Փոխնախարարը շեշտել է, որ խուճապ առաջացնող լուր է համարվում ոչ միայն անմիջապես կորոնավիրուսի վերաբերյալ ոչ հավաստի տեղեկությունը, այլ, օրինակ, այն, որ խանութներում ապրանքը չի բավականացնում:
Արման Սարգսյան / © Police RA
Արտակարգ դրության իրավական ռեժիմում արգելված է կորոնավիրուսի թեմայով ոչ պաշտոնական, ինչպես նաև խուճապ առաջացնող տեղեկատվության հրապարակումը: Կարգը խախտելու դեպքում նախատեսված է վարչական պատասխանատվություն:
Արդարադատության փոխնախարար Վահե Դանիելյանը հայտարարել է, որ զանգվածային լրատվության միջոցներից մի քանիսը և համացանցի օգտատերեր խախտել են Արտակարգ դրության նորմերը: Փոխնախարարի խոսքով` որոշ դեպքերում հրապարակվել է պաշտոնականից տարբերվող տեղեկատվություն:
Նախօրեին ուշ երեկոյան ոստիկանության պետի պաշտոնակատար Արման Սարգսյանի գլխավորությամբ կայացել է աշխատանքային խորհրդակցություն, որի ընթացքում ցուցումներ են տրվել նաև զանգվածային լրատվամիջոցների հետ աշխատանքների կարգավորման ուղղությամբ։
Փոխնախարար Դանիելյանն ընգծել է, որ ԶԼՄ-ներից բացի, սոցցանցերում նույնպես պետք է պահպանել կարգը: Նրա խոսքով՝ օգտատերերի կողմից նույնպես պաշտոնական տեղեկատվությանը չհամապատասխանող հրապարակումներ են եղել:
Արտակարգ դրության շրջանակներում ապատեղեկատվության, պաշտոնական տեղեկություններին չհամապատասխանող հրապարակումների և խուճապ առաջացնող լուրերի հարցերով զբաղվում է ՀՀ ոստիկանությունը:
Փոխնախարարը շեշտել է, որ խուճապ առաջացնող լուր է համարվում ոչ միայն անմիջապես կորոնավիրուսի վերաբերյալ ոչ հավաստի տեղեկությունը, այլ, օրինակ, այն, որ խանութներում ապրանքը չի բավականացնում:
Դանիելյանը նշել է, որ ավելի վաղ հանդիպել է մի շարք լրատվամիջոցների գլխավոր խմբագրերի հետ, պարզաբանել արտակարգ դրության ռեժիմում աշխատելու առանձնահատկությունները և հույս հայտնել, որ լրագրողները կպահպանեն պահանջվող նորմերը: Հակառակ դեպքում կենթարկվեն պատասխանատվության:
Հաղորդվում է, որ որոշ օգտատերերի ոստիկաններն արդեն այցելեն են և բարեհամբույր կերպով խնդրել են հեռացնել որոշ հրապարակումներ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…