ԱՄՆ գործակալությունը դեռևս 2007 և 2009 թվականներին է հայտարարել Ջերմուկի ջրերում մկնդեղի (արսենիումի) նորմայից բարձր քանակության մասին:
Ջերմուկ, Ջրահարսի վարսեր (Գալերեա) / ©champord.am
ԱՄՆ Սննդի և դեղամիջոցների սանիտարական վերահսկողության վարչությունը (FDA) թարմացրել է դեռևս 2009թ. հրապարակված այն տեղեկությունը, ըստ որի՝ Հայաստանից ԱՄՆ ուղարկված շշալցված ջրում առկա է նորմայի սահմանները գերազանցող մկնդեղի (արսենիում) չափաքանակ։
Հաղորդվում է, որ, ըստ ուսումնասիրությունների, Ջերմուկ և Արփի հանքային ջրերի գործարանների շշալցրած մեկ լիտր ջրում առկա է ավելի քան 450 միկրոգրամ մկնդեղ, մինչդեռ նորման 10 միկրոգրամն է։
ՀՀ սննդի անվտանգության տեսչական մարմնի տեղեկատվության և հասարակայնության հետ կապերի բաժնի պետ Անուշ Հարությունյանը նշել է, որ 2009թ. վաղեմության տեղեկությունների թարմացման պատճառը հայտնի չէ:
Ինչպես հայտնի է, Lydian Armenia-ն բրիտանական Lydian International-ի դուստր ընկերությունն է, որի բաժնետերերից է նաև ԱՄՆ-ը: Ըստ մամուլում տարածված լուրերի՝ Ամուլսարի հանքի շահագործման հարցում ԱՄՆ-ն ունի իր հետաքրքրությունները, իսկ հանքը գործարանից ընդամենը մի քանի կիլոմետր հեռավորության վրա է գտնվում:
Նշենք, որ բնապահպանները և հանքի շահագործմանը դեմ արտահայտվողները մատնանշում են հանքային ջրերի վրա հանքի հավանական բացասական ազդեցությունը: Իսկ շատերն ամերիկյան դիրքորոշումը համարում են ճնշում ՀՀ իշխանությունների վրա՝ մատնանշելով Հայաստանում Ամերիկայի առևտրի պալատը վերջերս արած դիմումը ՀՀ վարչապետին՝ Ամուլսարի ոսկու հանքավայրի շուրջ ստեղծված իրավիճակին շուտափույթ լուծում տալու խնդրանքով:
Հիշեցնենք նաև, որ դեռևս 2017թ. ԱՄՆ նախկին դեսպան Ռիչարդ Միլսը հայտարարել էր, որ պատրաստ է աշխատել բաց ու թափանցիկ` ամերիկյան բիզնեսի ավանդույթների համաձայն:
Ջերմուկի բնակիչ, հանքի շահագործան դեմ ակցիաների կազմակերպիչներից Ահարոն Արսենյանը նշել է, որ թույլ չեն տալու հանքի շահագործում: Նշենք, որ Ջերմուկ գրուպ ընկերությունը պատկանում է Աշոտ Արսենյանին: Այս հանգամանքը տեղիք է տվել ենթադրելու, որ FDA-ի՝ մկնդեղի վերաբերյալ թարմացումը հենց այս կազմակերպությանն է ուղղված:
Պատգամավոր Հովիկ Աղազարյանը նշել էր, որ իր տեղեկություններով Աշոտ Արսենյանը ֆինանսավորում է Ամուլսարի շահագործման դեմ պայքարը: Այս մասին այլ տեղեկություններ նույնպես առկա են: Հիշեցնենք, որ ԱՄՆ փոխպետքարտուղարի Եվրոպայի և Եվրասիայի հարցերով տեղակալ Ջորջ Քենտը հայտնել էր, որ Միացյալ Նահանգները ցանկանում են Հայաստանը տեսնել հզոր ու ծաղկող:
Չմերժելով ամերիկյան կոմից գործադրվող ճնշում համարողների տարբերակը՝ նշենք, որ դեռևս Ամուլսարի հարցից առաջ՝ 2007թ., երբ Ջերմուկ ընկերությունը նոր էր պատրաստվում մտնել ամերիկյան շուկա, ԱՄՆ համապատասխան գործակալությունը հաղորդել էր, որ Ջերմուկի ջրերում մկնդեղի (արսենիում) թույլատրելի քանակը 1 լիտրում 10 միկրոգրամ թույլատրելիի փոխարեն 500-600 է եղել: Այդ հայտարարությունից հետո Ընկերությունը զգալի կորուստներ էր կրել. սպառման ծավալները նվազել էին:
UPD. Ջերմուկ Գրուպ ՓԲ ընկերության ներկայացուցիչ Մարիա Սահակյանը shesht.am-ին փոխանցեց Ընկերության և ՀՀ Սննդամթերքի անվտանգության պետական ծառայության մեկնաբանությունները՝ հոդվածի վերաբերյալ: Այն ներկայացնում ենք ամբողջությամբ (մանրամասն մեկնաբանությունը՝ տեսանյութում).
«Հրապարակումը եղել է մոտ տասը տարի առաջ և մարդկանց շփոթության մեջ է գցում: ԱՄՆ սննդի և դեղամիջոցների սանիտարական վերահսկողության վարչությունը մինչև հիմա չի ջնջել տեղեկությունը, որ հայկական հանքային ջրում հայտնաբերվել է «Արսենի» բարձր տոկոսի առկայություն:
Հրապարակումը եղել է մոտ տասը տարի առաջ և մարդկանց շփոթության մեջ է գցում»: Ընկերությունը հորդորում է՝ Ջերմուկ Գրուպի արտադրանքը չշփոթել այլ ջրերի հետ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…