«Ֆլեշ» ընկերության նախագահը չի ընդունում առաջադրված մեղադրանքը, իսկ Սարգսյանն այն որակում է «քաղաքակն հետապնդում»: Նրանց նկատմամբ խափանման միջոց է ընտրվել չհեռանալու մասին ստորագրությունը:
Սերժ Սարգսյան / ©verelq.am
Դեկտեմբերի 4-ին ՀՀ նախկին նախագահ Սերժ Սարգսյանին մեղադրանք էր առաջադրվել պետական միջոցներից մոտ կես միլիարդ դրամ հափշտակելու կապակցությամբ: Հատուկ քննչական ծառայության մամուլի խոսնակ Մարինա Օհանջանյանի հաղորդմամբ՝ նույն քրեական գործով մեղադրանք է առաջադրվել նաև «Ֆլեշ» ընկերության սեփականատեր Բարսեղ Բեգլարյանին՝ հայտնի «Ֆլեշի Բարսեղին»։
Սերժ Սարգսյանի և Բարսեղ Բեգլարյանի նկատմամբ խափանման միջոց է ընտրվել ստորագրություն՝ չհեռանալու մասին: Վերջինիս նկատմամբ մեղադրանքն առաջադրվել է ՀՀ քրեական օրենսգրքի 38֊179֊րդ հոդվածի 3֊րդ մասի 1֊ին կետով (Պետությունից վատնելու եղանակով առանձնապես խոշոր չափերով գումարի հափշտակության կատարմանը դրդելու համար)։ Քրեական գործով նախաքննությունը շարունակվում է:
Հաղորդվում է, որ քրեական գործը հարուցվել է Գյուղատնտեսության նախկին նախարար, ՕԵԿ-ից Սերգո Կարապետյանի ցուցմունքի հիման վրա։ Տարածված տեղեկության համաձայն՝ ցուցմունքում նշվել է նաև ներկայումս ԵԱՏՀ կոլեգիայի նախագահ Տիգրան Սարգսյանի անունը, ով այդ գործում ունեցել է կարևոր դերակատարում:
Բարսեղ Բեգլարյանը նշել է, որ օրենքի խախտում տեղի չի ունեցել: Նրա խոսքով՝ մանրամասները պետք է հարցնել ընկերության այդ ժամանակվա տնօրինությանը. ինքը սեփականատերն է, և մանրամասներին չի տիրապետում: Բեգլարյանը հերքել է նաև Սերժ Սարգսյանի հնարավոր մասնակցությունը հափշտակությանը:
2018թ. ապրիլի 23-ին ՀՀ վարչապետի պաշտոնից ժողովրդի պահանջով հրաժարական ներկայացրած Սարգսյանն էլ իր հերթին չի ընդունում մեղադրանքը: Նա այն համարել է քաղաքական հետապնդում: Նրա պաշտպան Ամրամ Մակինյանը հայտնել է, որ 3-րդ նախագահը մտահոգված է առհասարակ քրեական դատավարական պրոցեսներով:
«Ֆլեշ» ընկերության նախագահ Բարսեղ Բեգլարյանը որպես մեղադրյալ ներգրավված է նաև այլ գործով. նա մեղադրվում է բռնության գործադրմամբ, դրա գործադրման սպառնալիքով ինքնիրավչության համար։ Գործը դատաքննության փուլում է գտնվում:
ՀՔ ծառայության տարածած հաղորդագրության համաձայն` ՀՀ 3-րդ նախագահ Սերժ Սարգսյանը, պաշտոնեական դիրքն օգտագործելով, 2013թ. հունվարի 25-ից մինչև փետրվարի 7-ն ընկած ժամանակահատվածում կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերի գումար՝ մոտ 490 մլն ՀՀ դրամի հափշտակումը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…