Ռուս քաղաքագետի խոսքով` Եվրոպային հետաքրքիր են ադրբեջանական հարուստ ռեսուրսները, բայց ոչ` ներկայիս ղեկավարությունը, մինչդեռ Ադրբեջանին, նրա համոզմամբ, ձեռնտու կլինի անդամակցությունը ԵԱՏՄ-ին:
2020թ. Արցախյան պատերազմից հետո շատ է խոսվում Եվրասիական տնտեսական միությունում Ադրբեջանի ընդգրկման մասին: Այդ մասին բարձրաձայնում են ինչպես տարբեր լրատվամիջոցներում, այնպես էլ ադրբեջանական պետական կառույցներում: Սակայն ադրբեջանցի որոշ գործիչներ շեշտում են ոչ թե ԵԱՏՄ-ի, այլև Եվրամիության հետ համագործակցության անհրաժեշտությունը:
Ռուս քաղաքագետ, գրող, Նոր հանրության ինստիտուտի տնօրեն Վասիլի Կոլտաշովի խոսքով` Ադրբեջանի աշխարհագրական դիրքն ավելի հավանական է դարձնում նրա անդամակցումը ԵԱՏՄ-ին, քան սերտ համագործակցությունը ԵՄ-ի հետ: Վերջինի հետ, ըստ նրա, կարելի է առևտուր անել, բայց ոչ` համագործակցել: Շեշտում է, որ Ադրբեջանի համար ձեռնտու կլինի աստիճանաբար միանալ ԵԱՏՄ-ին, քանի որ նա գտնվում է եվրասիական տրանսպորտային խոշոր ուղիների խաչմերուկում, մինչդեռ Եվրոպայի հետ Ադրբեջանը պատմական, առևտրային հաղորդակցություն չունի:
Քաղաքագետի համոզմամբ` ընտրելով Եվրոպական միության հետ համագործակցության ուղին` Ադրբեջանը որոշակի դիվանագիտական օգուտներ կունենա, որին կհաջորդեն լուրջ աշխատանքներ Ադրբեջանի քաղաքական համակարգի «եվրոպականացման» ուղղությամբ, քանի որ, Կոլտաշովի խոսքով, Ադրբեջանում տիրող վարչակարգն ընդունելի չի լինի Եվրամիության ընդլայնման համար:
Ռուս քաղաքագետի կարծիքով` Եվրամիությունը, հնարավոր է, Ադրբեջանում պետական հեղաշրջում իրականացնի: Որպես օրինակ է բերում Ուկրաինայի 2011-2013թթ. իրադարձությունները կամ Բելառուսում վերջին երկու տարիներին ընթացող գործընթացները: Քաղաքագետի խոսքով` Եվրոպային հետաքրքիր են ադրբեջանական հարուստ ռեսուրսները, բայց ոչ` ներկայիս ղեկավարությունը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…