեղորայքի չարաշահման դեպքում): Ծծումբը հեշտությամբ միաձուլվում է հեմոգլոբինի հետ: Ստացված միացությունը՝ սուլֆոհեմոգլոբինը, արյանը հաղորդում է մուգ կանաչ գույն, ինչպես, օրինակ, ավոկադոյի կեղևն է: Սովորաբար կանաչ գույնի արյուն ունեցողներին այդ հանգամանքը չի անհանգստացնում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…