Զեկույցում ՆԱՏՕ-ի մասնագետները եզրակացնում են, որ «Պանցիրը» և անօդաչուների դեմ պայքարի նույնատիպ համալիրները այլ համակարգերի հետ փոխգործակցության մեջ մարտի դաշտում աճող վտանգ են ներկայացնում դաշնակցային ուժերի համար և պետք է չեզոքացվեն` մինչև ռազմական գործողությունների կիզակետում հայտնվելը:
«Պանցիր-Ս1» / © TASS
ՆԱՏՕ-ի օդային ուժերի առաջնային փորձի միասնական կենտրոնը (Joint Air Power Competence Centre, JAPCC) իր զեկույցում բարձր է գնահատել ռուսական «Պանցիր-Ս» զենիթային համալիրները` նշելով, որ հրթիռափողային ՀՕՊ համակարգը կատարյալ միջոց է ցանկացած տեսակի ռազմական անօդաչուների դեմ պայքարի համար:
Փաստաթղթում շեշտվում է, որ «Պանցիր-Ս»-ը կարող է արդյունավետ պայքար մղել բոլոր տիրույթներում` ինչպես փոքր, այնպես էլ մարտավարական ռազմական անօդաչու թռչող սարքերի դեմ:
Բացի այդ, ՆԱՏՕ-ի փորձագետների գնահատմամբ, ռուսական համակարգը նաև թույլ է տալիս ՀՕՊ մշտական զորամասերում փակել խոշորածավալ ԱԹՍ-ների դիմակայության հատուկ համակարգերի և փոքր դրոնների դիմակայության համալիրների միջև առկա տարածությունը:
Նշվում է, որ իր բնութագրի շնորհիվ «Պանցիր-Ս»-ը հնարավոր է արդյունավետ օգտագործել ինչպես ինքնաթիռներից և ուղղաթիռներից կետային պաշտպանության, այնպես էլ հակառակորդի գերճշգրիտ զինատեսակներից ՀՕՊ հեռահար համակարգերի պաշտպանության համար:
Զեկույցում ՆԱՏՕ-ի մասնագետները եզրակացնում են, որ «Պանցիրը» և անօդաչուների դեմ պայքարի նույնատիպ համալիրները այլ համակարգերի հետ փոխգործակցության մեջ մարտի դաշտում աճող վտանգ են ներկայացնում դաշնակցային ուժերի համար և պետք է չեզոքացվեն` մինչև ռազմական գործողությունների կիզակետում հայտնվելը:
Հյուսիսատլանտյան դաշինքի ռազմական փորձագետները ուշադրություն են հրավիրել այն հանգամանքի վրա, որ Թուրքիան սիրիական Իդլիբի շրջանում «Գարնանային վահան» ռազմագործողության ժամանակ կարողացել է մեկ միավոր «Պանցիր» ոչնչացնել: ՆԱՏՕ-ականները սա կարևորագույն, հաջողված գործողություն են համարում:
UPD. Թուրքական ՊՆ-ի հետ կապված հարթակը տեսանյութ է հրապարակել, որտեղ ցուցադրվում է Լիբիայում «Պանցիր-Ս1/Է» ԶՀՓՀ-ի ոչնչացումը «Բայրաքթար» հարվածային ԱԹՍ-ի միջոցով: Ռուսական համալիրը, ինչպես երևում է, մարտական վիճակում չի գտնվել, այլ` փոխադրման:
Տեսանյութի միջոցով թուրքական կողմն, ըստ էության, արձագանքել է ՆԱՏՕ-ի վերոնշյալ զեկույցին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…