Սեյսմիկ պաշտպանության տարածքային ծառայություն ՊՈԱԿ-ի տնօրենի ժամանակավոր պաշտոնակատար Սոս Մարգարյանը նշել է, որ ներկա պահին մեզ մոտ երկրաշարժերի հետ կապված մեծ անոմալիաներ չեն նկատվում:
Վերջին օրերին Հայաստանի տարածքում զգացված երկրաշարժերին անդրադառնալով` Սեյսմիկ պաշտպանության տարածքային ծառայություն ՊՈԱԿ-ի տնօրենի ժամանակավոր պաշտոնակատար Սոս Մարգարյանը նշել է, որ ներկա պահին մեզ մոտ երկրաշարժերի հետ կապված մեծ անոմալիաներ չեն նկատվում:
Նրա խոսքով` Թուրքիայում և Իրանում գրանցված երկրաշարժերի գոտիները տարբեր են, իսկ նախորդ օրը Շիրակի մարզի Բավրա և Ղազանչի գյուղերում գրանցված երկրաշարժը կապ ունի Ջավախքի խզվածքային գոտու հետ, սակայն այդ գոտիները փոխկապակցված չեն:
Խոսելով հետցնցումների մասին` Մարգարյանը նշել է, որ տեղի է ունենում օջախի լարվածության և կուտակված էներգիայի լիցքաթափում: Մասնագետը շեշտել է, որ Բավրայի երկրաշարժը նույնպես դիտարկվում է որպես հետցնցում։ Բացի այդ, մոտ 130 հետցնցում է գրանցվել, որոնց գերակշիռ մասը` շատ թույլ մագնիտուդով:
Այս համատեքստում Մարգարյանը համեմատել է Սպիտակի ու Երևանի` մեծ մագնիտուդով երկրաշարժերը` նշելով, որ դրանց հզորության պարագայում ակնկալվել են հետցնցումներ։ Հետցնցումները, նրա խոսքով, նույնպես լինում են տարբեր հաճախականությամբ ու տարբեր ուժգնությամբ` 2,5-ից մինչև 4,5 մագնիտուդ։
Ջավախքի խզվածքը, ինչպես նշում է, համեմատաբար ակտիվ է` ի տարբերություն Փամբակ–Սևան–Սյունիք խզվածքի: Մարգարյանի խոսքով` ցնցումային ակտիվությունը սովորաբար պայմանավորված է տվյալ օջախում կուտակված էներգիայի լիցքաթափմամբ: Մասնագետն ընդգծում է, որ շատ հնարավոր է` հետցնցումային ակտիվություն չլինի։
Յուրաքանչյուր օջախ, Մարգարյանի ներկայացմամբ, ունի իր բնութագիրը: Ակտիվության տարբերությունը, ինչպես նշում է, կախված է երկրաբանական, տեկտոնական և կառուցվածքային այլ գործոններից, որոնք յուրահատուկ են յուրաքանչյուր դեպքի համար։
Հետցնցումները, նրա խոսքով, հնարավորություն են տալիս որոշակի պատկերացում կազմել հետագա զարգացումների և ընդհանուր պատկերի մասին։
Հիշեցնենք, որ օգոստոսի 17-ին, ժամը 09:43-ին, 3.1 մագնիտուդով երկրաշարժ է գրանցվել Վրաստան-Հայաստան սահմանային գոտում` Բավրա գյուղից 13 կմ հյուսիս-արևելք` օջախի 10 կմ խորությամբ: Էպիկենտրոնային գոտում ստորգետնյա ցնցման ուժգնությունը կազմել է 4 բալ: Նույն տարածաշրջանում օգոստոսի 16-ին գրանցվել էին երկու երկրաշարժ ու 70 հետցնցում։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…