Դինամիկ քարտեզը ցույց է տալիս, որ Ռուսաստանի մայրաքաղաքում վնասակար նյութերի քանակն էականորեն նվազել է, ընդ որում՝ քաղաքի բոլոր շրջաններում:
Մոսկվայի օդի աղտոտվածությունը նվազել է / © mos.ru
Կարանտինային միջոցառումների աստիճանական խստացումը հանգեցրել է նրան, որ Ռուսաստանի մայրաքաղաքը դատարկվում է: Հայտարարված հանգստյան օրերի շնորհիվ մարդկանց մի մասը տանն է, իսկ մյուսներն արդեն հեռավար են աշխատում:
Նման իրավիճակը հանգեցրել է մեգապոլիսի օդի որակի էական բարելավմանը: Greenpeace էկոլոգիական կազմակերպությունն իր կայքում ինտերակտիվ քարտեզի օգնությամբ ցույց է տվել, թե ինչպես է ժամանակի ընթացքում փոխվել քաղաքում վնասակար արտանետումների քանակը:
Ծառայությունը հնարավորություն է տալիս դիտել արտանետումների ծավալը՝ ըստ քաղաքի տարբեր շրջանների և աղտոտվածության տարբեր տեսակների: Ընդհանուր առմամբ ցուցանիշներում հասանելի են 15 տեսակի արտանետումներ, օրինակ՝ ազոտի դիօքսիդ և մոնոօքսիդ, մեթան, ծծմբաջրածին, ամոնիակ, ֆորմալդեհիդ, կախույթային մասնիկներ:
Ինտերակտիվ քարտեզը նաև հնարավորություն է տալիս ընտրել ժամանակահատված՝ արտանետումների ծավալի համեմատության համար: Հասանելի է նաև Մոսկվայի տարբեր վայրերում տոքսիկ նյութերի կոնցենտրացիաների աղյուսակը և ուղեցույց՝ առավել հասանելի կոնցենտրացիաների վերաբերյալ:
Ծառայության տվյալները ցույց են տալիս, որ դեռևս մեկ շաբաթ առաջ մոսկովյան օդում ծծմբի դիօքսիդի, ազոտի դիօքսիդի և մինչև 10 մկմ չափով կախույթային մասնիկների կոնցենտրացիան բավականին բարձր էր: Այց ցուցանիշները նվազել են ընդհուպ մինչև անվտանգ մակարդակի:
Ցավոք, առանց խիստ անհրաժեշտության տանից դուրս գալը չի խրախուսվում: Ուստի խորհուրդ է տրվում հաճախակի օդափոխել ինքնամեկուսացման վայրը:
Ավելի վաղ նման իրավիճակ դիտարկվել էր նաև Չինաստանում: Կարանտինային խիստ միջոցառումներից ու արտադրության մասնակի դադարեցումից հետո այնտեղ ամբողջ երկրում օդի որակը բարձրացել էր, ինչը հնարավոր է տեսնել արբանյակային լուսանկարներում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…