Հաղորդվում է, որ հրաժարական են ներկայացնելու ուժային բոլոր կառույցների ղեկավարները:
Վալերիյ Օսիպյան / ©shantnews.am
Ըստ մամուլում շրջանառվող լուրերի՝ ոստիկանապետ Վալերիյ Օսիպյանը նույնպես հրաժարական է տալու: Հաղորդվում է, որ այսօր վարչապետի գլխավորությամբ կայացած Անվտանգության խորհրդի նիստում խոսվել է ԱԱԾ տնօրենի ազատման մասին։ Տեղեկություններ կան նաև, որ թեժ քննարկումից հետո ոստիկանապետը Նիկոլ Փաշինյանին հաղորդել է հրաժարական ներկայացնելու մտադրության մասին: Լրատվամիջոցների հաղորդմամբ՝ վաղը կհրապարակվի նրա ազատման հրամանագիրը։
Տեղեկություններ են տարածվում, որ վարչապետն Օսիպյանին առաջարկել է զբաղեցնել իր գլխավոր խորհրդականի պաշտոնը: Օսիպյանը մերժել է առաջարկը: Մեկ այլ աղբյուրի հաղորդմամբ՝ հրաժարական են ներկայացնելու բոլոր ուժային կառույցների ղեկավարները։
Հիշեցնեն՝ սեպտեմբերի 16-ին վարչապետ Նիկոլ Փաշինյանը միջնորդություն էր ստորագրել ԱԱԾ տնօրեն Արթուր Վանեցյանին պաշտոնից ազատելու վերաբերյալ: Նախագահ Արմեն Սարգսյանն արդեն ստորագրել է Վանեցյանի ազատման հրամանագիրը:
UPD 1. ՀՀ նախագահի օգնական Հասմիկ Պետրոսյանը հաղորդել է, որ վարչապետ Նիկոլ Փաշինյանը ՀՀ ոստիկանապետ Վալերիյ Օսիպյանին աշխատանքից ազատելու առաջարկ է ներկայացրել ՀՀ նախագահ Արմեն Սարգսյանին: Հաղորդվում է, որ նախագահը շուտով կստորագրի համապատասխան հրամանագիրը:
UPD 2. ՀՀ Պաշտպանության նախարար Դավիթ Տոնոյանն Ազգային ժողովում լրագրողների հարցին ի պատասխան նշել է, որ պաշտոնից ազատվելու մտադրություն չունի և այդպիսի հարց չի քննարկվել:
UPD 3. Հանրապետության նախագահ Արմեն Սարգսյանը ստորագրել է Վալերիյ Օսիպյանին Ոստիկանության պետի պաշտոնից ազատելու մասին հրամանագիրը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…