Վիրավորներ կան թե ոստիկանության, թե ճանապարհը փակած քաղաքացիների շարքերում:
Վիրավոր ոստիկան / ©hetq.am
Տարածված տեղեկության համաձայն` այսօր ժամը 20:00-ի սահմաններում Իջևանում փայտի գործով զբաղվողները փակել են միջպետական Մ4 ճանապարհը: Հարյուրից ավելի մեքենաներ հայտնվել են խցանման մեջ:
Բողոքողները պահանջել են հանդիպում անտառից փայտ կտրելու հրամանն արձակած անձի հետ` հրաժարվելով ոստիկանության Իջևանի բաժնի պետի և Տավուշի մարզպետի հորդորներին ենթարկվելուց:
Բողոքի ակցիայի մասնակիցները պահանջում են թույլ տալ ապօրինի հատած անտառանյութը հանել անտառից և հասցնել Երևան: Փայտի վերավաճառքով զբաղվողները դժգոհում են, որ 1խմ-ի համար սահմանված է 16.800 դրամ, ինչն իրենց ձեռնտու չէ` ոչ վաճառելու, և ոչ էլ` գնել-վառելու համար:
Տավուշի մարզպետարանը սոցիալական խնդիրը լուծելու համար 3 այլընտրանքային տարբերակ է առաջարկել, սակայն ցուցարարները հրաժարվել են:
Ներկաներից մեկի կողմից ցուցարարներին ծառերը հատելու մեջ մեղադրելուց հետո իրավիճակը լարվել է, բախում է տեղի ունեցել ոստիկանների և ճանապարհը փակողների միջև: Հաղորդված տեղեկության համաձայն` ցուցարարները դիմադրել են ոստիկանների կողմից ճանապարհը փակելու միջոցառումներին, քարերով հարվածներ են եղել, ոստիկանությունը նահանջել է: Մարմնական վնասվածք է ստացել 25 ոստիկան:
UPD 1. Իջևան է մեկնել ՀՀ Ոստիկանության պետ Վալերիյ Օսիպյանը: Աղբյուրի հաղորդմամբ, ճանապարհը փակողների շարքերում վիրավորների մասին տեղեկություն չկա. նրանք հեռացվել տարածքից:
UPD 2. Ոստիկանապետը և ոստիկանության ղեկավար անձնակազմը բանակցություններ են վարում Իջևանում ճանապարհը փակած քաղաքացիների հետ։ Հաղորդվում է, որ ճանապարհը դեռ փակ է:
UPD 3. Որոշ տեղեկությունների՝ Իջեւան են մեկնել նաեւ Տարածքային կառավարման և զարգացման նախարար Սուրեն Պապիկյանը, Շրջակա միջավայրի նախարար Էրիկ Գրիգորյանը:
Այժմ ճանապարհը բաց է: Հաղորդվում է, որ Տավուշի մարզպետը խոստացել է կատարել նրանց պահանջը՝ 1 խորանարդ մետրի համար սահմանված 16 հազար 800 դրամը գինը իջեցնել 6000-ի։
UPD 4. Դեպքի առիթով հայտարարությամբ է հանդես եկել Նիկոլ Փաշինյանը.
Վարչապետը նշել է, որ ապօրինի ծառահատումները կասեցվելու ամենայն վճռականությամբ: Իսկ մեղավորները եւ ապօրինի ծառահատումների կազմակերպիչները կպատժվեն խստությամբ:
UPD 5. Կառավարության նիստում քննարկվում է երեկվա դեպքերի հարցը.
UPD 6. Քննչական կոմիտեն հաղորդել է, որ ձերբակալվել է թվով 13 անձ, ևս 6 անձի նկատմամբ որպես խափանման միջոց ընտրվել է ստորագրություն՝ չհեռանալու մասին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…