Նշվում է, որ Ռամզան Կադիրովը կտրականապես դեմ է եղել գաղափարին, սակայն հասարակությունը, հոգևորականությունը և նրա զինակիցները պնդել են: Չեչնիայի տպագրության նախարարի խոսքով` «ժողովրդավարական հասարակությունում բնակիչների ցանկությունն առաջնահերթություն է»:
Գրոզնիում կայացել է Չեչնիայի ղեկավար Ռամզան Կադիրովի անվամբ կոչվելիք մզկիթի հիմնարկեքի արարողությունը:
Հաղորդվում է, որ հանրապետության ղեկավարի պատվին մզկիթի անվանակոչության վերաբերյալ որոշումը կայացվել է բազմաթիվ բնակիչների խնդրանքը հաշվի առնելով: Նշվում է, որ Ռամզան Կադիրովը կտրականապես դեմ է եղել նման գաղափարին, սակայն հասարակությունը, հոգևորականությունը և նրա զինակից ընկերները պնդել են:
Ռուսաստանի բարձրագույն մուֆտին (մահմեդական բարձրագույն հոգևորական, խմբ.) Թալգաթ Տաջուդինի խոսքով` մզկիթը Կադիրովի անվամբ կոչելու գաղափարի վերաբերյալ վերապահում չունի, քանի որ առաջարկը բազմաթիվ չեչեններինն է: Չեչնիայի տպագրության նախարար Ահմեդ Դուդաևը հավելել է, որ «ժողովրդավարական հասարակության պայմաններում հանրապետության բնակիչների ցանկությունն առաջնահերթություն է»:
Նախագծի համաձայն` մզկիթը 4 մինարեթ է ունենալու, որոնք շրջապատելու են կենտրոնական գմբեթով շինության հիմնական մասը, նրանց տանիքները ոսկուց են լինելու:
Մզկիթը կառուցվելու է Գրոզնիի Օլիմպիյսկի գյուղում: Այն նախատեսված է երկու հազար աղոթողների համար: Լրագրողներն արդեն այն համարում են տարածաշրջանում ամենագեղեցիկը: Շինարարության ավարտի ժամկետները դեռ չեն նշվել:
2008թ. Գրոզնիում բացվել է «Չեչնիայի սիրտ» կենտրոնական մզկիթը: Այն կրում է հանրապետության առաջին նախագահ Ախմաթ Կադիրովի անունը: Այդ մզկիթի շինարարությունը 2,5 տարի է տևել:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…