ԱՄՆ-ում ապաստանած չինացի վիրուսոլոգը հայտնել է, որ իշխանություններն ավելի շուտ են իմացել կորոնավիրուսի և նրա առանձնահատկությունների մասին, քան հայտարարել են: ԱՀԿ-ն և Չինաստանը կտրականապես հերքել են վիրուսի մասին տեղեկությունները թաքցնելու հանգամանքը:
Լի-Մեն Յան / © Fox News
Լի-Մեն Յանի կարծիքով՝ չինական իշխանությունները կորոնավիրուսի մասին ավելի շուտ են տեղյակ եղել, քան այդ մասին հայտարարել են: Նրա խոսքով՝ իր ղեկավարությունը չի ընդունել հետազոտության արդյունքները, որը նա իրականացրել և որը կարող էր կյանքեր փրկել:
Բժշկուհի Լի-Մեն Յանն ապրիլի 8-ին է փախուստի դիմել՝ Հոնկոնգից ուղևորվելով դեպի ԱՄՆ: Նրա պնդմամբ՝ իր լաբորատորիայի ղեկավարությունը պարտավոր էր ԱՀԿ-ին հայտներ պահել կարևոր տեղեկությունը, հատկապես երբ նոր վիրուսը սկսեց արագորեն տարածվել 2020թ. սկզբին:
Յանը նշել է, որ չինական իշխանությունները ներկայումս փորձում են վնասել իր հեղինակությունը, կառավարության գործակալները կիբեր հարձակումներ են գործում՝ նպատակ ունենալով լռեցնել գիտնականին: Նա վստահ է, որ կյանքը վտանգված է. հնարավոր է՝ այլևս երբեք չվերադառնա հայրենիք:
Նրա խոսքով՝ եթե իր ունեցած տեղեկությունները փորձեր պատմել Չինաստանում, ապա «կանհետանար»: Այդ պատճառով թաքնվել է ԱՄՆ-ում՝ բոլորին կարևոր տեղեկությունը հայտնելու նպատակով:
Առողջապահության համաշխարհային կազմակերպության՝ Չինաստանում գործող ռեֆերենտային լաբորատորիայի մասնագետ Յանի ուսումնասիրություններում արդյունքներով՝ դեռևս նախորդ տարվա դեկտեմբերի վերջին է հայտնի եղել, որ կորոնավիրուսը մարդուց մարդուն է փոխանցվում: Սակայն այդ տեղեկությունը ղեկավարությունն ընդունել է քմծիծաղով:
Բժշկուհի Յանն այս թեմայով խորհրդակցել է Չինաստանի այլ բուժհաստատությունների իր ծանոթների հետ: Նրանցից շատերը կիսել են Յանի մտահոգությունը, սակայն շուտով բոլորը, այդ թվում՝ նրա ամուսինը, ով նույնպես գիտնական է ու նույն լաբորատորիայում է աշխատում, չեն ցանկացել խոսել այդ թեմայով: Յանի խոսքով՝ նրանց պարզապես լռեցրել են: Իրեն էլ են փորձել լռեցնել, այդ պատճառով միայն ԱՄՆ-ում կարող էր հայտարարել իրական պատկերի մասին:
Լի-Մեն Յանը նշել է, որ թեև կորոնավիրուսի իրական հատկանիշներն ավելի շուտ են հայտնել, սակայն չինական իշխանությունները և ԱՀԿ-ն կեղծել են այդ տեղեկությունները: Բժիշկները, ովքեր ավելի վաղ Յանի հետ համակարծիք էին, սկսել են չխոսել այդ թեմայով:
Յանը ներկայումս ԱՄՆ-ում է, սակայն, ինչպես հաղորդվում է, վտանգ է զգում: Չինաստանում գտնվող իր հարազատները նույնպես վտանգի մեջ են, ծնողները հարցաքննվել են: Սակայն, չնայած դժվարություններին ու վտանգին, Յանը նշել է, որ շարունակելու է պայքարել՝ իրականությունը բացահատելու համար:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…