ԵԱՏՄ երկրների միջև ռոումինգը կչեղարկվի 2025 թվականին — Շեշտ.am (shesht.am)
3 րոպե
Խմբագրություն

ԵԱՏՄ երկրների միջև ռոումինգը կչեղարկվի 2025 թվականին

Եվրասիական տնտեսական հանձնաժողովի Մրցակցության և հակամենաշնորհային կարգավորման նախարար Արման Շակալիևի խոսքով` առանց ռոումինգի զանգելու հնարավորությունն ազատ շփման հիմք է և դրանով իսկ` առանցքային պայման աշխատանքային միգրանտների տեղաշարժի և ձեռնարկատերերի համար:

ԵԱՏՄ երկրների միջև ռոումինգը կչեղարկվի 2025 թվականին / © RG

Եվրասիական տնտեսական հանձնաժողովի (ԵԱՏՀ) Մրցակցության և հակամենաշնորհային կարգավորման նախարար Արման Շակալիևը նշել է, որ 2025 թվականից Եվրասիական տնտեսական միության (ԵԱՏՄ) անդամ-երկրները կկարողանան միմյանց զանգել ներքին սակագներով` առանց ռոումինգի («ինչպես տանը»):

Նախարարի խոսքով` առանց ռոումինգի զանգելու հնարավորությունը ազատ շփման հիմք է և դրանով իսկ` առանցքային պայման աշխատանքային միգրանտների տեղաշարժի և ձեռնարկատերերի համար: Միասնական սակագների սահմանումն անհրաժեշտ է իրագործել ԵԱՏՄ 5 անդամ-պետությունների կապի օպերատորների և կարգավորիչների հետ պայմանավորվածությունների միջոցով:

Շակալիևը նշել է այն խնդիրները, որոնք անհրաժեշտ է լուծել. տարիֆիկացման նկատմամբ տարբեր մոտեցումներ (որոշ երկրներում այն րոպեական է, որոշներում` յուրաքանչուր 10 վայրկյանի համար է, երրորդում` բաժանորդային վճարներով է), անձնական տվյալների անվտանգության և պահպանման վերաբերյալ տարբեր պահանջներ, տարբեր տեխնոլոգիաներ: Տարբերվում են նաև տնտեսական պայմանները. Ռուսաստանում, օրինակ, 146 մլն մարդ է բնակվում, Հայաստանում` 3 մլն:

Հաղորդվում է, որ համակարգերի ինտեգրացման աշխատանքները տարվելու են մի քանի փուլերով: Նախ` ենթադրվում է խարդախությունները բացառող միջոցառումների իրականացում` օպերատորներին խարդախներից պաշտպանելու համար: Հունվարի վերջին կողմերը քննարկել են ԵԱՏՄ անդամ-պետությունների կապի օպերատորների «հակախարդախային» համակարգերի ինտեգրացումը և նրանց միջև անմիջական շփումների կազմակերպումը:

Շակալիևը նշել է, որ կապի ծառայությունների արժեքի նվազումն աստիճանական է լինելու և անցնելու է հաստատված գրաֆիկի: Ակնկալվում է, որ արդյունքում պահանջարկը կմեծանա, որը կփոխհատուցի կորուստները: Օրինակ` Եվրոպական միությունում «Ռոումինգն ինչպես տանը» կանոնի ներդնումից հետո բջջային ինտերնետի սպառման ծավալն աճել է գրեթե 5,5 անգամ, զանգերի քանակը` մոտ 2,5 անգամ:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

1 րոպե
Խմբագրություն

Հաղորդվում է, որ Իրանի հետ սահմանին Թուրքիան կենտրոնացրել է նաև ռմբակոծիչներ և Բայրաքթար անօդաչուներ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.