Վարչապետը հայտարարել է Հանրապետության հիվանդանոցներում տեղ չլինելու պատճառով կորոնավիրուսով վարակված ծանր հիվանդներին սպասարկել չկարողանալու մասին: Այս պատճառով արդեն մահվան առաջին դեպքերն են գրանցվել:
Ճեպազրույց պարետատան նիստից հետո / © Նիկոլ Փաշինյան
ՀՀ վարչապետ Նիկոլ Փաշինյանը պարետատան նիստից հետո ճեպազրույցի ժամանակ նշել է, որ արձանագրվել է մահվան դեպք, երբ կորոնավիրուսով վարակվածը նախ՝ մի փոքր ուշացումով է դիմել հիվանդանոց, ապա առողջապահական համակարգում տեղեկատվության փոխանցումն է ուշացել, ինչի հետևանքով պացիենտը մահացել է:
Մահվան ևս երկու դեպք գրանցվել է, երբ վերակենդանացման բաժանմունքում տեղ չլինելու պատճառով պացիենտները գտնվել են ինտենսիվ թերապիայի բաժանմունքում, ինչի հետևանքով քաղաքացինները մահացել են:
Փաշինյանը հայտարարել է, որ այսօր արդեն առողջապահական համակարգի գերծանրաբեռնվածության պատճառով հիվանդանոցները չեն հասցնում ընդունել հիվանդների: Այդ կերպ՝ ներկայումս մոտ 200 մարդ սպասում է բուժօգնություն ստանալու իր հերթին, սակայն կորոնավիրուսով վարակվածների համար նախատեսված մահճակալային ֆոնդը սպառվել է:
Վարչապետը նշել է, որ ձեռնարկվում են միջոցներ՝ բուժօգնություն ցուցաբերելու նոր վայրերի ստեղծման ուղղությամբ:
Միաժամանակ հայտնել է, որ որոշում է կայացվել առայժմ չանցնել լիարժեք կարանտինի, քանի որ այդ դեպքում քաղաքացիներն իրենց միջոցառումներն անցկացնում են ընդհատակյա, թաքուն՝ շարունակելով վարակել ու վարակվել:
Ուստի վարչապետը կոչ է արել ցուցաբերել բարձր գիտակցություն և կատարել առկա պահանջները, հակառակ դեպքում ավելի շատ վարակվածների, այդ թվում՝ ծանր վիճակում գտնվողների, հնարավոր չի լինի բժշկական օգնություն ցուցաբերել, ինչի հետևանքով մահացության դեպքերը կշատանան:
Նիկոլ Փաշինյանն անդրադարձել է նաև սոցցանցերում, մամուլում և հրապարակային այլ վայրերում դադարեցնել քննարկումներն այն մասին, թե իբր «կորոնավիրուս չկա», «թվերն ուռճացված են», «այս ամենն արվում է դրսից փող ստանալու համար» և այլն:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…