Նշվում է, որ ներդրողը մտադիր է ռազմաարդյունաբերական գոտի ստեղծել, այնտեղ արտադրել զրահամեքենաներ, սակայն Կառավարությունը չի թույլատրում: Վահան Քերոբյանի խոսքով` ինքն է կանգնեցրել այդ նախագծի որոշման կայացումը, քանի որ «այն ծիծաղելիորեն արհամարհում էր ՀՀ քաղաքացիների շահերը»։
Էկոնոմիկայի նախարար Վահան Քերոբյանն անդրադարձել է մամուլում տարածված տեսանյութին, որտեղ Կառավարությունը մեղադրվում է անգործության մեջ: Նշվում է, որ ներդրողը մտադիր է ռազմաարդյունաբերական գոտի ստեղծել, այնտեղ արտադրել զրահամեքենաներ, սակայն Կառավարությունը չի թույլատրում:
Քերոբյանը շեշտել է, որ, իրականում, հենց ինքն է կանգնեցրել այդ նախագծի որոշման կայացումը, քանի որ, նախարարի խոսքով, «այն ծիծաղելիորեն արհամարհում էր ՀՀ քաղաքացիների շահերը»։
Թեև տեսանյութում նշվում է տասնյակ միլիոնավոր դոլարների ներդրում կատարելու մտադրության մասին, սակայն Էկոնոմիկայի նախարարը նշում է, որ ներդրումային ծրագրում այլ տվյալներ են: Նրա խոսքով` եթե ներդրողը` Արտակ Թովմասյանը, համաձայն է ներդրումային պայմաններում ներառել տեսանյութում հնչեցվող «տասնյակ միլիոն դոլարները», արտադրական ծավալները և գումարները, ապա երկու շաբաթվա ընթացքում ծրագիրը կներկայացվի Կառավարության հաստատմանը:
Քերոբյանն ընդգծել է, որ եթե 9 հեկտար հողակտորը Երևանում Թովմասյանը ցանկանում է վերցնել չնչին ներդրման խոստման դիմաց, ապա դա ոչ թե ներդրումային ծրագիր է, այլ` ՀՀ քաղաքացիների կողոպուտ։
Նախարարի խոսքով` առաջարկվել է գործարքն իրենց պայմաններով ու հարկային արտոնություններով իրագործել ոչ թե Երևանում, այլ` մարզերում, բայց, «անհասկանալիորեն, հենց Երևանի թանկարժեք հողակտորն է իրենց պետք այս արտադրական գոտու համար»։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…