Հայտարարված մրցությում հաղթող է ճանաչվել Garoon Agency ընկերությունը՝ ներկայացնելով այն պատկերանիշը, որը հրապարակված է եղել «Երեկոյան Երևան» թերթի՝ դեռևս 1991թ. սեպտեմբերյան համարներում:
Այո, «Երեկոյան Երևան», 1991թ. / ©media.am
Սահմանադրական փոփոխությունների հանրաքվեի «Այո» կողմը մրցույթ էր հայտարարել՝ պատկերանիշի (լոգոյի) դիզայնի համար՝ խոստանալով դրամական պարգևներ շնորհել առաջին երեք հորիզոնականները զբաղեցրած առաջարկների համար: Հաղթող է ճանաչվել Garoon Agency-ն՝ այս տարբերակով.
Ընկերությունն այս առաջարկի համար 3 մլն դրամ է ստացել, սակայն պարզվել է, որ այն իրականում նորույթ չէ. նույն պատկերանիշը կիրառվել է ավելի վաղ՝ «Երեկոյան Երևան» թերթի 1991թ. սեպտեմբերի 23-ի համարում։
Համացանցի հայկական տիրույթում բուռն քննարկվում է այն հարցը, թե ինչպես են համընկել 1991թ.-ի և 2020-ի հանրաքվեների «Այո՛»-ի պատկերանիշերը: Շատերը սա համարում են գրագողություն՝ նշելով, որ հաղթող ընկերությունն իրականում խախտել է հեղինակային իրավունքը և հայտնի պատկերանիշն իր անունից ներկայացրել:
Առանձնացնում ենք այս կապակցությամբ սոցցանցային քննարկումներն ու հայտարարությունները.
Օգտատերերը հիմնականում քննադատել են, որ հնարավոր «գրագողությամբ» մեծ գումար են վաստակել այն դեպքում, երբ բազմաթիվ դիզայներներ իրենց աշխատանքն էին ներկայացրել:
Քաղաքացիական կուսակցության հանրային կապերը համակարգող Վահագն Ալեքսանյանը նշել է, որ համացանցից են տեղեկացել նկարի մասին:
Ալեքսանյանը խոստացել է քննարկման արդյունքում կայացված որոշման մասին հայտնել:
UPD. 3 միլիոն դրամը որոշվեց հատկացնել «Երեկոյան Երևան» թերթի 1991թ․-ի խմբագիր Նիկոլայ Ենգիբարյանին, գծանկարիչներ Ցոլակ Կանթեղ Ղանդիլյանին և Նարոյան Ստեփանի իրավահաջորդին՝ յուրաքանչյուրին՝ 1-ական միլիոն դրամ։
Օգտատերերը սա համարում են արդար որոշում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…