Շահույթի մեծ մասն ապահովել են iPhone-ի օգտատերերը՝ 746 հազար դոլար, ևս 254 հազարը Android-ից է ստացվել։
FaceApp / ©forbes.ru
Բջջային հեռախոսների օգտատերերի կողմից հանրահայտ դարձած ծրագիրը ներբեռնվել է 6,5 մլն անգամ։ Ամենաշատը Android համակարգից է ներբեռնվել՝ 4,5 մլն անգամ։ iPhone-ի օգտատերերը ներբեռնել են 2 մլն անգամ։ Արդյունքում, FaceApp-ն առաջնային դիրքեր է գրավել App Store և Play Market ծրագրերում։
Ծրագիրն առաջ է անցել նաև ամենապահանջված Instagram-ից․ հուլիսի 17-ին վերջինս ներբեռնվել է մոտ 1 մլն անգամ, մինչդեռ FaceApp-ը՝ 1,6 մլն։
Մարդկանց ծերացնող ծրագիրն ու նրան ուղեկցող ֆիլտրերն անվճար են։ Ընդլայնված և առանց գովազդի տարբերակի արժեքը 290 ռուբլի է՝ 1 ամսվա համար և 1490 ռուբլի՝ 1 տարվա։ Շահույթի մեծ մասն ապահովել են iPhone-ի օգտատերերը՝ 746 հազար դոլար, իսկ 254 հազարը Android-ից է ստացվել, չնայած այն հանգամանքին, որ վերջինից ավելի շատ էր ներբեռնվել։
Նախորդ օրերին FaceApp-ի վտանգավորության վերաբերյալ խոսակցություններ էին սկսվել։ ԱՄՆ քաղաքացիները նկատել էին, որ ծրագիրը նկարները հեռախոսում չի փոփոխում, այլ վերբեռնում է և մշակումն իրականացնում նեյրոցանցի միջոցով։ Ռուս նորարարների կողմից ստեղծված լինելու հանգամանքը ենթադրությունների տեղիք տվեց, որ ծրագիրի նպատակը ամերիկացիների պատկերները հավաքելն է։
TechCrunch-ի և Forbes-ի լրագրողներն ուսումնասիրել էին զգուշացումները և հայտարարել, որ տվյալները պահվում են ոչ թե ռուսական, այլ ամերիկյան սերվերներում։
Նույն օրը երեկոյան FaceApp-ի նախաձեռնողները մեկնաբանել են TechCrunch-ի հայտարարությունը՝ նշելով, որ ծրագիրն ամբողջությամբ անվտանգ է։ Հիմնադիրները պատմել են, որ ծրագիրը վերբեռնում է միայն ընտրված լուսանկարները, որոնց մեծ մասը 48 ժամ հետո ջնջվում է։ Նաև ընդգծել են, որ գրանցում չի պահանջվում, ուստի մշակողները չեն կարող նույնականացնել անձին նկարների հետ։
Հուլիսի 18-ին նախաձեռնողներն արդեն ծրագրում ավելացրել են տեղեկացումն այն մասին, որ նկարները վերբեռնվում են սերվերում։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…